Раҳбарлардан розимисиз?

بِسْمِ اللهِ الرَّحْمٰنِ الرَّحِيم

Ҳозирги даврда бутун Ислом олами муаммолар гирдобига тушиб қолганини кўриб турибмиз. Мусулмонлар ҳаётида муаммолар шунчалик кўпки, кўпчилик уларни яқин келажакда ўз ечимини топишига ишончини йўқотган. Бу муаммолар орасида энг кўзга кўринарли ва ўта оғриқли бир муаммо борки, Ислом олами чекаётган азоб-уқубатларнинг бош сабабчиси ҳам ўшадир. Бугун бизни бошқараётган ҳокимларимиз ўта нопок, хоин, золим ва етакчи бўлишга нолойиқ эканлиги билан Ислом Умматининг энг оғриқли жойига айланиб улгурди. Дарҳақиқат, Ислом оламининг қаерига қараманг, мусулмонлар зулмнинг энг каттасини ўзларининг ичидан чиққан ҳоким ва раҳбарлардан кўрмоқдалар. Уларнинг адолатсиз ва ёмон бошқарувлари оқибатида мусулмонлар дунё халқлари орасида энг қолоқ ва хор, мазлум ва қашшоқ халққа айланиб қолди. Бундан-да ачинарли ҳолат шуки, мусулмонлар адолатли раҳбар қандай бўлишини деярли эсдан чиқариб юбордилар. Улар фақат у ҳокимни яхшироқ ёки бунисини ёмонроқ, деб таққослаш билан раҳбарларга баҳо берадиган бўлиб қолдилар. Зеро, бу уммат ичидан бошқарув ишида бутун оламга буюк намуна бўлишга лойиқ бўлган зотлар етишиб чиққани ҳеч кимга сир эмас.

Бу ўринда, биринчи навбатда Пайғамбаримиз Муҳаммад с.а.в. ни намуна сифатида келтириш лозим. Биз мусулмонлар Пайғамбаримиз с.а.в. ни инсоният тарихидаги энг мукаммал инсон ва ўзимизнинг саййидимиз, йўлбошчимиз, деб биламиз. Албатта, раҳбарлик бобида Росулуллоҳ с.а.в. бутун инсониятга жуда гўзал ва бетакрор намуна кўрсатганлар. Росулуллоҳ с.а.в. дан сўнг Ислом Умматини бошқарган халифалар ҳам у зотнинг йўлларини маҳкам ушлаган ҳолда бошқарув ишига ниҳоятда жиддийлик билан қараганлар. Муслим ривоятида Оиша р.а. Пайғамбар с.а.в. нинг мана шу уйимда:

«اللَّهُمَّ مَنْ وَلِيَ مِنْ أَمْرِ أُمَّتِي شَيْئًا فَشَقَّ عَلَيْهِمْ فَاشْقُقْ عَلَيْهِ وَمَنْ وَلِيَ مِنْ أَمْرِ أُمَّتِي شَيْئًا فَرَفَقَ بِهِمْ فَارْفُقْ بِهِ»

«Эй Аллоҳим, кимки бирон ишда умматим устидан раҳбарлик қилиб, уларга машаққат келтирса, Сен ҳам уни машаққатга солгин, бир ишда умматим устидан раҳбарлик қилиб, уларга меҳрибон бўлса, Сен ҳам унга меҳрибон бўл», деганларини эшитганман, дейди.

Саҳобалар Росулуллоҳ с.а.в. нинг шу каби ўгитларини қалбларига жойлаган ҳолда бошқарув ишига киришганлар. Улар умматни алдашни, зулм ва адолатсизлик қилишни, унга хоинлик қилишни, ўз ишига масъулиятсизлик билан қарашни, лавозимини бойлик орттириш воситаси қилиб олишни ҳатто хаёлларига ҳам келтирмаганлар. Чунки улар ҳар қандай лавозимга бир омонат сифатида қараганлар ва бу борада Аллоҳнинг олдида ҳисоб беришларини, бу эса, бошқаларнинг ҳисоб беришидан анчайин оғирроқ бўлишини чуқур ҳис этганлар. Уларни мана шундай забардаст бошқарувчи бўлиб етишишлари Ислом билан чамбарчас боғлиқдир. Ваҳоланки, айнан Ислом тузуми татбиқ қилинган даврларда дунё шундай буюк раҳбарларни кўрди, уларни айнан Ислом тарбиялаб, етиштириб чиқарди. Улар умматга ишондилар ва уни яхши кўрдилар, уммат учун мустаҳкам қалқон бўлдилар, унга худди ўз фарзандидек, балки ундан-да зиёда ғамхўрлик қилдилар. Ўз ўрнида, уммат ҳам уларга ишонди ва яхши кўрди, уларнинг ортидан дунёнинг нариги чеккасигача боришга ҳам тайёр турди, қисқаси уммат уларнинг бошқарувларидан рози бўлди. Буларнинг барчасига Ислом тузуми татбиқи натижасида эришилди.

Бироқ бугун татбиқ қилинаётган тузумдан бундай раҳбарларнинг етишиб чиқишини кутиш худди қордан иссиқлик кутишдек гап. Бу тузумдаги раҳбарлар ё ўн йиллаб лавозимига зулукдек ёпишиб олиб халқ қонини сўрмоқда ё бир лавозимга кетма-кет ва тутуриқсиз равишда раҳбарлар тайинланмоқда. Тузум ўзгармас экан, раҳбарлар ҳар қанча янгиланмасин бугунги хор аҳволдан чиқиб бўлмайди. Чунки татбиқ қилинаётган тузумнинг ўзи адолатсиз бўлганидан кейин раҳбарларнинг алмашиши деярли ҳеч қандай ижобий ўзгаришга олиб бормайди.

Юқоридагилардан хулоса шуки, муаммоларни бир раҳбарни ишдан олиб, бошқасини тайинлаш билан муолажа қилиб бўлмайди, балки татбиқ қилинаётган ботил тузумни Ислом тузумига ўзгартириш билан муолажа қилинади. Устимиздаги ҳокимларнинг бошқаруви ҳаётимизга қанчалик таъсир қилаётганини воқелик кўрсатиб турибди. Шу воқеликни ўзгариб, адолат ўрнатилишини хоҳласак, биз учун Исломдан бошқа нажот йўқ. Зеро, одамлар орасида адолат ўрнатадиган раҳбарларни айнан Ислом етиштириб чиқарган.

Ҳизб ут-Таҳрирнинг Ўзбекистондаги медиа офиси. Фаррух

07.08.2019й