Эй Бурҳон, келишув Шайтоннинг шогирдлари билан бўлиш керакми ёки Раҳмонинг Халифалиги биланми?!
بِسْمِ اللهِ الرَّحْمٰنِ الرَّحِيمِ
Эй Бурҳон, келишув Шайтоннинг шогирдлари билан бўлиш керакми ёки Раҳмонинг Халифалиги биланми?!
Устод Абдулхолиқ Абдун Али
Ҳизб ут-Таҳрирнинг Судан
вилоятидаги матбуот бўлими аъзоси
Судан Суверен кенгаши раҳбари генерал-лейтенант Абдулфаттоҳ Бурҳон Озодлик ва Ўзгариш кучлари билан келишув битимига эришиши учун Америка томонидан қақшатқич ва хавфли босимларга учраётганини ошкор қилди. Буни Хартумдаги маҳаллий ва сиёсий секторлар билан учрашуви чоғида айтди. У келишув линияси бўйича юришдан ўзга ихтиёри йўқлигини таъкидлади.
Бурҳоннинг Озодлик ва Ўзгариш кучлари билан келишув линияси бўйлаб юришга ва унга рози бўлишга мажбур бўлаётганлиги илмоний тузумни муқаддаслашдан бошқа нарса эмас. Бу келишув таклиф қилинган конституцияга асосланган бўлиб, мустамлакачи кофир Ғарбнинг режасига хизмат қилади, юрт аҳлининг яхши яшаш талабларига ҳаргиз хизмат қилмайди. Бундан ҳам ёмони, Суданни бўлиниб парча-парча бўлиш хавфига дучор қилиб, мустамлакачи томонидан юрт бойликларининг талашини ва Умматнинг уйғонишини олдини олиш осон бўлиши учун мамлакатни янада заифлаштиради. Бу келишув, шунингдек, ҳавокирлик бошқарувини ҳамда Суданнинг қабилачилик, ирқчилик ва минтақачилик асосида парчаланишини ҳамда эркинликлар мафкурасини қонунийлаштиради. Ҳолбуки, Ғарбнинг ўзини ҳам вайрон этган ва ҳайвонийликдан ҳам паст даражага туширган мана шу эркинликдир. Бу келишув Ўтиш даври ҳукумати мустамлакачи Ғарбнинг элчиларидан ва ичкаридаги гумашталаридан қабул қилиб олган шайтоний ғоядир.
Эркинликлар мафкураси ақлан ва шаръан ботил бўлганидан ташқари, капиталистик жамиятларнинг ўзига ҳам ҳеч истисносиз бузуқлик, вайронагарчилик ва фожиалар олиб келди. Судан конституциясига сиёсий тартибга солиш учун ҳужжат сифатида киритилган ушбу эркинликлар Ғарбни шахсий эркинликлардан келиб чиққан маънавий таназзул билан вайрон қилди ва СПИД каби ҳалокатли касалликларни келтириб чиқарди. Мулк эркинлигига келсак, унинг келтирган нарсаси капиталистик йирик компаниялар, банклар, бинобарин, капиталистларни бутун бойликларимиз устидан ҳукмрон қилиши ва фарзандларимизни улардан маҳрум этиши бўлди. Капиталистик Ғарб фикрларининг бузуқлигига энг ёрқин мисол ҳис қилиб, гувоҳ бўлаётганимиз воқеликдир. Чунки бу иллат фикрлар Ғарб мамлакатларига, хусусан АҚШга кетма-кет иқтисодий кризисларни олиб келди.
Ғарб тинмай куйлаётган демократияга назар ташлайдиган бўлсак, унинг Ғарб давлатларидаги йирик капиталистларнинг бошқарувни ўз назоратларига олишларига хизмат қилаётганини, халқни эса ҳокимият ва бойликлардан бутунлай маҳрум этаётганини гувоҳи бўляпмиз. Бунга далил, ўзини демократлигини даъво қилувчи ҳар қандай давлатда, айниқса, Америкада капиталистик партиялар ҳокимиятга тарафдор ва овозларни сотиб олиш йўли билан чиқади, Оқ уйга ва давлатнинг бошқа нозик марказларига фақат мана шу партиялар чиқади. Бу эса, демократиянинг барча аҳолиси мусулмон бўлган жамиятда қонун чиқариш ҳуқуқини инсонга бериб қўйишдаги бузуқлигига қўшимча яна бир бузуқлигидир!
