Матбуот баёноти

«Янги Бангладеш: адолатли ва етакчи давлат режаси – ислоҳотми ёки янги конституция?» мавзусини муҳокама қилиш учун Бангладеш сиёсий доклад муассасаси томонидан ташкил этилган семинарга Ҳизб ут-Таҳрир – Бангладеш вилояти таклиф қилинди

Бангладеш Сиёсий Доклад муассасаси 2024 йил 7 сентябр шанба куни «CIRDAP» штаб-квартираси залида эрталабки соат 11:00да «Янги Бангладеш: адолатли ва етакчи давлат қуриш режаси – ислоҳотми ёки янги конституция?!» номли давра семинари уюштириб, унга муҳокама учун Ҳизб ут-Таҳрир – Бангладеш вилоятини таклиф қилди. Семинарда Ҳизб аъзоси устоз Муҳаммад Алам Бофил Ҳизб номидан нутқ сўзлаб, қуйидагиларни таъкидлади:

«Охирги эллик йил ичида одамлар 1972 йилда қабул қилинган конституцияда ўн етти марта ислоҳот ўтказилганига гувоҳ бўлдилар. Жумладан, конституцияга «Bakshal»ни киритиш, «Бисмиллаҳ» билан бошлаш, Исломни давлат дини сифатида киритиш ёки чиқариб юбориш, президентлик бошқарувидан бош вазирлик бошқарувига ўтиш, муваққат ҳукумат тизимини бошлаш ва уни тугатиш… ва ҳоказо. Бироқ бу ислоҳотларнинг бирортаси одамларнинг аянчли вазиятини ўзгартиргани йўқ. Чунки булар аслида ёлғон эди, балки ҳукмрон синф ўртасида ҳокимиятни бўлишиш билан боғлиқ бўлиб, инсонлар манфаатига мутлақо алоқаси бўлмади. Афсуски, «Янги Бангладеш» шиори остида тақдим қилинаётган ҳозирги таклифлар одамлар муаммоларини ҳал қила олмайди. Чунки амалдаги конституция ва унга киритилган қўшимчалар мамлакат тақдирини ўзгартира олмади».

Устоз Бофил сўзини давом эттирди:

«Бугунги кундаги конституцияга назар ташласак, унинг ғарблик мустамлакачилар эътиқодларига, яъни капиталистик илмоний куфр ақидасига асосланганини, қонун чиқарувчи ҳокимият халққа тегишли эканини гувоҳи бўламиз. Оқибатда ҳукмрон элита қонунларни ўз шахсий манфаатларини ҳамда баъзи капиталистлар ва мустамлакачи хўжайинлари манфаатини ҳимоя қилиш учун тузишяпти. Янги конституция масаласига келсак, шуни унутмайликки, Бангладешдаги аксар инсонлар мусулмон. Улар ўзлик, маданият, ақида ва мукаммал ҳаёт йўли сифатида буюк Ислом динини қабул қилганлар. Шунинг учун Қуръон ва Суннат асосида ишлаб чиқилган исломий конституция халқни бирлаштиради. Давлат бошқаруви ана шу конституция асосида амалга оширилса, халқнинг фикр-мулоҳазалари, умидлари тўғри намоён бўлади. Шу мақсадда Ҳизб ут-Таҳрир Қуръон ва Суннатдан истинбот қилинган «Халифалик давлати конституцияси лойиҳаси»ни тайёрлади. Дарҳақиқат, Ислом тузуми Мадинаи Мунавварада барпо этилган Ислом давлатида Росулуллоҳ ﷺнинг қўллари билан тузилди ва 13 аср мобайнида давлат дин, ранг ва ирқдан қатъий назар барча фуқаронинг ҳақ-ҳуқуқларини кафолатлади, адолат жамиятини барпо этиб, дунёнинг энг биринчи давлатига айланди».

Устоз Бофил яқинда – Аллоҳнинг изни ила – одил ва етакчи давлат сифатида барпо бўлиши кутилаётган Халифалик давлатида ушбу конституциянинг қандай татбиқ этилиши ҳақида қисқача маълумот берди.

https://www.thedailystar.net/news/bangladesh/news/dont-reform-rewrite-the-constitution-3696871?amp

Ҳизб ут-Таҳрирнинг Бангладешдаги матбуот бўлими