Матбуот баёноти

Ўзаро хизмат кўрсатиш ва сотиб олиш тўғрисидаги битим (ACSA) ҳамда Ҳарбий маълумотларнинг умумий хавфсизлиги тўғрисидаги битим (GSOMIA): Огоҳ инсонлар ва холис сиёсатчилар мамлакатнинг тобе давлатга айланиб қолишидан ҳимоя қилиш учун олдинга чиқмоқлари лозим

Америка ва Бангладеш ҳукуматлари ўртасида мустамлакачилик характерига эга бўлган ўзаро савдо битими (ART) номи остидаги бир қатор мудофаа ва савдо битимлари бўйича келишувлари олдинга силжиётгани ҳақида турли манбаларнинг таъкидлаши Бангладеш аҳли учун ўта ташвишли ҳолатдир. Американинг GSOMIA битими бўйича кампанияси 2022 йил мартида қуруқ тушунчалардан аниқ йўл харитасига кўчди. Ўшанда Америка давлат котибининг ўринбосари Виктория Нуланд 2017 йилда илгари сурилган ва 2019 йилда қонунийлаштирилган Американинг Ҳинд-Тинч океани минтақаси стратегияси доирасида Ҳарбий маълумотларнинг умумий хавфсизлиги тўғрисидаги битим (GSOMIA) лойиҳасини тақдим этган эди. Нуланднинг ташрифи GSOMIA битими сари интилишнинг чўққиси бўлса-да, ўзаро хизмат кўрсатиш ва сотиб олиш тўғрисидаги битим (ACSA) расман 2019 йил апрел ойида ўртага ташланган ва Даккадаги еттинчи  ўзаро хавфсизлик мулоқоти давомида мустаҳкамланган эди. Ҳизб ут-Таҳрир Бангладеш вилояти одамлар ва сиёсатчиларни мамлакат Америка билан иккита йирик ҳарбий битим: GSOMIA ва ACSA битимларини имзолаш арафасида эканидан огоҳлантириб келмоқда. Эндиликда суверенитетга путур етказувчи ушбу битимларни тезлаштириш бўйича Америка босимлари ўзининг якуний босқичига кириши билан уларнинг ҳақиқий хавф-хатарлари намоён бўла бошлади. Бу доирада, GSOMIA битими Бангладешга ўзининг разведка маълумотларини Қўшма Штатларнинг минтақавий мақсадлари билан мувофиқлаштиришни юклаши ва уни исталмаган можароларга тортиши мумкин. ACSA битими эса Кокс-Базардаги каби «юмшоқ базалар»ни яратишга имкон бериши мумкин бўлиб, бу стратегик бетарафликни издан чиқарувчи янги мустамлакачилик таъсирининг кўринишларидан биридир.

2009 йилдан бери Ҳизб ут-Таҳрир Бангладеш вилояти Американинг юмшоқ мустамлакачилигига очиқчасига қарши чиқиб келаётган ягона сиёсий ҳизбдир. У Умматни стратегик сувларни назорат қилиш мақсадида 11 сентябр воқеаларидан сўнг Шри-Ланкага тиқиштирилган ACSA ҳарбий битими каби битим бугунги кунда Бангладеш суверенитетига хавф туғдираётганидан огоҳлантирди. 2026 йил мартида Америка давлат котибининг ёрдамчиси Пол Капурнинг ташрифидан сўнг ҳамда Американинг GSOMIA ва ACSA битимларини ўтказиш учун босимлари кучайиши ортидан Ҳизб ут-Таҳрир Бангладеш вилояти Дакка ва Читтагонгда жума намозидан сўнг норозилик намойишлари уюштирди. Унда Ҳизб президент Трампнинг Бангладеш бош вазиридан суверенитетни бузувчи ушбу битимларни якунига етказиш учун қатъий чоралар кўришни талаб қилганига алоҳида эътибор қаратди.

Мамлакат ҳокимлари ўзларини ҳокимятда қолишлари Вашингтонга боғлиқ деб ўйлайдиларми? Ҳолбуки, Вашингтон ҳеч қачон бирор бир ҳокимни ўз халқининг ғазабидан ҳимоя қила олмаган, аксинча, у халқига қарши бўлган тузумларни қулаган вақтида ташлаб кетади ҳамда одамлар билан мулоқот ўрнатишга ва муқобил вариант излашга интилади. Росулуллоҳ ﷺ Ғарб гегемониясига хизмат қиладиган ва Умматга хиёнат қиладиган эсипаст, пасткаш кимсалар – рувайбизалардан огоҳлантирганлар. Шундай бўлса-да, ҳокимлар Умматнинг келажагини вақтинчалик хавфсизлик эвазига гаровга қўймоқдалар, улар етакчилар каби эмас, балки тобе-қарам хизматкор сифатида иш тутмоқдалар. Вашингтонга қатъий «йўқ» дейишга ва Умматнинг суверенитетини ҳимоя қилишга журъати етмайдиган мавжуд сиёсий партиялардан бирор яхшилик умид қилиб бўладими?

Июль қўзғолонининг «Янги турклар»и қаерда? Улар ҳам бошқа партиялар каби Американинг розилигини афзал билиб, Американинг янги мустамлакачилигига ва суверенитетга зид бўлган ушбу битимларга нисбатан жим турмоқдалар. Наҳотки улар ҳам Американинг мустамлакачилик нуфузи учун қуролга айланган бўлсалар?! Бу сукут – хиёнатдир. Ушбу савдо ва ҳарбий битимлар одамларнинг вакили эканини даъво қилаётган партиялар учун ҳақиқий синов бўлиб, тарих (сиёсий воқеа-ҳодисалар) очиқ-ойдин огоҳлантирмоқда. Улар буни Ҳиндистондан ҳимоя қилиш учун Американи чақириш деб, оқламоқдалар, бу эса айиқдан ҳимоя қилиши учун бўрини чақириш эмасми?!

Ҳизб ут-Таҳрир Бангладеш вилояти ҳар бир огоҳ инсонни, ҳар бир холис сиёсатчини ва армиямиздаги ҳар бир содиқ зобитни ушбу мудофаа битимларига нисбатан сукут сақлаши билан сизнинг суверенитетингизни ҳимоя қилиш нияти йўқлигини исботлаган партиялар йўриғига юриб, куч-ғайратни зое қилишни тўхтатишга чақиради. Уларнинг шиорларига алданманг; улар ҳокимиятда қолиш учун сизни сотишга тайёрдирлар. Садоқат ва холислик билан сифатланиши мумкин бўлган ягона сиёсат – Пайғамбарлик минҳожидаги Халифаликни барпо этиш учун ҳаракат қилишдир. Фақатгина Халифалик Американинг ҳарбий товламачилиги, иқтисодий босимлари ва стратегик қамалига қарши туриш жасорати ва куч-қудратига эгадир. Халифалик ўз ерлари ҳисобига савдо битимлари тузишга ялиниб ёлвормайди, тўқимачилик маҳсулотларига қўйиладиган божхона тўловлари эвазига ўз портларини алмаштирмайди, балки у фақатгина Аллоҳ субҳанаҳу ва таологагина бўйин эгади.

Аллоҳ субҳанаҳу ва таоло айтади:

﴿وَلَنْ يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلاً﴾

“Аллоҳ ҳаргиз кофирлар учун мўминлар устига йўл бермас”

Ҳизб ут-Таҳрирнинг Бангладеш вилоятидаги матбуот бўлими