Эй Бурҳон!
Аллақачон Аллоҳ ва Росули рози бўладиган позицияни эгаллашинг вақти келди. Бас, Аллоҳнинг душманларига эгилма ва ботилларида уларга кўмакчи бўлма. Акс ҳолда, шундай қабиҳ хоинлик фитнасини ижро этиш билан одамларни ҳалокатга олиб борасан. Уларнинг буйруқларини қабул қилма. Акс ҳолда, мустамлакачи Ғарбнинг режаларини бажариш билан ўзинга ҳам, бутун Умматга ҳам зулм қиласан. Чунки бу режалар Аллоҳнинг, Росулининг ва барча инсонларнинг лаънатидан ўзга нарса олиб келмайди. Оиша розияллоҳу анҳо Росулуллоҳ ﷺнинг бундай деганларини ривоят қилади:
«مَنْ الْتَمَسَ رِضَا اللَّهِ بِسَخَطِ النَّاسِ رَضِيَ اللَّهُ عَنْهُ وَأَرْضَى عَنْهُ النَّاسَ، وَمَنِ الْتَمَسَ رِضَا النَّاسِ بِسَخَطِ اللَّهِ سَخِطَ اللَّهُ عَلَيْهِ وَأَسْخَطَ عَلَيْهِ النَّاسَ»
«Ким одамларни ғазаблантириш билан Аллоҳнинг розилигини изласа, Аллоҳ уни ҳам рози қилади, одамларни ҳам ундан рози қилади. Кимда-ким Аллоҳни ғазаблантириш билан одамларнинг розилигини қидирса, Аллоҳ ундан ғазабланади ва одамларни ҳам ундан ғазаблантириб қўяди».
Аллоҳнинг меҳрибончиликларидан яна бири шу бўлдики, У зот бизга лаънати кофирнинг психологиясини очиқ кўрсатиб берди:
﴿يَا أَيُّهَا الَّذِينَ آمَنُوا لَا تَتَّخِذُوا بِطَانَةً مِنْ دُونِكُمْ لَا يَأْلُونَكُمْ خَبَالاً وَدُّوا مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الْآيَاتِ إِنْ كُنْتُمْ تَعْقِلُونَ * هَا أَنْتُمْ أُولَاءِ تُحِبُّونَهُمْ وَلَا يُحِبُّونَكُمْ وَتُؤْمِنُونَ بِالْكِتَابِ كُلِّهِ وَإِذَا لَقُوكُمْ قَالُوا آمَنَّا وَإِذَا خَلَوْا عَضُّوا عَلَيْكُمُ الْأَنَامِلَ مِنَ الْغَيْظِ قُلْ مُوتُوا بِغَيْظِكُمْ إِنَّ اللَّهَ عَلِيمٌ بِذَاتِ الصُّدُورِ * إِنْ تَمْسَسْكُمْ حَسَنَةٌ تَسُؤْهُمْ وَإِنْ تُصِبْكُمْ سَيِّئَةٌ يَفْرَحُوا بِهَا وَإِنْ تَصْبِرُوا وَتَتَّقُوا لَا يَضُرُّكُمْ كَيْدُهُمْ شَيْئاً إِنَّ اللَّهَ بِمَا يَعْمَلُونَ مُحِيطٌ﴾
«Эй мўминлар, ўзингизни қўйиб, (у мунофиқларни) сирдош-дўст тутманг! Улар сизга зарар етказишда кучларини аямайдилар ва ёмон ҳолга тушишингизни орзу қиладилар. Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир. Агар ақл юргизсангиз, сизлар учун оят-аломатларни аниқ-равшан қилиб бердик. Ҳой (мўминлар), сизлар уларни яхши кўрасизлар-у, улар сизларни суймайдилар. Сиз ҳамма китобларга иймон келтирасиз-у (улар сизнинг китобингизга иймон келтирмайдилар). Сизга йўлиққанларида: «иймон келтирдик», дейишади. Ўзлари холи қолишганда эса сизни қаттиқ ёмон кўрганлари сабабли бармоқларини тишлайдилар. (Эй Муҳаммад, уларга): «Шу адоватларинг билан ўлиб кетинглар!» — деб айтинг! Албатта Аллоҳ дилларни эгаллаган сирларни билгувчидир. Агар сизларга бирон яхшилик тегса, бу уларни хафа қилади. Агар сабр-тоқат қилсангиз ва Аллоҳдан қўрқсангиз, уларнинг найранглари сизга ҳеч қандай зарар қила олмайди. Албатта Аллоҳ уларнинг қилаётган амалларини иҳота қилгувчидир» [Оли Имрон 118-120]
