Андижон телевидениесининг навбатдаги фитнаси
بِسْمِ اللهِ الرَّحْمنِ الرَّحِيمِ
Андижон телевидениесининг навбатдаги фитнаси
20 – ноябр, чоршанба куни, Андижон телевидениесининг кечки кўрсатувлари орқали, Ўзбекистон куфр режимининг навбатдаги Исломга қарши фитнаси намойиш этилди. Кўрсатувда айтилишича, бир Андижонлик қиз Россияга борган эмиш ва у ерда бир Ҳизб ут — Таҳрир йигити билан учрашган эмишда, у йигит бу қизни 5 чи !!! хотин қилиб олишга харакат қилибди. Кейин яна нималардир бўлиб ўтгандан сўнг, бу қизни ўша “ҳизбий” йигит ўзи олмайдиган бўлибди- да, қизни бир танишига “сиз олинг” деб таклиф қилибди. У таниши ҳам бу қизни хотин қилиб олмайдиган бўлибди ва бу қиз сарсон бўлиб яна Ўзбекистонга қайтиб келибди. Ва буни Андижон телевидениеси орқали бутун Ўзбекистонга билдириш учун бир ҳиммат қилибди.
Ҳизб ут – Таҳрир га бу бебурд режим ва унинг ювиндихўрлари сал тузукроқ маънога арзигулик туҳмат қилишса бўлмасмикан?! Бунчалик аҳмоқона чўпчакни уялмасдан телевидениега чиқариб намойиш қилиш, фақат Ўзбекистоннинг юзсиз ва хамияти йўқ ОАВ сини қўлидан келади.
Бундан 14 йил аввал, 16 – феврал воқеаларини Каримов ва унинг жиноятчи тўдаси (Алматов, Иноятов ва б.) уюштиришиб, Ҳизбни бунга айбдор қилиш учун тўқилган эртаклари ҳам бундан сал савиялироқ эди. Бу бечоралар ҳам ўзида борини гапирадида, бундан бошқага қурби етмаса нима қилсин. (Бир эволюция назариясини ёқловчи олимга, бир диний назарияни ёқловчи одам савол берган экан: “Сизлар нега асли йўқ бўлган, умуман пуч гапни бутун дунёга тарқатасизлар?” – деб сўрганида, у дарвинпараст “олим”: “Бундан бошқаси бизда бўлмаса нима қилайлик – деган экан”.)
Андижон телевидениеси шунчалик халқ учун, миллат учун ёки мусулмонлар учун жон куйдириш хаёлига келган экан, бутун мамлакатнинг хамма ерини эгаллаб олиб, монопол(эхтикор) қилиб кемираётган президент оиласини, уларнинг атрофидаги ҳамтовоқларини харомдан топилган пулларини қаёққа кетаётганини ва қайси оффшор банкларга ўғирлаган бойликларини қўяётганларини тафтиш қилса бўлмайдими? Хозирда Ўзбекистонда, ўтган йилдагига қараганда сиёсий холат анча жиддий тус олиб, Каримов, Татьяна Каримова (Каримовнинг хотини), Иноятов ва Гулноралар ўртасида бораётган Каримовдан кейинги вориснинг тайинланиши атрофидаги сиёсий харакатларни бутун дунё масс-медиалари майда деталларигача мухокама қилишиб ва халқаро тахлилчилар ва тадқиқот марказлари ўз кўз-қарашларини тинмай баён қилиб боришларига қарамай, Ўзбекистон ОАВ (оммавий ахборот воситалари) умумий буйруқ олгандай бирортаси бу хақда журъат қилиб сўз айта олмаётгани, Ўзбекистоннинг масс-медиасининг фаолияти 0 (нол)лигини ифодаси эмасми бу холат?! Лекин тухмат, уйдирма маълумот ва кўрсатувлар бўйича Ўзбекистон ОАВси жахонда 1-ўринни эгаллайди дейилса, хеч ким бу иддаога хайрон қолмаса керак. Мусулмонларнинг ғамини ейишни шунчалик хоҳлашган бўлса, Сурияда 200 мингга яқин мусулмонлар, шу жумладан 50 мингдан ортиқ ёш болалар беҳуда ўлиб кетди, “Эй, Аллоҳ ўшаларни жойини жаннатдан қилгин” – деб бир оғиз дуо қилиб, кейин бошқаларга таъна тоши отишса ёки тафтиш қилишса ярашмасмиди?!
