Барча ОАВ ва ҳуқуқ ҳимоячиларига мурожаат
Барча ОАВ ва ҳуқуқ ҳимоячиларига мурожаат
بِسْمِ اللهِ الرَّحْمٰنِ الرَّحِيمِ
Ҳурматли оммавий ахборот воситалари вакиллари, инсон ҳуқуқларини ҳимоя қилувчи халқаро ва миллий ташкилотлар!
Биз, “Ҳизб ут-Таҳрир” Исломий сиёсий партияси, Ўзбекистонда узоқ йиллар давомида озодликдан маҳрум этилган аъзоларимиз билан боғлиқ вазият юзасидан сизларга расмий мурожаат йўллаймиз. Шуни таъкидлаш лозимки, биз сизларни мусулмон ва қалбида иймони бор кишилар деб билганимиз учунгина бу мурожаатни йўлламоқдамиз! Пайғамбаримиз ﷺ айтадиларки:
المسلم أخو المسلم، لا يظلمه ولا يسلمه
«Мусулмон мусулмоннинг биродаридир. Унга зулм ҳам қилмайди, уни ташлаб ҳам қўймайди». (Бухорий ривояти)
Маълумки, Ўзбекистонда “Ҳизб ут-Таҳрир” партияси аъзоларининг аксар қисми давлат ҳокимиятига қарши фаолиятда иштирок этганлик айблови билан жиноий жавобгарликка тортилган. Бироқ мазкур ишларнинг кўриб чиқилиши жараёнида суд инстанцияларининг холислиги ва мустақиллигига оид жиддий саволлар мавжудлиги барчангизга кундек равшан.
Шу билан бирга, халқаро ҳуқуқни ҳимоя қилувчи ташкилотлар томонидан партиянинг фаолияти сиёсий ва ғоявий характерга эгалиги, унинг зўравонликка алоқадор эмаслиги қайд этилган. Шу нуқтаи назардан, бу маҳкумларнинг мақоми сиёсий маҳбуслар сифатида қаралиши лозим.
Маълумотларга кўра, айрим шахслар 1999 йилдан буён, яъни 25 йилдан ортиқ муддат давомида жазони ижро этиш муассасаларида сақланмоқда. Уларнинг ҳуқуқлари, жумладан, инсон шаъни ва қадр-қимматига оид нормаларга риоя этилиши масаласи алоҳида эътибор талаб қилади.
Ишончли кишиларнинг хабар беришига кўра, Қашқадарё вилояти Косон туманида жойлашган 10-сонли ЖИЭМда диний-сиёсий маҳбусларга нисбатан, худди золим Каримов режими давридагидек, ҳатто ундан-да ўтиб тушадиган даражада зулмлар қўллаш бошланган.
Шунингдек, маҳкумлар ҳолатига оид ахборотнинг чекланганлиги ва шаффофликнинг етарли эмаслиги мазкур масаланинг долзарблигини янада оширмоқда. Хусусан, сиз ОАВлари томонидан бу масалани четлаб ўтиш ва икки стандартлик, яъни иккиюзламачилик асосида ёндашилаётгани ҳам бор ҳақиқат.
Юқоридагилардан келиб чиқиб, қуйидаги талабимизни баён қиламиз:
Маҳбусларга доир инсон ҳуқуқлари соҳасидаги халқаро мажбуриятларга тўлиқ риоя этилган ҳолда, ушбу масала юзасидан халқаро ҳамжамият эътиборини тортиб, маҳкумлар ва уларнинг оилаларига ҳуқуқий ва гуманитар ёрдам кўрсатиш. Шунингдек, барча ОАВларига ушбу масалага – журналистик ахлоқ тақозо қилганидек – холислик билан ёндашган ҳолда маҳкумлар аҳволидан кенг жамоатчиликни хабардор қилиш.
Биз ушбу мурожаат тегишли ташкилотлар томонидан кўриб чиқилишига ва инсон ҳуқуқларини таъминлаш йўлида амалий чоралар кўрилишига умид билдирамиз. Оламлар Роббиси айтадики:
وَتَعَاوَنُواْ عَلَى ٱلۡبِرِّ وَٱلتَّقۡوَىٰۖ وَلَا تَعَاوَنُواْ عَلَى ٱلۡإِثۡمِ وَٱلۡعُدۡوَٰنِۚ وَٱتَّقُواْ ٱللَّهَۖ إِنَّ ٱللَّهَ شَدِيدُ ٱلۡعِقَابِ
Яхшилик ва тақво йўлида ҳамкорлик қилингиз, гуноҳ ва тажовузкорлик йўлида ҳамкорлик қилмангиз! Аллоҳдан қўрқингиз! Шубҳасиз, Аллоҳ азоби қаттиқ Зотдир. (Моида-2)
Ҳурмат билан, Ҳизб ут-Таҳрир Ўзбекистон Исломий сиёсий партияси
Алоқа учун Ҳизб ут-Таҳрир Ўзбекистон Матбуот бўлими раиси Ислом Абу Халил
10.05.2026й
Email: islam.abukhalil1984@gmail.com
Telegram: @I_Abu_Khalil
Facebook: Islam Abu Khalil
Мавзуга оид видео ролик иловаси: https://www.facebook.com/share/v/1CfPJSG39G/?mibextid=wwXIfr
