بِسْمِ اللهِ الرَّحْمٰنِ الرَّحِيمِ

Эрдоган яҳудийлар хавфсизлиги ўзининг устувор вазифаларидан бири эканини амалда исботламоқда

«Sama news» агентлиги веб-сайти (ҳижрий 1443 йил 20 зулқаъда, милодий 2022 йил 19 июн якшанба куни) тарқатган хабарда бундай дейилади (баъзи ўзгартиришлар киритилди):

«Иброний оммавий ахборот воситаларига кўра, яҳудий вужуди президенти Ицхак Герцог туркиялик ҳамкасби Эрдоган билан якшанба куни ўтказган телефон суҳбати чоғида таъкидлашича, яҳудий давлати «Эрон таҳдиди» дея таърифлаган ва Туркиядаги, хусусан Истанбулдаги яҳудий сайёҳларни нишонга олаётган нарса ҳамон мавжуд.

Герцог «Биз икки томон Исроил-Туркиянинг терроризмни олдини олиш учун биргаликда саъй-ҳаракатларини давом эттирмоғимиз даркор», дея қўшимча қилди».

Роя:

Аниқки, Эрдоган ўзининг асл қабиҳ башарасини кўрсатишга, яъни Американинг Яқин Шарқдаги хизматкори ва Умматнинг ашаддий душмани бўлмиш яҳудийларнинг иттифоқчиси эканини кўрсатишга энди уялмайдиган ёки иккиланмайдиган бўлиб қолди. У Ислом Умматидан ҳам, Туркиядаги озод мусулмон аҳлидан ҳам мутлақо хижолат бўлмаяпти. Гўё у ўзининг фожиали якунини ва аянчли қулашини ишонч ва қатъият ила ўз қўли билан чизаётгандек.

Эрдоган яҳудий вужудининг Фаластин, Қуддус ва Ақсо масжидига қарши содир этган шунча жиноятларига қарамай, куни кеча у билан муносабатларни нормаллаштиргандан сўнг, бугун зўравон ва қонхўр яҳудийларни турк хавфсизлик хизмати орқали ҳимоя қилиш билан бу вужуднинг хавфсизлиги ўзининг устувор вазифаларидан бири эканини амалда исботлади.

Шу боис, Герцог Эрдоганга миннатдорчилик билдириши вa эҳтимол, яҳудийлар хавфсизлиги ва ҳаётини сақлаб қолишдаги ролининг эътирофи сифатида, уни медал билан табриклаши табиий.

Дарҳақиқат, Фаластин масаласи башараларни ҳар доим очиб, шарманда қилиб келди. Ҳатто бу башаралар ўнлаб йилларни ёлғончилик, артистлик ва фирибгарликда ўтказган бўлса-да, бироқ – маълум вақтдан кейин бўлса ҳам – уларнинг аслини очиб бермоқда. Куни кеча Эрон раҳбарларининг ва қаршилик ўқи, деб номланганларнинг барчасини шармандасини чиқарган эди. Зеро, улар Фаластин олдида ўзларининг ожизлиги ва қўрқоқлигини исботлаб, Фаластин мудофааси учун бирорта армиясини ҳам, полкини ҳам, бир дона аскарини ҳам сафарбар қилишмади, аксинча, сиёсий позиция учун заҳри қотил пулларни сарфлаб келишди. Бугун эса, Фаластин масаласи бутун оламни ўзининг қуруқ-сохта маърузалари ва шиорлари билан ўзига қаратган Эрдоганнинг нақадар хоин жинояткор эканини фош этмоқда… Унинг яҳудий вужуди билан муносабатларни нормаллаштираётган ва ҳамкорлик қилаётганларнинг олдинги сафида ва энг ашаддийси эканини бир кечадаёқ яққол кўрсатиб қўйди.

Аллоҳнинг изни ила, Уммат яқинда ўз ҳокимиятини қайтариб олиб, уни мусулмонлар халифасига топширади. Халифа шармандали башаралари очилиб-ошкор бўлиб қолган ювиндихўр ва сотқин ҳукмдорларнинг барчасини аямай-ачинмай супуриб ташлайди.

Роя газетасининг 2022 йил 6 июл чоршанба кунги 397-сонидан