بِسْمِ اللهِ الرَّحْمٰنِ الرَّحِيمِ

Трамп Американинг 47-президенти… Хўш, кейин нима бўлади?

2024 йил 5 ноябр сешанба куни бўлиб ўтган АҚШ сайловлари учун сайлов участкалари ёпилганидан бир неча соат ўтгач, Трамп Демократик партия номзоди Камала Харрис устидан ғалаба қозонганини эълон қилди. У Флоридадаги сайловолди кампанияси қароргоҳида сўзлаган нутқида: «Биз бугун тарих яратдик ва сиёсий ғалабага эришдик», деди. «Одамлар Худо менинг ҳаётимни қандайдир сабабга кўра сақлаб қолганини айтишмоқда. Бу сабаб мамлакатимизни қутқариш ва Американи буюкликка қайтаришдир, энди биз буни биргаликда қиламиз», деб қўшимча қилди у.

Сайловнинг расмий натижалари эълон қилинишидан олдин Германия канцлери Олаф Шолц ва Франция президенти Эммануэл Макрон каби дунё давлатлари раҳбарлари уни табриклаш учун мусобақалашишди. Табриклардан сўнг Макрон Шолцга қўнғироқ қилди ва улар «янада бирлашган, кучли ва суверен Европа учун» биргаликда ишлаш зарурлигига келишиб олишди. Бу эса, Трампнинг ҳокимиятга қайтиши натижасида Европа етакчиларига етган умидсизлик ва қўрқув ҳолатини акс эттиради. Россия президенти Путин ҳам Трампни табриклашга шошилди ва шундай деди: «Трампни АҚШ президенти этиб сайлангани билан табриклайман ва у билан алоқа қилишга тайёрман. Биз Трампнинг сайловолди кампаниясида Россия билан муносабатларни яхшилаш ва Украинадаги можарони ҳал қилиш бўйича берган ваъдаларини олқишлаймиз». (Ал-Жазира нет).

Мусулмон ҳукмдорларга келсак, Эрдоган 2024 йил 8 ноябр жума куни Будапештдан Туркияга қайтаётган рейсида журналистларга шундай деди: «Трамп можароларни тугатишга ваъда берди… Биз бу ваъда бажарилишини ва (Исроил)дан тўхташ талаб қилинишини истаймиз». Миср, Судия Арабистони ва Кўрфаз давлатлари ҳукмдорлари ҳам табрик йўллашда ортда қолишмади. Уларнинг барчаси Трампнинг уларни шармандаликдан қутқаришига ҳамда Фаластин ва Ливандаги яҳудийлар қирғинларини тўхтатишига умид қилишмоқда.

Трамп ҳокимиятга қайтган экан, унда шармандалигини яширадиган на ижодкорлик бор, на дипломатия. Ҳатто у 2016 йилги кампаниясида қабул қилган «Американи яна буюк қиламиз» деган шиорини 2024 йилда яна қайта такрорлади. Бу шиорни илк бор 1980 йилда АҚШ собиқ президенти Роланд Рейган айтган, кейин уни 1992 йили Билл Клинтон президентлик кампанияси пайтида қабул қилган.

Мусулмонлар учун «Америка буюкдир» ибораси Америка бошчилигидаги кофир Ғарб олдида мағлубиятнинг давом этишини англатади. Яъни сиёсий жиҳатдан рувайбиза малай ҳукмдорларнинг ўз тахтларида қолишини, фикрий жиҳатдан кофир Ғарбга қуллик ҳолатида қолишимизни ва иқтисодий жиҳатдан бойликларимиз Америка томонидан талон-торож қилинишини англатади. Биз Трампнинг 2017 йил 5 майда қандай қилиб саноқли соатлар ичида элликдан ортиқ мусулмон юрт ҳукмдорлари ва вакилларини йиғиб, улар унга садоқат ва итоат таклиф қилишганини, шунингдек, фақирлар, заифлар ва ожизлар ризқ-рўзидан тахминан 500 миллиард доллар чегириб олиб, уни рози қилиш учун тўлашганини унутганимиз йўқ. Дунёда давом этаётган, Трамп Оқ уйга келгач тўхтатишини даъво қилаётган урушларни, айниқса, мусулмон юртларда авж олаётган урушлар оловини Америка ўз мақсадларига эришиш учун алангалатмоқда. Ғазо урушини яҳудий вужуди Американинг чексиз ёрдами билан бошлади. Чунки 2023 йилнинг октябридан бери Америка унга 18 миллиард доллар миқдорида ҳарбий ёрдам кўрсатди.

Америка Судан ва Суриядаги урушларни ўз нуфузини кучайтириш ва мустаҳкамлаш учун бошлади. Ямандаги урушга келсак, Америка уни эски мустамлакачи бўлган Британия нуфузи остидан чиқариб олиш учун бошлади. Америка ўз мақсадларига эришмагунча бу урушларни тўхтатмайди. Ғазо масаласида Трамп Нетаняхудан урушни тўхтатишини истамайди, фақат мусулмонларни бу қадар шошилмасдан қирғин қилишини истайди.

Росулуллоҳ ﷺ айтадилар:

«لَا يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»

«Мўмин бир тешикдан икки марта чақтирмайди». Трамп номаълум шахс эмас, балки маълум шахс. У ўзининг биринчи муддати давомида Ғарбнинг мусулмон юртларидаги ҳарбий базаси пойдеворини, яъни яҳудий вужудини ўрнатиш учун мусулмонларни чақди ва уларга энг ёмон найрангни ишлатди. Бу эса, қуйидаги тарзда бўлди:

У 2017 йилда Қуддусни яҳудий вужудининг пойтахти деб тан олди ва 2018 йил 14 майда ўз мамлакати элчихонасини у ерга кўчирди.

