2024 йил 5 август золим Ҳасина ва мустабид ҳокимиятга қарши халқ қўзғолони куни
Матбуот баёноти
2024 йил 5 август золим Ҳасина ва мустабид ҳокимиятга қарши халқ қўзғолони куни
«Июл баённомаси» америкaпараст сиёсий партиялар томонидан халқ қўзғолонини барбод этиш учун чиқарилган хиёнаткорлик ҳужжатидир
Бундан роппа-роса бир йил олдин, 2024 йил 5 августда оммавий қўзғолон натижасида Ҳасина ҳукумати қулатилди. У билан бирга унинг ҳукмронлиги остидаги мустабид ва золим режим ҳам қулади. Бироқ халқ чуқур умидсизликка тушди. Чунки ўз тақдирини белгилаш ваколати Америка малайлари ва ҳокимиятга ўч сиёсий партиялар қўлига ўтганига гувоҳ бўлди. Зеро, ана шу малайлар ва ҳокимиятга ўч сиёсий партиялар халқнинг орзу-умидларини амалга оширишга тўсиқ бўлиб, қўзғолон ютуқларини ўғирлашга ҳануз қаттиқ уриниб келишмоқда. «Июл баённомаси» деб аталган ҳужжат эса шу ёвуз йўлдаги шармандали қадам бўлди.
Халқ Америкага қул бўлишни ва бундай сиёсий ғирром ўйинларни бутунлай рад этди. Бу «баённома» халқнинг ҳақиқий интилишларини мутлақо акс эттирмайди. Аксинча, унда Ҳиндистоннинг Пилханадаги сиёсий фитнаси ҳамда Шапла майдонида ислом-севар мусулмонларга қарши содир этилган қирғинлар каби оғир воқеалар умуман тилга олинмаган. 1971, 1975 ва 1990 йиллар мисол сифатида келтирилса-да, бу ўзгаришлар фақат ҳукмрон тоифанинг башарасини алмаштирди, халқнинг қора тақдири эса ўзгармади. Чунки умумий сиёсий тизим ўша-ўша ўзгармаган эди. Аслида, бу баённома диндан ажратилган мавжуд капиталистик бошқарувни сақлаб қолиш ҳамда Америка ва унинг Ҳиндистон каби минтақавий иттифоқчилари ҳукмронлигига бўйсуниш мақсадида ишлаб чиқилган.
«Дискриминацияга қарши ҳаракат» деб аталадиган ва талабалар ҳаракатига етакчилик қиламан деб даъво қилган хиёнаткор партия раҳбарлари Питер Д. Хаасс билан бирга Кокс Бозорда «Июл баённомаси» чиқарилган кунни байрам қилаётганига халқнинг ўзи гувоҳ бўлди.
﴿قَٰتَلَهُمُ ٱللَّهُۖ أَنَّىٰ يُؤۡفَكُونَ﴾
«Уларга Аллоҳнинг лаънати бўлсин, қандай адашмоқдалар-а!» [Мунофиқун 4]
Демократия касалига мубтало бўлган зиёлилар ва сиёсатчиларга шуни эслатамиз: демократия ҳам диктатуранинг бир кўринишидир. Чунки у одамларга мутлақ ҳокимиятни бериб қўйган. Дунёда энг буюк демократик президент сифатида тарғиб қилинадиган Абрахам Линкольннинг ўзи 1861 йилда айрим ҳудудларда фуқаролик қонунларини тўхтатиб, конституцияни бузиш орқали диктаторга айланган эди. 1862 йилда эса «асоссиз ҳибсга олмаслик ҳуқуқи»ни бекор қилиб, ҳарбий ҳолат қонунларига таянган ҳолда, урушга қарши чиққанлиги учун 13 мингдан ортиқ мухолиф демократни қамоққа ташлади. Олий суд раиси бу чораларни конституцияга зид деб эълон қилганида эса, Линкольн унинг 84 ёшда бўлишига қарамасдан, ҳибсга олиш тўғрисида буйруқ берди.
Ўша воқеа шуни яққол кўрсатадики, ҳозирги режимдаги кучлар мувозанатида қандай «ислоҳотлар» ўтказилмасин, ҳукмрон элита ҳокимият марказида ўз ўрнини сақлаб қолмоқда. Халқ танасига зулукдек ёпишиб турар эканлар, уларни америкалик мустамлакачи хўжайинлари ҳимоя қилиб, қўллаб-қувватлашда давом этади. Халқ оммавий қўзғолон билан бу элитани ағдариб ташлаган тақдирда ҳам, Америка ёлғон демократия ваъдаларининг ниқоби остида халқ ҳаракатини ўғирлашга уринади. Юрт аҳли эса бундай ҳолатларга ўтган ўн йилликлар давомида бир неча бор гувоҳ бўлди.
﴿يُرِيدُونَ أَن يَتَحَاكَمُوٓاْ إِلَى ٱلطَّٰغُوتِ وَقَدۡ أُمِرُوٓاْ أَن يَكۡفُرُواْ بِهِۦۖ وَيُرِيدُ ٱلشَّيۡطَٰنُ أَن يُضِلَّهُمۡ ضَلَٰلَۢا بَعِيدٗا﴾
«Улар шайтонга ҳукм сўраб боришни истайдилар. Ҳолбуки, уларга унга ишонмаслик буюрилган эди. (Чунки) шайтон уларни бутунлай йўлдан оздиришни истайди» [Нисо 60]
Халқ ҳукмрон демократияни ўз тажрибасида синаб кўргани учун, оммавий қўзғолондан кейин энг муҳим талабларидан бири секуляр конституциядан воз кечиш ва унинг ўрнига исломий конституцияни жорий этиш бўлди. Аммо муваққат ҳукумат ва америкапараст сиёсий партиялар Ислом ва мусулмонларга қарши очиқ позиция эгаллаб, буюк Халифаликни барпо этиш талабини экстремизм деб атадилар. Шу орқали улар Америкага Исломга қарши курашиш бўйича ўз мажбуриятларини бажараётганини кўрсатдилар. Ҳиндистондек душман давлатга қарши армияни кучайтириш ўрнига эса, илгари Пилхана фожиасини келтириб чиқаришди. Аслида, Ҳиндистон Америка учун Ҳинд океани ва Тинч океани минтақасидаги асосий иттифоқчилардан биридир. Шу боис америкапараст партиялар унга нисбатан мутлақ бўйсуниш сиёсатини олиб бормоқдалар.
Бенгал аҳли ҳам демократия, ҳам хиёнаткор партиялардан воз кечиб, ҳозир Исломий тузум – Халифаликни барпо этиш йўлидаги курашда бирлашмоқда. Фақат Халифаликкина Ислом конституциясини тўлиқ татбиқ этиб, халққа адолатли ҳуқуқларни кафолатлайди, юртни АҚШ бошчилигидаги мустамлакачи кофир давлатлар ҳукмронлигидан озод қилади. Шу билан бирга, Ҳиндистонни душман давлат сифатида тан олиб, унинг Бангладешдаги барча нуфузини батамом йўқ қилади.
﴿فَإِمَّا يَأۡتِيَنَّكُم مِّنِّي هُدٗى فَمَنِ ٱتَّبَعَ هُدَايَ فَلَا يَضِلُّ وَلَا يَشۡقَىٰ﴾
«Бас, сизларга Мен тарафдан ҳидоят келганида ким Менинг ҳидоятимга эргашса, йўлдан озмас ва бахтсиз бўлмас» [Тоҳа 123]
Ҳизб ут-Таҳрирнинг Бангладешдаги матбуот бўлими