Ушбу телевидениенинг бу қилган иши айнан ушбу режимнинг ғирром ва қўрқоқлигини яна бир бор исботлайди. Агар бу тузум холис бўлганда ёки ўзи айтаётган демократиясига заррача бўлганда ҳам амал қила олганда, ушбу минтақада бўлаётган сиёсий холатларни Исломий жиҳатдан уммат онгига етказаётган, умматни фикрий қолоқликдан, ижтимоий тубанликдан ягона ақидага бирлашишга чақираётган, олий ижтимоий ҳаёт даражасига кўтаришга харакат қилаётган Ҳизб ут – Таҳрир исломий сиёсий ҳаракатига бундай туҳматларни тўқишдан ўзини тийган бўлар эди. Бу каби тайини йўқ, биргина шахснинг оғзидан айтилаётган сўзни, минглаган мусулмонларни номини қора қилиш учун тап тортмай, безбетларча телевизорда сўйламаган бўлишар эди. Ва Ўзбекистоннинг МХХ ҳамда ИИВ ходимлари томонларидан ўзларининг ғараз ишларида енгилтабиатли аёллар ёки фохишаларни “хўрак” сифатида ишлатишлари ёки хар қанча виждонли инсон бўлмасин, МХХ ва ИИВдаги “шоввозлар” ўша инсонни қўрқитишиб ҳамда дўқ-пўписалар билан ўзларига керак бўлган сўзларни айттира олишларига ҳам бугунги кунда бундай нарсалар хеч кимга сир бўлмай қолган. Хеч ким бу телевидениедан, “бу воқеага нима далилингиз бор?” “Бу воқеа фаразан бўлган бўлса ҳам, Ўзбекистон худудидаги мусулмон умматнинг ахволини яхшилашга нима хизмат қила олади бу ишингиз?”, “агар ўша ҳизбий йигит ўша қизни ростдан ҳам шу ахволга солганини исбот қила олмасангиз, Қиёматда Аллоҳ олдида туҳмат учун жавоб беришдан қўрқмайсизми?” – деган саволларни сўрашни лойиқ деб хисобламайди. Сабаби аниқ, у ҳам бўлса, бу саволларга хеч қачон бу тузумда иштирок этаётганлардан арзигулик жавоб ола олмайсиз. Улар ўзлари ҳам билишади, қилаётган ишлари хеч нарсага асосланмаган, қуруқ сафсатадан иборат эканини, фақатгина тузумнинг бу каби телевидениеларга берган кўрсатмаси бор, доимий равишда соф Исломга чақирган шахсларни ёмонотлиқ қилиб кўрсатиб борилаверса, бу тарқатилаётган хабарларнинг асли борми ёки йўқми, шундоқ хам онги, ақли саёзлашиб кетган умматга секин аста таъсир қилмай қолмайди. Бу маънода ушбу куфр тузумига телевидениелар жуда катта хизмат қилмоқда ва куфрга керак бўлган натижаларни қўлга киритишда астойдил харакат қилмоқда.
Биз юқоридаги кўрсатувга жавобан, ўзимизни оқлаш мақсадимиз ҳам ёки ўша воқеани исботлаб беришлик талабини ҳам қўяётганимиз йўқ, чунки хато қилган инсонгина ўзини оқлашга харакат қилади. Лекин бу каби тухматларга берадиган жавобимиз қуйидагича. Ушбу сиёсий ҳизб тузилгандан бери, ўзининг харакатларида Пайғамбаримиз соллаллоҳу алайҳи васалламнинг суннатларидан бирон қарич бошқа томонга оғишгани йўқ. Алҳамдулиллаҳ! Буни хали биронта олим холис қарашлар билан таҳлил қилиб исботлай олмади, ин ша Аллоҳ исботлай олмайди ҳам. Ёзилган китоблар ёки мақолалар эса ушбу кўрсатув каби, саёз, қуруқ тухматлардан иборат холос.
