بِسْمِ اللهِ الرَّحْمٰنِ الرَّحِيمِ

Фаластиннинг ҳар бир қарич ери – аннекциядан олдин ҳам, кейин ҳам – босиб олинган ер ҳисобланади

Боҳир Солиҳ қаламига мансуб

Муборак Фаластин заминини тўла босиб олган яҳудий вужуди 1967 йилда босиб олган Ғарбий Соҳилдан бир қисмини, айниқса, Ағвор минтақасини аннекция қилмоқчи экани тўғрисида баёнот бера бошлагандан бери, Фаластин режими турли намойишлар, маърузалар ва тадбирлар ўтказиб, гўё ўзини бу аннекцияни барбод қилишга ёки кейинга суришга ҳаракат қилаётгандек кўрсатяпти. Ҳолбуки, унинг ўзи яҳудий вужудини қонуний деб ҳисоблайди ҳамда Фаластиннинг босиб олган 78 % ерини яҳудийларники деб тан олиб келади… Яҳудийларнинг ушбу «сиёсий» аннекцияси Фаластиннинг 8 % майдонини ташкил қилаётган экан, режим курашни фақат шу майдонга чекламоқда… Гўё унинг наздида Фаластиннинг қолган ерлари яҳудий вужуди учун ҳалолдек! Гўё Фаластин режимига қарашли ерлар – тинчлик келишуви бўйича – озод этилгандек ва яҳудий вужуди ҳукмронлиги остида эмасдек!

Бу режимнинг сўнгги хатти-ҳаракатлари унинг Фаластин масаласига қарши тил бириктираётганини ва муборак замин масаласини малъун босқинчи яҳудийлар фойдасига йўқ қилишга астойдил ҳаракат қилаётганини тасдиқламоқда. Чунки Фаластин режими яҳудийлар босқинчилигининг қонунийлигини баҳс қилинмайдиган масала, деб биладиган бўлиб қолди. 1948 йилда босиб олинган ва Фаластин ҳудудининг 78 %ини ташкил қилаётган ерлар, унинг наздида энди яҳудий вужуди билан тортишилмайдиган иш бўлиб қолди. Шунингдек, аҳоли пунктлари, айниқса, Ғарбий Соҳилдаги катта аҳоли пунктлари ҳам режим учун муаммо саналмай қолди. Чунки ҳозирда, режимнинг айни муаммони ҳал қилиш учун ерлар айирбошлаш таклифига рози бўлгани тўғрисида хабарлар тарқалган. Зеро, бу муаммо «Бейлин-Аббос келишуви» ва «Ольмерт-Аббос келишуви» билан ҳал бўлган. Хусусан, ерларни брокерлар, ер тужжорлари ва ҳокимият етакчилари орқали сотилишини қулайлаштириш билан айни яҳудий аҳоли пунктларини кенгайтирган аслида, мана шу режимдир. Оммавий ахборот воситалари ва жарчиларнинг курашни арзимаган ушоқлар устидаги курашга чеклаб қўяётгани ҳам, аслида босқинчи яҳудийларнинг назорати билан бўлмоқда. Одамларга бор-йўқ кураш мана шундан иборат қилиб кўрсатиш режимнинг тил бириктируви ва қасддан адаштирувидир. Чунки аннекция лойиҳаси Фаластин масаласини йўқ қилишга қаратилган биргина фитна ҳисобланмайди, балки шу билан бирга, ушбу замин босиб олингандан бери бир зум ҳам тўхтамай қилинаётган қатор тил бириктирувларнинг давоми ҳамдир. Зотан, яҳудий вужуди муборак Фаластин заминини босиб олиб турибди ва аҳоли пунктларини барпо этиш ва кенгайтириш бир кун ҳам, бир соат ҳам тўхтагани йўқ.

Фаластин режими ўзи учун Американи ҳаж қиладиган қиблагоҳ ва ёпқичларига осиладиган каъба қилиб олганига қарамай, ундан шунча тарсаки ва муштлар еди…, босқинчиларни ўзига тинчлик ҳамкори, деб ҳисоблашига қарамай, улардан шунча зарбалар еди… Бироқ шуларга ҳам қарамай, Фаластин масаласини музокаралар ва келишувлар билан ечиш кераклигини тинмай вайсамоқда, бир кун ҳам, бир соат ҳам тўхтамади. Режим, шунингдек, ушбу масалани исломий ечими ҳамда Уммат ва унинг армияларини Фаластинни озод этишга бўлган талаблари ҳақида бир лаҳза ҳам гапиргани йўқ. Аксинча, тинчлик йўли билан ечиш керак, дея хоинона баёнотлар беришда, АҚШ, Британия, Россия, Хитой ва Европа каби мустамлакачи давлатлар остонасига ётиб олишда давом этяпти. Улардан музокаралар ва тинчлик ечимлари столига яҳудийларни ўтиришга мажбур қилишади, деб умид қиляпти. Мана, шу кунларда Европа ва Британияни ўзига қиблагоҳ қилиб, икки давлат, деган хоинона ечим назариясига мувофиқ якуний ечим музокараларига яҳудийларни ундашларини кутяпти.

