بِسْمِ اللهِ الرَّحْمٰنِ الرَّحِيمِ

Эй мусулмонлар!

Сизнинг даврингиз келди! Жиддий ҳаракат қилинг!

Ўтган асрда Ғарбнинг ривожланиши, устунлиги ва ғоят такаббурлик билан бошқаларни менсимаслиги барча соҳада биз мусулмонларга қимматга тушди. Биз бунинг оғир бадалини халқаро сиёсий саҳнадан четда қолиш, иқтисод, илм-фан ва ҳарбий соҳадаги қолоқлик, камбағаллик, қарздорлик, қарамлик билан тўлаб келдик. Бироқ бугун Ғарбнинг емирилиши ва сиёсий, молиявий, иқтисодий кризисларга учраши, бизга аввалгидан ҳам аянчли даражада қимматга тушиши мумкин. Чунки энди бизнинг устимиздаги Ғарб давлатларининг рақобат-курашлари ва бунинг оқибатлари янада ортади.

Иқтисодий ҳолатимиз Ғарбнинг муваффақиятсизлиги ва кризислари туфайли яна ҳам ёмонлашади. Чунки у ўзидаги камомадни бизнинг ҳисобимизга тўлдириш учун бойликларимизни кўпроқ ўғирлайди, фарзандларимизни кўпроқ қул қилади.

Ушбу ҳам очкўз, ҳам мажруҳ капиталистик тузум бор экан, ер юзида заифҳол бўлган биз мусулмонлар учун келажак аянчлидир. Шунинг учун кутилаётган бундай даҳшатли келажакдан сақланишимиз лозим. Бунинг учун, биз мусулмонлар Ғарбнинг бугунги вазиятидан қулай фурсат сифатида фойдаланиб, юртларимиздаги ҳукмронлиги, мустамлакачилиги ва нуфузидан қутулишга, қайтадан ўз салтанатимиз ва қароримизга, шаръий мустақиллигимизга эга бўлмоғимиз даркор. Ана шундан сўнг бутун инсониятни ҳалокат жарлигига олиб келган бундай капитализм тузумини бўғзидан олиб, буткул йўқ қилишга ҳаракат қиламиз.

Бунинг тадоригини кўриб, тезроқ ҳаракатга киришмасак, очкўз ва мажруҳ капитализм тузуми бор экан, бизни ҳам, инсониятни ҳам тобора қора кунлар кутмоқда.

Бас, шундай экан, эй мусулмонлар, келинг тезроқ жиддий ҳаракат қилайлик, сизнинг даврингиз келди.

Роя газетасининг 2020 йил 15 апрел чоршанба кунги 282-сонидан

+1

0

Related posts:

Ғарбда яшовчи муслима либоси улар учун бомбалардан ҳам даҳшатлидир Ғарбни капитализм жарлигидан фақат Пайғамбарлик минҳожи асосидаги иккинчи рошид Халифалик давлатигина қутқара олади Европада амалда қўлланилаётган интеграция сиёсатидан ирқий тозалаш кўзланган Ғарбнинг кофир қўшинлари мусулмонларга дўст бўлишлари мумкин эмас