Яна бундай деди:
﴿يَا أَيُّهَا الَّذِينَ آمَنُوا إِن تُطِيعُوا الَّذِينَ كَفَرُوا يَرُدُّوكُمْ عَلَى أَعْقَابِكُمْ فَتَنقَلِبُوا خَاسِرِينَ * بَلِ اللَّهُ مَوْلَاكُمْ وَهُوَ خَيْرُ النَّاصِرِينَ﴾
«Эй мўминлар, агар кофирларга итоат қилсангиз, сизни ортингизга (куфрга) қайтарадилар. Бас, зиён кўргувчиларга айланиб қоласиз. Йўқ, (улар сизнинг дўстингиз эмас, балки) Аллоҳ ҳожангиздир. Ва У энг яхши нусрат-ёрдам берувчидир» [Оли Имрон 149-150]
Кофирларга, хусусан куфр ва тоғутнинг боши Америкага итоат қилишнинг оқибати муқаррар зиёндир. Бунда на фойда бор, на даромад, аксинча, куфр ботқоғига бутунлай ғарқ бўлинади. Чунки мусулмон одам куфр ва кофирларга қарши жиҳод қилиш йўлидан юриб, ботил ва унинг аҳлига қарши курашади ва орқасига қараб кетмайди. Зеро, куфр, ёвузлик, залолат, ботил ва тоғутга қарши курашмаган кимса албатта хорликка учраб, ер тишлайди. Кимнинг ақидаси ва имони кофирларга итоат қилишдан сақламаётган бўлса ва уларга қулоқ солиб, ишонаётган бўлса, унинг ғоят улкан зиён кўриши аниқ.
Эй Бурҳон! Американи дўст тутган, у билан дўстлашиб, муомала қилган ва унга очиқ малайлик кўрсатган Қобулнинг қулашидан ибрат олмадингми. Американинг қомусида дўстлик ва ҳамкорликнинг маъноси йўқ. Чунки у прагматик ва илмоний фикрлашга эга давлат. Американинг инструменталистик идеологияси юксак тамойиллар ва олий идеалларга асосланган эмас. Бас, Америкага итоат қилиб, буйруқларига қулоқ солиб, бажаришгани оқибати нима бўлганини, қандай тугаганини ўзингдан олдинги ҳукмдорлардан сўра! Воқелик энг кучли далил. Ахир, Америка улардан истаганини қилдириб фойдаланиб олгач, ҳалокат жарлигига отиб юбормадими?!… Баъзилари ҳасратдан ўлди, баъзилари қамоқда пушаймонлик бармоғини тишлаб ўлимни кутиб турибди. Шундай экан, улар чақтирган жойдан сен ҳам чақтирма. Собиқ президент Умар Башир ҳам, ундан олдин Ҳусни Муборак ҳам «Ким ўзига Американи кийим қилиб олган бўлса, яланғоч қолади», деган сўзларни айтишди.
Эй Бурҳон! Америка ўзининг нопок ишлари ва режаларини сенинг қўлинг билан амалга ошириб, юзингни қаро қилган экан, энди уни оқлаш вақти келмадими?! Наҳотки, ҳокимиятни ўз эгасига, яъни Пайғамбарлик минҳожи асосидаги рошид Халифаликни барпо этишга ҳаракат қилаётганларга топширмасанг. Буюк Ислом асосига қурилган тасаввур ва дастур мана шуларнинг қўлида, дунё ва охират бахти мана шу Халифаликда, илгариги мақомимизга кўтарилишимиз шу Халифалик билан бўлади! Зотан, бунинг амалга ошиши Аллоҳга ҳаргиз мушкул эмас.
Роя газетасининг 2022 йил 16 ноябр чоршанба кунги 417-сонидан