Юқоридаги телевидение ходимлари, модомики ўзларини мусулмон деб туриб, ушбу гапларни гапираётган эканлар, уларга айтадиганимиз, Аллоҳ Таъоло Ўз каломида шундай дейди:
بَشِّرِ الْمُنَافِقِينَ بِأَنَّ لَهُمْ عَذَاباً أَلِيماً
الَّذِينَ يَتَّخِذُونَ الْكَافِرِينَ أَوْلِيَاء مِن دُونِ الْمُؤْمِنِينَ أَيَبْتَغُونَ عِندَهُمُ الْعِزَّةَ فَإِنَّ العِزَّةَ لِلّهِ جَمِيعاً
“ Мунофиқларга албатта аламли азоб бўлишининг башоратини бер. Улар мўъминларни қўйиб кофирларни дўст тутадилар (уларни мақтайдилар, уларнинг ишига тарғиб қиладилар, мўъминларнинг обрўсини тўкадилар, сотиб қаматадилар). Улар (кофирлар)нинг олдидан азизликни излайдиларми?! Албатта азизлик Аллоҳ учундир.” (Нисо.138 – 139)
قَدْ خَسِرَ الَّذِينَ كَذَّبُواْ بِلِقَاء اللّهِ حَتَّى إِذَا جَاءتْهُمُ السَّاعَةُ بَغْتَةً قَالُواْ يَا حَسْرَتَنَا عَلَى مَا فَرَّطْنَا فِيهَا وَهُمْ يَحْمِلُونَ أَوْزَارَهُمْ عَلَى ظُهُورِهِمْ أَلاَ سَاء مَا يَزِرُونَ
“То тўсатдан қиёмат келиб қолганда, устларига гуноҳларини орқалаб олган ҳолларида: «У (дунё)да қилган сусткашлигимизга ҳасрат-надоматлар бўлғай», деб қоладиган пайтларигача Аллоҳга рўбарў бўлишни ёлғон деб юрган кимсалар ўзларига зиён қиладилар. Улар нақадар ёмон нарсани орқалаб юрадилар-а!” (Анъом – 31)
لِيَحْمِلُواْ أَوْزَارَهُمْ كَامِلَةً يَوْمَ الْقِيَامَةِ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ أَلاَ سَاء مَا يَزِرُونَ
“Улар (бу ёлғон сўзларни, бошқа одамларни йўлдан оздириш учун ва оқибатда) қиёмат кунида, ўзларининг барча гуноҳларига ҳамда ўзлари жаҳолат билан йўлдан оздирган кимсаларнинг гуноҳларидан ҳам (бир қисмига) жавобгар бўлиш учун (айтгандирлар). Огоҳ бўлингиз, улар жуда ёмон юкни (яъни, гуноҳларни) орқалиб олибдилар” (Наҳл – 2)
وَلَيَحْمِلُنَّ أَثْقَالَهُمْ وَأَثْقَالاً مَّعَ أَثْقَالِهِمْ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ
“Албатта улар ўзларининг юк — гуноҳларини ҳам, у юклари билан бирга (бошқа) юкларни ҳам кўтарурлар ва албатта қиёмат кунида ўзлари тўқиб олган (ёлғонлари) тўғрисида сўралурлар”. (Анкабут – 13)
Эй, Каримов тузуми остида, ушбу куфрий жирканч тузумнинг буйруқларини деб ўзларини жаҳаннам томонга олиб кетаётган ОАВ ходимлари!
Биз сизларга, ўзингизни ташқи оламга мусулмон кўринишида кўрсатаётганингиз учун ушбу ваъийдларни сиз томонга йўлладик. Куфр тузумга хизмат қилишни ташлаб, Аллоҳ Таъолонинг шариатига қайтинглар, агар шундай қилсангизлар ўзингизнинг фойдангизга, мабодо қайсарлик қилиб ҳозирги мавқеларингизда қолаверсангизлар, биз сизларни огоҳлантирдик !
ألا هل بلغت؟ اللهم اشهد
“ Огоҳ бўлинг етказдикми?! Аллоҳим ўзинг гувоҳ бўл”.
Каримов режимини ифлосликларини кўра била туриб, унинг тарқатаётган фисқу – фасодига ишонаётган баъзи мўъмин дўстларимизга эса Аллоҳ Таъолонинг оятларидан ёдларига солмоқчимиз:
يَا أَيُّهَا الَّذِينَ آمَنُواْ لاَ تَتَّخِذُواْ بِطَانَةً مِّن دُونِكُمْ لاَ يَأْلُونَكُمْ خَبَالاً وَدُّواْ مَا عَنِتُّمْ قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِن كُنتُمْ تَعْقِلُونَ
“Эй мўминлар, ўзларингни қўйиб, (у мунофиқларни) сирдош дўст тутманглар! Улар сизларга зарар етказишда кучларини аямайдилар ва ёмон ҳолга тушишингизни орзу қиладилар. Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир. Агар ақл юргазсангизлар сизлар учун оят-аломатларни аниқ-равшан қилиб бердик.” ( Оли – Имрон; 118)
Ҳизб ут-Тахрирнинг Ўзбекистондаги медиа офиси Муслим
24.11.2013й.
