بِسْمِ اللهِ الرَّحْمٰنِ الرَّحِيمِ

Ғарбнинг Исломни таҳқирлаётгани унинг ҳазорат жиҳатидан омадсизлиги ва Исломни ёмон кўриши сабаблидир

«Charlie Hebdo» журнали бош муҳаррири Лоран Сурисо журналнинг 2020 йил 26 августда нашр қилинган махсус сонида «ҳеч қачон таслим бўлмаймиз», деди. Сўнг, «Ҳозир бу расмларни қайта нашр қиляпмиз. Чунки ҳужумда айбланаётганлар суди бошланган бир пайтда, шундан қилиш биз учун зарурдир», дея қўшимча қилди.

Журнал бош муҳарририни Росулуллоҳ ﷺни таҳқирловчи расмларни қайта нашр қилишга ундаётган нарса унинг ҳазорат жиҳатидан омадсизлиги, Исломни ёмон кўриши ва ўзи ишонган бузуқ капиталистик системанинг йиқилиб, Исломнинг тобора кўтарилаётганидир. Ҳеч қачон таслим бўлмасликни таъкидлаётгани Ислом Умматининг ҳам ҳаргиз таслим бўлмаслигини ҳамда Исломини маҳкам ушлаб, оғиз тишлари билан тишлаётганини, ўзининг ҳазорат сари йўлини такомиллаштираётганини англатади. Бироқ Ислом Умматини бунга ундаётган нарса нафрат ва қасос эмас. Йўқ, балки уни инсониятни зулматдан нурга чиқаришга бўлган ҳаракат ундамоқда. Чунки у ҳидоят Уммати бўлиб, қўлида бутун башарият йўлини ёритувчи машъаласи бор. Ушбу машъала ёрдамида инсонларни тоғутларга қуллик қилишдан инсонлар Парвардигорига қуллик қилишга, динлар зулм-ситамидан Ислом адолатига, бу дунё торлигидан дунё ва охират кенглигига олиб чиқади.

Францияда шундай таҳқирловчи суратларнинг қайта нашр қилинганлиги Ғарбнинг бир машъум йўналишдан юришга қарор қилганини, шу йўналиш бўйича охиригача бормоқчи бўлаётганини англатади… Чунки у ўтган узоқ асрларда уддасидан чиқолмаган режасини уддалаш илинжидадир. Ахир, шу кунгача у армияларини сафарбар қилиб келди, Уммат ақидаси, мафкураси ва маданиятини йўқ қилиш учун миссионер ва шарқшунос кўппакларни ишга солди ва ниҳоят Ислом давлатини йиқитишга муваффақ бўлди. Бироқ Умматдаги Исломни йиқитишда қаттиқ муваффақиятсизликка учради, Ислом синмади, ўзининг кўплаб фарзандлари дилларида улуғвор қоя мисол мағрур қолди. Ҳатто шундай кун келдики, ёрдамсиз қолдирувчи кимсалар ҳам, қарши чиққан кимсалар ҳам зарар етказолмайдиган ҳақда устувор кишилар чиқиб, Исломни ўз елкаларига ортдилар ва уни иккинчи марта ер юзида тақдирни ҳал қилувчи ҳаёт-мамот масаласига айлантиришга ҳаракат қилмоқдалар. Аллоҳнинг тавфиқ ва ёрдами ила, Ислом ёрдамида Пайғамбарлик минҳожи асосидаги рошид Халифалик давлати соясида исломий ҳаётни қайта бошлаш учун курашмоқдалар. Зеро, унинг барпо этилиши ҳақида Аллоҳ ваъда берган, Росули ﷺ башорат қилганлар.

Франция президенти Эммануэль Макроннинг «Charlie Hebdo» журналининг Росули акрам ﷺни масхара қилувчи карикатурани қайта нашр қилиш қарорига қарши чиқолмаслиги, чунки Францияда сўз эркинлиги борлиги ҳақидаги гапига келсак, унинг оғиз кўпиртириб айтаётган сўз эркинлигининг макр ва ёлғон эканлиги ҳаммага яхши маълум. Мисол учун, айни газета агар «Холокост» ва унинг оқибатларини танқид қилувчи карикатура нашр қилганда эди, албатта у ёпиб ташланган ва у ерда ишловчиларни судга топширилган бўларди. Чунки масала Ислом билан боғлиқ бўлса, унга ҳужжат-далиллар олдиндан тайёрлаб қўйилган.

