بِسْمِ اللهِ الرَّحْمٰنِ الرَّحِيمِ

Судандаги ўтиш даври Ҳарбий Кенгаши чиндан ҳам исломий шариатни қонунчиликка манба қилмоқчими!

Рейтер ахборот агентлиги сайти (ҳижрий 1440 йил 3 рамазон, милодий 2019 йил 8 май чоршанба куни) нашр қилган хабарда бундай дейилади:

«Сешанба куни Судан ўтиш даври Ҳарбий Кенгаши мухолафатнинг ўтиш даври бошқарув шаклига доир киритган таклифига бир овоздан рози бўлишини билдирди. Бироқ Кенгаш исломий шариат ва маҳаллий урф-одатнинг қонунчиликка манба қилмоқчи эканини қўшимча қилди.

«Биз исломий шариат ва Судан Республикаси урф-одатлари ва анъаналарининг қонунчилик манбаи бўлади, деган фикрдамиз», деди Кенгаш матбуот котиби генерал-лейтенант Шамсиддин Каббоший».

Роя газетаси шарҳи:

Башир бошқарувининг давомчиси экани аниқ-маълум бўлган Судан Ҳарбий Кенгашининг шариатни татбиқ қилиши худди Башир нима қилган бўлса шуни англатади. Яъни, шариатнинг у ер, бу ерини татбиқ қилиш Исломни тўла татбиқ қилиш ҳисобланмайди. Чунки бу Кенгаш исломий шариатни татбиқ қилишда жиддий эмас. Йўқ, бу даъвони Судан аҳлини алдаш ва адаштириш, уларни қўллаб-қувватловига эришиш мақсадида қиляпти. Чунки ундан олдинги Башир ҳам биринчи Ҳарбий Кенгашда худди шундай қилган. У ҳам исломий шариатни татбиқ қилажагини даъво қилган, аммо татбиқ қилмаган, шариатга эътиборсиз қараган, юрт бирлигини муҳофаза этиш, бўлинишига йўл қўймаслик, кофирларга топширмаслик, ҳатто бир қарич ерини ҳам бермаслик каби шариат буюрган вазифалардан воз кечган. Оқибатда, Судан жанубининг учдан бир қисмидан ҳамда мусулмонлар бойлигининг 80 %идан воз кечди. Агар бугунги Ҳарбий Кенгаш Исломни татбиқ қилишда ростгўй бўлганда эди, ҳокимиятни Ҳизб ут-Таҳрирга топширган бўларди. Чунки Ҳизб қўлида исломий дастур бор, исломий тузум ва сиёсатлар татбиқ қилишга тайёр турибди.

Роя газетасининг 2019 йил 15 май чоршанба кунги 234-сонидан