بِسْمِ اللهِ الرَّحْمٰنِ الرَّحِيمِ

Муборак Фаластин заминидаги нуфузли кишилар Оли Тамимий майдонида CEDAW конвенциясига қарши йиғилдилар

Ғарбий Соҳилнинг шимоли, ғарби ва марказидаги турли уруғлар ва районлардан келган муборак Фаластин заминининг минглаб нуфузли кишилари Фаластин режими имзо чеккан, тасдиқлаган ва юртда амалда татбиқ қилаётган CEDAW конвенциясига норозилик билдириш учун 2019 йил 21 декабр шанба куни Халил шаҳридаги Оли Тамимий майдонига йиғилдилар.

Халилнинг нуфузли кишилари ва оқсоқоллари айни йиғинни, Исломга қарши курашаётган, оила ва жамиятни бузаётган, бузғунчилик, фаҳш ва разолат тарқатаётган CEDAW конвенциясига қарши курашиш мақсадида уюштирдилар.

Йиғинда ўнлаб кишилар нутқ сўзлаб, барчалари айни конвенцияга қарши курашиш зарурлигига иттифоқ қилдилар. Нотиқлардан кўпчилиги унинг бандлари ҳақида сўз юритди. Айниқса, зинога ва абортга рухсат берган, эркакнинг аёллар устидан раҳбарлиги ва валийлигини бекор қилган, меросда эркак билан аёлни тенг қилган, ақида ва аҳком жиҳатидан Исломга зид келиб, оила ва жамиятни бузаётган бандларга тўхталиб ўтдилар.

Нотиқлар Фаластин заминидан айни машъум конвенциядан дарҳол чиқишни талаб қилдилар ҳамда уни Фаластин аҳлига зўрлаб татбиқ қилишга уринишдан огоҳлантирдилар. Ушбу муборак замин аҳли бу конвенцияга ҳаргиз рози бўлмаётганларини, ўз ҳурмат ва номусларини, оилалари, аёллари ва қизларини ҳимоя қилиб, турли услуб ва воситалар билан унга қарши курашажакларини таъкидладилар. Нотиқлар шунингдек, Фаластин аҳлининг Исломни севадиган, у учун молу жонларини фидо этадиган, ҳеч кимнинг Исломга қарши адоват қилиб, унинг аҳком ва шариатига журъат қилишларига йўл қўймайдиган мусулмон эр кишилари эканликларини билдириб ўтдилар.

Дарҳақиқат, Ҳизб ут-Таҳрир – муборак Фаластин замини ҳам ушбу улуғ чақириққа лаббай, дея ҳозир бўлди. Унинг Фаластиндаги матбуот бўлими аъзоси доктор Мусъаб Абу Арқуб нутқ сўзлаб, Ҳизбнинг CEDAW конвенциясига нисбатан расмий позициясини баён қилди. Абу Арқубга кўра, бундай конвенцияга имзо чекиш жиноятдир. Чунки ундан муслима аёлга зиён еткизиш, иффат ва покликка қарши курашиш, шунингдек, Фаластинда мустамлакани кенгайтириб, унинг фикрларини ёйиш, у ердаги босқинчиликни умрини узайтириш ҳамда юртни мустамлакачи кофир оёқлари остида ушлаб туриш кўзланган. Доктор Абу Арқуб Фаластин режимининг бизга давлат ваъда қилинган, деган баҳона билан халқаро стандартлар ва шартларни қабул қилиши, гуноҳдан ҳам ёмон баҳонадир, деди. Кейин – «Бу мустамлакачи давлатлар қачон орзу-умидларимизни рўёбга чиқариб беришган?!», «Давлат ва салтанат учун дин, ҳазорат ва маданиятлар қачонгача сотилади?!», каби саволларни ўртага ташлади. Доктор Турмуш қуришни ўн саккиз ва ундан юқори ёшга белгилаш муслима аёлни бузиш қарорларидан бири эканини таъкидлади. Бу конвенцияда муслимани сўнгги қўрғони, яъни, оила қўрғонини ҳам бузиш кўзланганидан огоҳликка чақирди ҳамда бу мустамлакачи кофир Ғарбга ҳамда унинг Фаластин ва барча мусулмон ўлкаларида кўзлаган мустамлакачилик лойиҳасига хизмат қилади, деди.

Доктор Абу Арқуб – бугун таниқли кишиларимиз ўз нутқларида CEDAW конвенциясининг бекор қилинишини талаб қилаётган эканлар, Ҳизб ут-Таҳрир уларнинг айни ҳаракатларининг биринчи сафида хизмат қилади, деди. Фаластин режими ва унинг гумашталарию қўллаб-қувватловчиларига қарши ҳақиқатни баралла айтмоқ даркорлигини, Ҳизбнинг доим Ислом дахлсизлиги ва мусулмонлар номусини ҳимоя қилиб келгани ва шундай бўлиб қолажаги одамларга яхши маълумлигини таъкидлади.

Шундай қилиб, йиғиннинг якуний баёнотида CEDAW конвенцияси ва унинг оқибатларидан сақланмоқ лозимлиги қайд этилиб, Фаластин режимидан дарҳол бу битимдан чиқиш талаб қилинди. Шунингдек, йиғилганлар турмуш қуришни ўн саккиз ва ундан юқори ёшга белгилаш қарорига ҳам норозилик билдириб, юртдаги барча феминистик ташкилотларни ёпиб ташлашни ва уларнинг мактабларга аралашишига йўл қўймасликни талаб қилдилар. Шунингдек, Халил шаҳрида, оила ва жамиятни вайрон қиладиган, аҳком ва ақида жиҳатидан Исломга қарши курашадиган бундай конвенцияни бекор қилинишини талаб қилувчи бир намойиш уюштирилажагини эълон қилдилар.

Роя газетасининг 2019 йил 25 декабр чоршанба кунги 266-сонидан