Адлия вазири: “Одамларга дўзахга кириш, кирмаслик танловини ўзларига қўйиб берайлик”

     بِسْمِ اللهِ الرَّحْمٰنِ الرَّحِيم

Ўзбекистон адлия вазири Рустам Давлетов масжидлар минбарларида имомларнинг даъватлари қонун доирасидан чиқмаслиги кераклиги хусусида гапириб, ўз сўзини ғарб демократларидан бирининг: “Одамларга дўзахга кириш кирмаслик танловини ўзларига қўйиб берайлик” деган жумласи билан тугатди. Унинг бундай мурожаатидан тушуниладики, минбарлардаги имомлар хутбаси намоз, рўза, ҳаж, никоҳ каби масалаларгагина чекланиши лозим. Юртнинг ёшлари ҳар қандай фаҳш, бузуқлик, ичкилик, гиёҳвандлик каби Оламлар Роббиси тарафидан ҳаром қилинган амалларни танласа, уларни қайтармаслик кераклиги тушунилади. Вазирнинг иддаосидан кўриниб турибдики, бугунги ёшлар Аллоҳ Таоло йўлини танламасалар бўлди.

Вазир жаноблари! Хабарингиз бўлса керак, сиз мусулмонлар яшайдиган юртдасиз! Анави кофир олимингиз Девиднинг юртида эмассиз. Сизнинг ота-онангиз қандай тарбия берган, бундан хабаримиз йўқ. Аммо бу юртда “ҳар бир бола учун етти маҳалла ота-онадир” дея тарбияланган мусулмон фарзандлари яшайди. “Дўзахга ўзи киради-ку” деган тарбия Бухорий, Бурҳониддин каби алломалар фарзандлари учун мутлақо бегона фикрдир. Қолаверса, ҳаёт йўлимизга энг тўғри ечимни Аллоҳ Таолодан олиб келган Сарвари Коинот ﷺ: “Сен туфайли бир кишининг саждага бош қўйиши дунё ва ундаги нарсалардан афзалдир” дея ҳар бир мўминга бошқаларга яхшиликни етказиш заруратини билдирганлар. Пайғамбаримиз ﷺ ва Саҳобаи киромлар (Аллоҳ улардан рози бўлсин) оламга эзгуликни етказиш ғамида умрларини сўнггигача тиним билмай ҳаракат қилганлари туфайли бу юрт кишилари ўзлари ёққан оловга сиғинишдан, бут санамларга ибодат қилиб хор бўлишдан омон қолдилар.

Вазир жаноблари, сиз қандай қилиб ва қандай асосдан келиб чиқиб масжид минбарларидаги даъватни чеклаб қўйишга журъатли бўлдингиз. Сиз кабиларни раҳбарликка танланишида қандайдир меъёр, ўлчам бор бўлганида эди, даъват алангасини пуфлаб ўчиришга уринадиган, янада тўғрироқ айтсак, Аллоҳга қарши журъатли сиз кабилар рувайбизалик қилиб, оммани адаштирмаган бўларди. Сиз каби Хилофатдан қўрқувчи шайтанат малайлари қаернинг “сув”ини ичиб, тарбиялангани ойдек равшандир. Аҳмоқона гапингизга далил қилиб келтирган “олим”ингиз юртига енгил боқсангиз кифоя. Сиз албатта мусулмонлар юртидан тинимсиз ташиб кетилган бойликлар эвазига обод бўлган шаҳарларга қараб уларга ҳавасингиз ортган кўринади. Аммо ўша “ўзингни бил, ўзгани қўй” шиори остида яшаётганларнинг оиласига назар солганмисиз?! Уларнинг оиласида фарзандлар, набиралар давраси қувончидан асар ҳам тополмайсиз! Чунки улар балоғат ёшидаги фарзандига оталик қилишдан маҳрум бўлдилар. Фарзандлари сиз айтгандай дўзахни танласа, ихтиёрига ташлаб қўйдилар, туғишни хоҳламаган хотинига ихтиёр бердилар. Хонадонларидан файз қочиб, оиласининг садоқатли аъзолари ит, мушук ва маймунлардан иборат бўлиб қолди. Ён қўшниси фоҳишами, баччавозми, суриштирмоққа журъатсиз бўлдилар. Чунки ўша юртни сиз каби “ўз ҳолига қўйиб бер” дегувчи файласуфлар бошқармоқда.

Жаноб! Бу халқ иймонли халқдир! Оиладаги ва фарзандларидаги, маҳалласидаги ва қўшнисидаги одобсизлик, уятсизлик ва бошқа муаммоларга ечим излаб сиз кабиларнинг идораси эшигини қоқмайдилар. Насиҳат қилинг тақсир, дея уламоларга юзланадилар. Сиз эса, ўша уламоларга кўп йиллардан бери қўйилиб келаётган тўсиқлар устига яна бир тўсиқ қўйишни хоҳлайсиз.

Аслида, юрт уламолари сиз каби демократлар вафот қилса конституциядан бир парча ўқиб кўмаверинглар, никоҳланмоқ истасалар “бахт уйи”даги қарсаклар кифоя, деб юборсалар борми?! Тўғри, улар бундай қилмайдилар. Шундай қилсалар, уларни айирмачиликда, ақидапарастликда айблаб чора кўриш режасини ишлаб чиқасизлар. Шу боис фарзандларингиз никоҳлари ўқилиб, майитларингизга жаноза чақириғи бўлаверади. Аммо бу сиз кабиларнинг шундай эъзозга муносиб эканингиздан эмас, балки шайтанат ҳукмронларидан бири бўлганингиз учун, холос! Лекин ойни этак билан ёпиб бўлмаганидек, ўша демократ хўжайинларингизнинг Ҳақдан тўсишга уринишлари албатта беҳуда кетади.

يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ

– “Улар Аллоҳнинг нурини (яъни Исломни) оғизлари (яъни беҳуда гаплари) билан ўчирмоқчи бўладилар. Аллоҳ эса, гарчи (кофирлар) хоҳламаслар-да, фақат Ўз нурини тўла (яъни ҳар тарафга) ёйишни истайди”.            (Тавба:32)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

22.02.2022й