Бу расво газетанинг қилмишидан ҳам, Макроннинг гапларидан ҳам Ислом ва мусулмонларга нисбатан ич-ичдан ёмон кўриш томиб турибди. Бу ёмон кўришда ғарблик салибчи раҳбарлар ва капитализм ботқоғида яшашга ўрганиб қолган бошқа адоватли кимсалар ҳаммаси шерик. Аллоҳ Таоло бундай деган:

﴿قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ﴾

«Уларнинг сизларни ёмон кўришлари оғизларидан ошкор бўлди, дилларидаги адоватлари эса янада каттароқдир»                                      [Оли Имрон 118]

Франциядаги радикал партия Ислом Франция ҳаловатини бузаётган ва унинг тамойилларига зид келган муаммодир, шу боис унга қарши курашиш шарт, деган нарсани таъкидлаш имкониятини қўлдан бой бермаяпти. Аввалги президентлик сайловларида номзод бўлган Франсуа Фийон «Франциянинг дин билан муаммоси йўқ, лекин Ислом билан, аниқроғи исломий экстремизм билан муаммоси бор», деди. Собиқ радикал президент Николя Саркози ҳам Францияда ҳижоб кийишга ва ўқув юртларидаги ўқувчиларнинг ҳалол таом ейишларига ҳеч иккиланмай қарши чиққан. Ўтган бир неча ой ичида Франция президенти мусулмонлар тўғрисида кўп баёнотлар берди. Айниқса, жорий йил февралдаги маҳаллий сайловларнинг биринчи босқичи олдидан «жамиятимизда Ислом номидан сиёсий лойиҳа яратмоқчи бўлаётганлар бор», деди. Яна бир сайлов муносабати билан берган баёнотида ҳам «қизларини чўмилишга юбормаётган раҳбарлар»ни танқид қилиб, Исломдаги шахсий ақида масалаларини нишонга олди.

Ислом ва мусулмонлардан қўрқаётган ва нафратланаётган фақат Франция эмас. Бугун бутун Ғарб Ислом Уммати томонидан давом этаётган ҳаракатдан қўрқув ва даҳшатда яшайдиган бўлиб қолди. Чунки Уммат уйқудан уйғониб, Исломга қайта бошлади, аввалгидек Ғарб ва унинг ҳазоратига ҳавас қилмайдиган бўлиб қолди. Мусулмон юртлари ҳукмдорлари 2015 йил 11 январда Франция томонидан уюштирилган «исломий терроризм»ни қораловчи маршда қатнашиш учун чопиб боришганди. Бироқ бугун анави таҳқирловчи карикатура қайта нашр қилинган пайтда бу ҳукмдорлардан ҳатто қораловчи овозни ҳам эшитмаяпмиз. Аслида Уммат бу рувайбизалардан бирор позицияни кутаётгани йўқ. Чунки у ҳукмдорларнинг бирор ғурурли бўлишлари у ёқда турсин, ҳатто барчалари қимирламайдиган мурдаларга айланганини билади. Ҳақиқатда, бу ҳукмдорлар ўзларига хорлик ва расволикни муносиб кўришмоқда. Ким ўзининг хор қилмишларига рози бўлса, унинг ори-аламини ҳам сезмайдиган бўлиб қолади! Демакки, бу ҳукмдорлар хўжайинлари қўлидаги истаган томонга ўйнатувчи қўғирчоқдан бошқа нарса эмаслар. Уммат улардан қўлини ювиб, воз кечди ва то уларни ҳеч ким афсусланмайдиган ҳалокат жарлигига улоқтирмагунича ҳамда Халифалик барпо этмагунча асло тинчимайди, ҳаракатини тўхтатмайди. Зеро, Уммат барпо этишга ҳаракат қилаётган Пайғамбарлик минҳожи асосидаги рошид Халифалик Умматга халқлар ўртасидаги иззат-шарафи ва ҳайбатини албатта қайта олиб беради.

﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ﴾

«Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир»  [Рум 4-5]

Роя газетасининг 2020 йил 9 сентябр чоршанба кунги 303-сонидан