Яман жанубидаги ҳодисалар Англия ва Америка ўртасидаги низонинг давомидир
بسم الله الرحمن الرحيم
Роя газетаси:
Яман жанубидаги ҳодисалар Англия ва Америка ўртасидаги низонинг давомидир
Ҳижрий 1439 йил 1 жумодул-аввал, милодий 2018 йил 18 январ пайшанба куни Онадўли ахборот агентлиги веб-сайти нашр қилган хабарда бундай дейилади:
«Халқаро ташкилотга қарашли экспертлар гуруҳи икки кун ичида (2017 йил 31 декабр билан 2018 йил 1 январда) Яман билан боғлиқ кенгқамровли ҳисобот тайёрлади. Ҳисобот феврал ойи ичида Халқаро Хавфсизлик Кенгашига тақдим этилиши кутилмоқда.
Ҳисобот хулосасига кўра, уч йилдан бери низо тўхтамаётган экан, қонуний ҳукуматнинг Яманни бирлаштиришга қодирлиги шубҳа остида қолди. Эксперт гуруҳи бу хулосада тўрт омилга таянган бўлиб, уларнинг асосийси «Президент Абдуроббиҳ Мансур Ҳодийнинг озод этилган ерларни ташқаридан тўла ўз назорати остига олишга лаёқатсиз экани»дир.
Яна бошқа бир омил эса, «Жанубий Яманга мустақиллик бериш мақсадида юрт жануби билан боғлиқ ўтиш даври кенгашини тузиш», «Ҳусийларнинг Санъо ва бошқа шимолий минтақаларда мавжуд бўлиб туришини давом эттириш» ҳамда «Саудия етакчилигидаги Араб давлатлари коалициясига аъзо давлатлар томонидан молиялаштириб, қурол-аслаҳа билан таъминланаётган ва махсус мақсадларни бажаришга сафарбар этилган ҳарбий кучларни юртга жойлаштириш»дан иборат.
Ҳисоботга кўра, Яман жанубида, бир неча консерваторларнинг бўлиниб, жануб ўтиш даври кенгашига қўшилиб кетиши сабабли, Ҳодий ҳукумати заифлашиб қолган, яъни жанубни бўлиш масаласи «кучли эҳтимол»га айланган».
Роя газетаси шарҳи:
Яман жанубидаги ҳодисалар маҳаллий ва регионал қўғирчоқлар воситасида Англия ва Америка ўртасида кечаётган низонинг яна узоқ давом этишини кўрсатмоқда. Бугун жинояткор Америка Ҳусийлар жамоасини кучайтиришга ҳаракат қиляпти. Буни – Яманнинг сиёсий келажагида уларни асосий томон сифатида иштирок этишларини таъминлаш ҳамда Яман шимолида мумкин қадар кенгроқ географик майдонни ўз назорати остига олишлари учун имкониятлар яратиб бериш орқали амалга оширяпти. Шунингдек, Яман бўҳронидан сиёсий ечим орқали чиқиш учун тинимсиз босим ўтказиб келмоқда. Америка жанубдаги экстремистик ҳаракат қанотини ҳамда ўз тақдирини ўзи белгилаш ва жануб давлатини тиклаш талабларини кучайтиришга уринмоқда. Бир вақтнинг ўзида, Британия ҳам Бирлашган Амирликлар орқали АҚШни пистирмада кузатиб турибди. Буни Жанубий ҳаракатларни жиловлаб олиш, ҳатто йўқ қилишга ҳаракат қилиш билан амалга оширяпти. Шунингдек, Ториқмуҳаммад Абдуллоҳ Солиҳ ва унинг укаси ўлимдан қутулиб қолиши ортидан, Британия жанговар йўл орқали шаҳарларни ҳам қайтариб олишга уриняпти. У иккала ака-укага Амирликлар орқали вазифа юклаган. Бу вазифа Республика гвардияси кучлари, қабилалар шайхлари, Конгресс партияси аъзолари, валюта ва озиқ-овқат савдогарлари… билан алоқа боғлаб, Ҳусийларни тазйиқ остига олишдан иборат. Бунинг зиддида, АҚШ ҳам Жанубий ҳаракатларнинг таркибий қисмини ҳаракатлантирди ва баёнот чиқариб, унда Араб коалицияси давлатларини Али Абдуллоҳ Солиҳ режимига қарашли ҳар қандай етакчини ўзларига аъзо қилиш оқибатидан огоҳлантирди ҳамда Саудияга икки миллиард доллар маблағни Марказий Банкка омонат қўйишга буюрди. Бу маблағ билан жануб фарзандларини авраб, уларни Британияга хизмат қилаётган Амирликлар ишларига қарши туришга ундамоқчи.
Шуни эслатиб ўтиш лозимки, Яман аҳли бугунги бўҳрондан қутулиш ва барча муаммоларни ҳал қилишнинг ҳамда биринчи навбатда, Роббилари Субҳанаҳуни рози қилишнинг фақат битта йўли борлигини, у ҳам бўлса, Пайғамбарлик минҳожи асосидаги рошид Халифалик давлатини барпо этиш сари холис, суръат билан жиддий ҳаракат қилиш эканини чуқур англаб етдилар. Зотан, Яман аҳли ушбу давлат билангина АҚШ ва Британиядан иборат мустамлакачи давлатлар кишанларидан халос бўладилар ҳамда жонлари, моллари, номуслари, бойлик ва ресурсларини сақлаб қоладилар, икки дунё бахт-саодатига эришадилар.
Роя газетасининг 2018 йил 31 январ чоршанба кунги 167-сонидан
