Жадидчилик Исломга қарши қўйилган мафкурадир
Жадидчилик Исломга қарши қўйилган мафкурадир
بسم الله الرحمن الرحيم
Хабар: Президент Шавкат Мирзиёев 31 август куни Шаҳидлар хотираси хиёбонига ташриф буюрди. Давлат ва жамоат ташкилотлари вакиллари, нуронийлар қатағон қурбонларини ёд этиш учун йиғилди. Қуръон тиловат этилиб, ўтганлар ҳақига дуо қилинди.
2001 йилдан буён 31 август “Қатағон қурбонларини ёд этиш куни” сифатида нишонлаб келинмоқда. Ўтган йили “Қатағон қурбонлари хотираси” музейи реконструкция қилинган эди. Қорақалпоғистон Республикаси ва барча вилоятларда унинг филиаллари очилди. Бу йил музейда жадид талабалар Германияга ўқишга юборилганининг 100 йиллигига бағишланган экспозиция ташкил этилди.
Давлат раҳбари музейга кириб, мазкур кўргазма билан танишди.
– Бу ерга ҳар гал келиб, эътибор беришимиз бежиз эмас. Мустақилликка эришиш осон бўлмаган. Истиқлолимизга 31 йил бўлгани билан боболаримиз 100 йиллар олдин бунга ҳаракат қилган. 100 минг ватандошимиз қатағонга учраб, 13 минг нафари шафқатсиз отиб ташланган. Нима учун? Таҳлил бўлган. Улар энг катта қаҳрамонларимиз, миллатнинг хазинаси бўлган. 2-3 тадан тил билган. Ватанимизни озод қилиб, тараққиётга олиб чиқишини билишган. Бу ерда худди уларнинг овозлари эшитилгандек бўлади, – деди Шавкат Мирзиёев.
Шулар ҳақда сўзлар экан, президент Қуръони каримдаги оятни ёдга олди. “Оли Имрон” сурасининг 169-оятида: “Аллоҳ йўлида ҳалок бўлганларни ўлик, деб ҳисобламанг, улар тирикдир, Парвардигорлари ҳузурида ризқланишмоқда” дея марҳамат қилинган. (Кун.уз)
Изоҳ: Мирзиёевнинг ҳар бир чиқиши ва ташрифлари диққат билан ўрганилса, уларнинг барчаси халқда муайян мафкурани пайдо қилишга қаратилгани маълум бўлади. Бу мафкура халқимизнинг соғлом эътиқоди, диний билими ва тарихий хотирасини парчалаш ҳисобига пайдо қилинмоқда. Мисол учун, шаҳид калимаси Исломий истилоҳ бўлиб, Аллоҳ розилиги учун Ислом йўлида жон берган мўминга нисбатан айтилади. Жадидлар эса, гарчи улар халқнинг фикрий қолоқликка юз тутишига Исломнинг моҳиятини тушунмаслик сабаб бўлаётганини англаб диний ислоҳот ўтказиш фикрини илгари сурган бўлсалар-да, лекин сиёсий Исломий ҳаракат даражасига кўтарила олмадилар. Шунинг учун Жадидлар тажрибаси ҳамда уларнинг асарлари ғозийлик ва шаҳидлик йўли бўлган Исломга манба ҳам, мисол ҳам бўлолмайди. Ҳукумат жадидларни шаҳидлар, деб эълон қилиш билан уммат зеҳнидаги шаҳид тушунчасини хиралаштиришни мақсад қилмоқда. Токи халқимиз бадбўй миллатчилик асосида қурилган демократик куфр давлатнинг сохта чегаралари ва манфаатлари учун қурбон бўлиб кетишни Ҳамза, Умар, Али розияллоҳу анҳулар каби шаҳид бўлиш, деб тушунсин. Бироқ ҳақиқат шуки, бугун Ўзбекистон шаҳидлар юртига айланган. Исломни ҳаётга қайтариш мақсадида Исломни соф ва пок ҳолатда умматга етказган минглаган мусулмонларнинг Каримов режими турмаларидан муборак жасадлари чиққанини одамлар жуда яхши биладилар. Ҳақиқий шаҳид номига муносиблар ана ўшалар эди ин ша Аллоҳ. Аммо бугунги ҳукумат ҳам буни халқдан яширишда давом этяпти. Ҳеч бўлмаса ўша мазлумларни оқлаш ва яқинларидан узр сўрашни ҳам ўзига эп кўрмади.
Аввалги ва ҳозирги ҳукумат Ўзбекистон мустақиллигини 1880 йилларда Қрим татарлари асос солган жадидчилик ҳаракатининг орзуси бўлганини айтиб келади. Ваҳоланки, жадидчилик чигал асосга қурилган бўлса ҳам Ўзбекистонни ўзини ажратиб мустақил қилишни мақсад қилмаган эди. Ҳукумат тарихни бундай нотўғри талқин қилиш билан халқ онгига ватанпарварлик ва миллатчилик тушунчаларини чуқур ўрнатишга уринади.
Чор Россияси курашиб келган жадидларнинг давомчиларини нафрат билан “пантуркистлар” деб қатағон қилган даҳрий тузумнинг етакчи коммунисти бўлган Мирзиёев, мустақилликдан кейин жадидлар изидан борган сиёсий мухолифатга қарши ваҳшийларча курашган ҳукуматнинг олди сафида бўлиб келди. Бироқ “мустақил Ўзбекистон”ни мустақил идеологияси йўқлиги сабабли ўзларининг асрий душманини аждодимиз, деб қабул қилишга мажбур бўлишяпти.
