Таназзулдаги империядан ҳануз паноҳ излаётган сиёсат

بِسْمِ اللهِ الرَّحْمٰنِ الرَّحِيمِ

Глобал сиёсий меъморчилик тубдан парчаланиб, дунё янги жаҳон низомининг туғилиш жараёнларини бошдан кечираётган бир пайтда, Евроосиё қитъасида кучлар мувозанати изчил равишда ўзгармоқда.

Ушбу паллада, жорий йилнинг 14 июн куни Ўзбекистон президенти Шавкат Мирзиёевнинг АҚШ президенти Дональд Трампга таваллуд куни муносабати билан йўллаган хушомад-мақтовларга тўла табрик мактуби расмий Тошкентнинг Вашингтон сиёсий элитаси қаршисида нақадар заиф ва тобе мавқеда турганини яна бир бор фош этди. Мактубда Трампнинг “қатъий сиёсий етакчилиги туфайли АҚШнинг халқаро майдондаги обрў-эътибори ва қудрати тобора мустаҳкамланиб бораётгани” ҳақидаги иддаолар мутлақо ҳақиқатдан йироқдир. Зеро, реал сиёсий воқелик Трампнинг Хитой саммитида юзи абгор бўлиб қайтганини, Атлантика океанининг икки қирғоғи орасида чуқур жарликлар пайдо бўлганини ва НАТО альянсининг парчаланиш башоратлари кучайганини кўрсатмоқда. Глобал миқёсда Америка гегемонлиги синаётган бир пайтда, ўзбек режими Трампнинг “тинчликни таъминлашга қаратилган халқаро саъй-ҳаракатларини юксак қадрлаши” ушбу империалистик кучнинг дунё мусулмонлари устидаги, айниқса, Яқин Шарқ ва Африкадаги шафқатсиз зулму зўравонлигини, мислсиз геноцидларини хаспўшлашдан бошқа нарса эмас.

Ушбу шармандали қуллик Тошкентнинг Вашингтон мулозимлари билан олиб бораётган кетма-кет учрашувлари ва “C5+1” форматидаги тобелик занжирининг узвий давомидир. Жорий йилнинг 6 апрел куни Саида Мирзиёева Трампнинг Мар-а-Лаго резиденциясида Сержио Гор билан музокаралар ўтказиб, Оқ Уй пойдеворига суянган бўлса, 24 май куни Нью-Делида Марко Рубио шарафига уюштирилган қабулда “қизғин мулоқотни” давом эттирди. Бундан ташқари, 10-11 июн кунлари Остонада ўтган “C5+1” йиғилишида тоғ-кон саноати ва геология вазири Бобур Исломов иштирок этиб, минтақа хомашёсини АҚШ мудофаа саноати учун текин базага айлантириш режаларини тасдиқлади. Президент Мирзиёевнинг ўз мактубида АҚШ билан “кўп қиррали ва стратегик шерикликка асосланган алоқаларни янада чуқурлаштириш”, айниқса, “инвестициявий ҳамкорликни янги босқичга олиб чиқиш” ҳақидаги баёнотлари айнан мана шу иқтисодий истилони кучайтиришга хизмат қилади. Эксперт Жон Перкинс фош этганидек, Ғарб империализми стратегик давлатларга “ҳамкорлик” ниқоби остида кириб боради, токи уларни АҚШ молия тизимига шундай занжирлаб қўйсинки, улар кейинчалик мустақил қарор қабул қила олмай қолсин.

Президент Мирзиёевнинг Трампни Ўзбекистонга “илк тарихий ташриф” билан келишга таклиф этиши эса, Тошкентнинг мустамлакачилик тузоғига ўз ихтиёри билан югуриб бораётганининг яққол далилидир. Америка асри тугаб, Трамп маъмурияти ички ва ташқи инқирозлар гирдобида толиқаётган бир даврда, ўзбек режимининг таназзулдаги кучдан нажот излаши ва унга санолар айтиши стратегик ёндашув йўқлигидан далолатдир. Расмий доираларда “ҳар қачонгидан ҳам мустаҳкам ва амалий руҳ” деб мақталаётган бу жараёнлар аслида Уммат суверенитети ва бойликларининг трансмиллий кучлар фойдасига навбатдаги бой берилишидан бошқа нарса эмасдир.

Хулоса ўрнида айтганда, капиталистик куфр низоми бир ҳовуч трансмиллий капитал эгаларига хизмат қилиб, бутун инсониятни урушлар ва сиёсий бахтсизликлар гирдобига улоқтирди. Бугун АҚШ президентига йўлланаётган табриклар – Америка хоҳишларига мувофиқ тобеликни сақлаб қолиш ва минтақани Ғарб молия тизимига қарам ҳолда ушлаб туриш учун қилинган ўта хорлик даражадаги чекинишдир.

Аслида, Ислом Уммати ва хусусан Ўзбекистон халқи учун капитализм залолати, қашшоқлик ва очлик инқирозларидан қутқарадиган ягона нажот йўли – мавжуд глобал мустамлакачилик тизимидан бутунлай воз кечиш ҳамда дунё тартибсизликка юз тутиб, куфр империялари емирилаётган айни паллада, Ҳизб ут-Таҳрир раҳнамолигида ўз асл илоҳий дастурига ва Ислом мабдасига таянган ҳолда Рошид Халифалик давлатини барпо этишдир. Зеро, фақатгина ушбу Раббоний низом соясида инсоният чинакам адолат ва хавф-хатардан холи фаровонликка эришажак.

Иззатуллоҳ

16.06.2026й