Фаластин режими ва етакчилари ўзларининг босқинчилар учун хавфсизлик ричаги, стратегик манфаат ва хизматкор ролини ўйнашаётганини билишади, бунга Аббоснинг босқинчилик солиғидан яҳудийларни озод этганлиги ҳақидаги баёноти ҳамда Ариқотнинг Фаластин режими босқинчилар ўрнига ахлат йиғиштириш ишларини қилаётгани ҳақидаги гапи мисол бўлади. Бироқ шуларнинг ҳаммасига қарамай, бу кимсаларнинг бари ҳокимиятга ва у ердаги шармандалик вазифаларига ёпишишмоқда… мансабларида қолишса, ҳокимият лойиҳасидан еб кун кўришса, бас, шунинг ўзи улар учун кифоя. Чунки режим етакчилари ҳокимият лойиҳасини соф инвестиция лойиҳасига айлантириб, бу йўлда ерни ҳам, номусни ҳам сотиб пуллашди. Яҳудий вужуди ҳокимиятнинг бу аҳволини, режимнинг малайлигини тушуниб турибди ва тушунгани учун ҳам ўзининг муборак заминдаги вужудини мустаҳкамлашда хотиржам давом этяпти.

Ҳа, режим адаштириш жараёнини қатъият билан давом эттиряпти. У Фаластин аҳлидан яҳудийларнинг босқинчилигини табиий ишдек қабул қилишларини, улар билан бўлган душманликни босқинчилик эмас, балки оддий чегаравий жанжал ўлароқ билишларини истайди. Бу режим одамларни босқинчиларнинг зулми ва зўравонлигига бечора заиф етимлардек муносабатда бўлишга ундаяпти… Ла ҳавла ва ла қуввата илла биллаҳ!

Шу нуқтаи назардан, режим ўзининг коронавирусга қарши курашда қўллаётган чораларини одамларга босим қилиш, манфаатларини топташ ва маошларидан маҳрум қилиш билан олиб бормоқда… Шу орқали уларни босқинчилар ва уларнинг режаларига таслим бўлишга мажбурламоқчи. Ушбу коронавирусга қарши кураш чора-тадбирларидан фойдаланиб, одамларни Фаластин масаласига нисбатан билдиришлари лозим бўлган позициядан узоқлаштирмоқчи. Зотан, уларнинг ушбу позициялари Халифаликни барпо этиш ва муборак Фаластин заминини озод этиш сари Уммат ва унинг армиясидан нусрат талаб қилишга асосланади.

Фаластин режимининг оғзидан чиқаётган гапларга ва сохта хатти-ҳаракатларига келсак, бу одамларни адаштиришдан бошқа нарса эмас… Мақсади, кураш моҳиятини бузиб кўрсатиш, ўзининг босқинчилик қаршисида тутган қўрқоқлик позициясини яширишдан иборат. У ўзининг яҳудийлар босқинчилигини мулойимлик билан қабул қилаётганини ва корона пандемияси даврида инсонлар ишларини бошқаролмай қолганини яширишга уриняпти.

Яҳудийлар босқинчилигига жиддий норози бўлган ҳар бир холис киши буни баралла айтмоғи даркор: Фаластиннинг барча қисми Ислом заминидир, уни яҳудийлар босиб олди, бу заминнинг бир қаричи устида ҳам музокара ва ён бериш ножоиздир. Бунда 1948 йил босиб олинган ерлар билан 1967 йил босиб олинган ерлар ўртасида ҳам, яҳудийлар қураётган аҳоли пунктлари билан, қурилиши кутилаётган ерлар ўртасида ҳам ҳеч қандай фарқ йўқ, барчасида ён бериш мумкин эмас. Шунга биноан, ҳар бир холис киши зинҳор БМТ, Хавфсизлик Кенгаши ва мустамлакачи давлатлар остонасига бош урмасин, балки Уммат армияларига мурожаат қилиб, улардан Фаластиннинг барча тупроғини озод этиш сари ҳаракатга келишни талаб қилсин. Зеро, босқинчи яҳудий вужудининг ортида турганлар мана шу БМТ, Хавфсизлик Кенгаши ва мустамлакачи давлатлардир.

Роя газетасининг 2020 йил 8 июл чоршанба кунги 294-сонидан