بِسْمِ اللهِ الرَّحْمنِ الرَّحِيمِ

Прокурорни уйғотган зулм

Қалбимизда озгина бўлсада иймон нури бор экан, зулм, нохақлик, хорликларни кўрганимизда ёки эшитганимизда юрагимиз уриши ўзгараверади. Бундай ишларни қилаётган инсонларга нисбатан беихтиёр хар биримизда нафрат пайдо бўлиши табиий хол ва аксинча бундай жирканч ишлардан ўзини узоқлаштираётган инсонни кўрганимизда қалбимизда илиқлик пайдо бўлади.

Мана шундай инсонлардан бирини ўз хаёти давомида гувохи бўлган бир жараённи сизларга ҳавола қилмоқчимиз.

Бир прокурор фаолияти давомида юз берган воқеани айтиб берганди.

“Мен узок йиллар давомида давлатимизга хизмат қилиб келдим, хизматим давомида бир иш рўй бериб, шу воқеа Исломга киришимга, инсонга ўхшаб фикрлашимга туртки бўлди. Кунларнинг бирида бир онахон билан гаплашиб қолдим, у менинг олдимга фарзандини қотили жазоланмасдан бемалол ўйин кулги қилиб юрганини, бунга бирон чора кўришимни илтимос килди. 3 ой аввал вафот этган қизини хужжатларини бериб, қабрини очтириб кўришимни сўради. Аллоҳнинг фазлу марҳаматими билмадим, шу ишни текширишга жиддий киришдим ва олдимдаги вазифам, деб билдим. Иш очилди, текширувлар бошланди, қизнинг қабрини очтириб кўриб, хайратдан қотиб қолдим. 3 ой олдин кўмилган қиз, худди хозир уйқуга кетган тирик инсондек ётарди. Авваллари дўстларимдан “Аллоҳнинг олдига гуноҳсиз кетган одам шаҳид ҳисобланади, уларнинг таналари ҳам чиримайди” – деган гапларни кўп эшитган эдим. Бу воқеадан кейин кечалари уйқуни билмайдиган ҳолатга тушиб қолдим. Бу ҳолат менга жуда қаттиқ таъсир қилган эди. Ишни текширув натижасида шу нарса маълум бўлдики, "Уйида оғайнилари билан йиғилиб, ичкилик ичиб ўтирган ака, синглисини чақириб ароқ келтиришини буюради, иймон эътикоди соф, Аллохдан чин маънода қўрқувчи сингил уни рад этади. Бунга ғазабланган ака тутиб олиб, ичкилик натижасида жаҳл устида, оғзидан милтиқ ўқталиб миясига қаратиб ўқ узиб, синглисининг қотилига айланади. Акасининг устидан тергов ишлари олиб борилиб, бу жирканч тузумнинг адолати билан қотилга атиги 6 йил озодликдан махрум этиш, жазоси белгиланади.”

Бу ҳолатдан таъсирланиб, инсонларга, мусулмонларга нисбатан қилинаётган хорликларни асл воқеликда хис қилган Прокурорнинг қалбида халққа, хусусан мусулмонларга зулм қилувчи тузумга нафрат уйғонди.

Эй мусулмон аҳли! Бу демократик конститутцион тузумнинг адолатини қарангки, бир инсоннинг хаётдан эрта кўз юмишига сабабчи бўлган вахший қотиллар, бировнинг мулкини зўравонлик билан тортиб олган ўғри каззоблар, бокира қизларимизни ва пок аёлларимизнинг номусларига тегиб зўрлаганлар 5 ёки 6 йилга камалиб икки йил ўтирмасдан яна қайтиб чиқиб ўзларининг манфур ишларини яна давом эттириб юрсалару, Роббим Аллох деган, кечаларни бедор ўтказиб, умматни зулматдан нурга томон етаклаётган, ахли оиласига, ота-онасига яқинларига мехрибон, маломатчини маломатидан, золимни зулмидан қўрқмай, умматнинг бахту-саодати учун жон бериб, "Инсонлар ИСЛОМ билан яшасагина бахтга эришади" – деб, ҳақ сўзини баралла айтаётган ака-укаларимиз, опа-сингилларимизни жазо муддатлари тугаган бўлсада, жиноятчи режим устма-уст йиллар қўшиб зулм билан зиндонларда сақламоқдалар. Бу қандай адолатсиз тузумки, ҲАҚ сўзни айтган киши ватан хоини, ҳалқ душманига айланса, аксинча ҳалқни хорликда, зулм билан бошқараётган золим эса ҳалқпарвар, ғамхўр юртбоши, адолатпарвар инсон сифатида таъриф этилса.

Эй Муҳаммад саллоллоҳу алайҳи васаллам уммати! Бу золим бўлган кимсалар қачонгача сизу бизни хаққиларимизни ўзлариники қилиб, камига бизларни хорлаб инсонийлик шаънимизни тепалаб оёқ ости қилишади? Қачонгача ака-укаларимизни,опа-сингилларимизни, холис мусулмонларни ҚАТЛ этишига сукут сақлаймиз? Нега жимсиз эй ахли ислом? Қачонгача бу сукутлар, бу жимликлар, бу хорликлар? Уйғониш, ўзлигимизни англаш, азизликка қайтиш, бу хорликларни устимиздан улоқтириш даври келмадими? Аслида азизлик Аллоҳники, Росулиники ва мўминларники эдику.

وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لَا يَعْلَمُونَ

“Ва азизлик Аллоҳ, Унинг Росули ва мўминлар учундир. Ва лекин мунофиқлар билмаслар” (Мунофиқун 8)

Ҳизб ут-Таҳрирнинг Ўзбекистондаги медиа офиси аёллар бўлими

Райёна Абубакирова

16.01.2014й