Маълумки, Ўзбекистон халқи президент ўзгариши билан ҳаёт тубдан ўзгаради, деган фикрда эди. Янги иқтидорнинг беш йиллик бошқаруви халқ турмушида янгилик пайдо қилмагач, аҳолида, айниқса ёшлар ўртасида сиёсий ғоялар муҳокамаси кўзга ташлана бошлади. Бундай пайтда ўзбек зиёлилари кўкларга кўтарадиган ва тадқиқотига ҳукумат тарафидан рухсат берилган, балки давлат даражасида тарғиб қилинаётган жадидларнинг миллий мафкураси ва сиёсий қарашлари ёшлар эътиборини тортиши табиий эди. Ҳукумат мавжуд халқаро вазиятдан келиб чиқиб жадидларнинг (Ўрта Осиё, Россия, Хитой ва Европадаги) туркийларни бирлаштириш фикри реал хавф туғдирмаслиги сабаб жадидлардан Ўзбекистондаги мафкуравий бўшлиқни тўлдиришда фойдаланяпти. Умматни Исломий мафкурадан буриш ва ҳақиқий қаҳрамонлар бўлган саҳоба р.а.лардан чалғитиш учун “жадидлар бизнинг ҳақиқий қаҳрамонларимиздир” деяпти. Бу фикрни қувватлаш учун қўрқмай ва ҳеч қандай хижолат тортмай оятни далил сифатида келтиряпти. Олий суд тарафидан қатағон қурбонларини оқлаб бориш ва коммунистик давлатнинг халқимизга ўтказган зуғумини гапириш билан ҳукумат гўё Россияга қаршилигини ва халқ билан бирдамлигини кўрсатмоқчи бўляпти. Ваҳоланки, шу вақтгача ноҳақ ўлдирилган аждодлар учун Россиядан товон тўлаш, ҳеч йўғи узр сўраш ҳам талаб қилинмади. Аксинча, Мирзиёев Георгий нишонини кўксига таққанини ва Ўзбекистонда нишонланган 9 май тадбирларида кўтарилган совет байроғига ҳукумат тарафидан бирор муносабат билдирмаганини гувоҳи бўлдик. Шунингдек, бу ҳукумат ва унинг идоралари осма кўприкка илинган биргина тавҳид байроғидан қандай ларзага келганини ва унга қарши минглаб салбий муносабат билдирганини, ҳозирда ҳам шундай байроқ пайдо бўлишидан қаттиқ хавотирда яшаётганини яхши биламиз. Чунки тавҳид байроғи Халифаликни, у эса Исломий ҳаётни қайта тиклашни англатади. Қачонки Исломий рамзлар Халифаликка боғланса сиёсий фикр вужудга келади. Бундай фикр жамиятда тарқалса мусулмон халқнинг тезликда уйғонишига ва уларнинг барча манфаатлари фақат Ислом татбиқи билангина рўёбга чиқишини англаб етишига олиб келади. Шунингдек, Ислом ҳукмларисиз яшаш куфр ҳаёти эканлигини тушуниб етишга ва унга посбонлик қилаётган малай ҳукуматларни ағдариб ташланишига олиб келади.
Биз мусулмонлар қўлида ҳаётнинг мукаммал тузуми бўлмиш Ислом дастури – Қуръон ва Суннат бўла туриб имомларимизнинг куфр малайи атрофида гирдикапалак бўлиб юришлари ўта ачинарлидир. Пайғамбаримиз Муҳаммад алайҳиссалом Қурайш зодагонларининг бир кун Ислом ҳукмлари билан, бир кун ғайриисломий йўриқлар билан яшаш таклифини кескин рад этгандилар. Ўзини Пайғамбар алайҳиссаломнинг меросхўри санаган бу кимсалар эса, президентнинг намоз ва оят ўқиганини динга амал қилиш, деб баҳолаб унинг барча ғайриисломий амалларига Исломдан тўн кийдириб беришяпти. Бундан ташқари, Мирзиёев халққа ўзини Исломдан ҳукм олаётгандек кўрсатиш учун имомларга ёпишган ҳолда кўриниш беряпти. Бу ҳол унинг Исломдан фойдаланиб халқни адаштиришда Каримовдан ҳам ўтган маккор эканлигини билдиради. Халқни шундай юзаки ишлар билан алдай олаётгани мусулмонлар ақлий ва шуурий жиҳатдан чўкишда эканлигини кўрсатади. Касал одам ўзига нима шифо бўлишини билмаганидек, халқимиз ҳам Исломни фикрий ва сиёсий жиҳатдан ўрганиш ўзига сув ва ҳаводек зарурлигини билмаяпти. Уларга ҳақни етказиш, Исломдан таълим бериш даъват етиб келган барча мусулмонлар учун фарздир. Бу даъватни етказмаслик ёки уни кечиктириш ёки тамомига етказмаслик ихтиёрига мусулмонлар эга эмаслар!
Ҳизб ут-Таҳрирнинг Ўзбекистондаги матбуот бўлими аъзоси Абдураҳмон
05.09.2022й