2018 йил 25 мартда босиб олинган Жўлонни яҳудий вужудининг бир қисми деб эълон қилинган президент декларациясини имзолади.

Фаластин масаласини тугатиш режаси бўлган «аср келишуви»ни тақдим этди. Шу билан бирга, малай ҳукмдорларнинг яҳудий вужуди билан муносабатларни нормаллаштиришга шошилишлар орқали унинг минтақага интеграциялашувига тарғиб қилди. Бу хиёнатга «Иброҳим келишуви» номи остида диний шакл берилиши алдов ва чалғитувнинг давоми бўлди.

2018 йил 31 августда БМТнинг фаластинлик қочқинларга ёрдам кўрсатиш ва уларни иш билан таъминлаш агентлиги UNRWAни молиялаштиришни қисқартирди. АҚШнинг БМТ агентлигига ажратадиган маблағи 1.24 миллиард долларни ташкил қилади. Бу маблағ БМТ йиллик бюджетининг учдан бир қисмига тенг. Шунинг учун унинг қисқартирилиши миллионлаб фаластинлик қочқинлар ҳаётига тубдан таъсир қилади.

Унинг Ислом ҳақидаги кўз-қарашига келсак, Американинг 45-президенти сифатида 2017 йил 20 январда ўз инаугурациясида сўзлаган нутқида шундай деган эди: «Биз маданиятли дунёни экстремистик исломий терроризмга қарши бирлаштирамиз ва уни ер юзидан йўқ қиламиз». Пентагоннинг RAND корпорацияси таснифига кўра, экстремист, фундаменталист ёки террорчи мусулмон деганда демократия ва Ғарбга душман бўлган ҳамда жиҳодга ва Қуръоннинг тўғри талқинига амал қиладиган ҳар қандай шахс тушунилади. Демак, Трамп имкон топса Исломни ер юзидан йўқ қилиш учун дунё давлатларини ўз атрофида бирлаштирмоқчи. Шундай экан, мусулмон киши ундан яхшилик кутиши мумкинми?!

Бугунги кунда мусулмонлар Америка бошчилигидаги кофир Ғарбга тўлиқ бўйсуниш ҳолатини ифодаловчи ғайритабиий шароитларда яшамоқдалар. Бу эса, кризисларимизни Ғарбнинг истагига мос кризисга айлантирди. Бу кризисларни бошиданоқ Ғарб экмоқда, суғормоқда ва парвариш қилмоқда, кейин уларнинг мевасини йиғиб олмоқда. Шунинг учун одамлар ўз ҳаётларида ва муаммолари ечимларида миллий давлатнинг, ҳатто кофир Ғарб томонидан ташкил этилган бўлса ҳам, этник ёки минтақавий институтнинг таъсирини кўрмайдилар. Айни шу нарса ҳукмдорларни Ғарб элчихоналаридан кўрсатма келишини кутишга, одамларни Ғарб ташқи ишлар вазирлари ёки делегатларини ташрифидан ва Америкадаги ҳукмдорлар ўзгаришидан умид қилишга мажбур қилмоқда. Мусулмон юртларда араб сунъий йўлдош каналлари ўтказган сўров натижаларига кўра, одамлар Трампнинг бирор нарсага эриша олишига умид қилишган. Бу билан мусулмонлар кофирнинг душман эканлиги ҳақидаги мутлақ ҳақиқатни эътибордан четда қолдирдилар.

﴿إِنَّ ٱلۡكَٰفِرِينَ كَانُواْ لَكُمۡ عَدُوّٗا مُّبِينٗا﴾

«Кофирлар сизларга очиқ душман бўлган кимсалардир» [Нисо 101]

Ҳатто тарих Трампнинг жиноятларини ва Ислому мусулмонларни ёмон кўришини, уларни таҳқирлашини исботлаб турса ҳам буни эътибордан четда қолдирдилар. Бу кимса ўз сайловолди кампаниясида мусулмонлар ҳақида сўз юритиб, асосий мақсади Американинг ва яҳудий вужудининг буюк бўлиши эканини очиқ айтса ҳам, бундан қулоқларини беркитиб олишди.

Трамп сайловолди шиорида Америка ўзининг буюклигини йўқотганини тан олди ва унинг буюклигини қайта тикламоқчилигини айтди. Лекин бу нодон билсинки, инсоният тарихи давомида ҳеч бир империя ёки давлат ўз буюклигини йўқотиб, кейин ўша буюкликни қайта тиклаган эмас. Фақат тўғри мабдага асосланган ва мабдани тушунишни зеҳнларда қайта шакллантирган давлатларгина бундан мустасно. Бу фақат буюк Ислом мабдаси асосидагина амалга ошади. Чунки Ислом мабдаси мусулмонлар зеҳнида уни тушунишни қайта шакллантиради. Мусулмонлар пайғамбарлик минҳожи асосидаги рошид Халифаликни барпо этиш орқали Исломни татбиқ қилишга эришиш учун тунни кунга улаб ҳаракат қиладилар. Халифалик мусулмон юртлардан мустамлакачиликни илдизи билан йўқ қилади, Римнинг сўнгги юз йиллигига якун ясаб, адолатни ёяди ва одамларни капитализм зулматидан Ислом нурига олиб чиқади.

Роя газетасининг 2024 йил 20 ноябр чоршанба кунги 522-сонидан

0

0

Related posts:

Трампнинг 10 мингта ёлғон баёноти Фаластин масаласи Трамп ва унинг машъум келишувидан анча катта масала Ҳизб ут-Таҳрир – Покистон вилояти «Трампнинг Ақсо масжидига қарши режаси» тўғрисида кампания бошлади! Трампнинг Америка президентлигига қайтиши ва бунинг Ғазога қарши яҳудийлар олиб бораётган урушга таъсири