Сайкс-Пико чегараларидаги қотиллик

2026 йил 16 июнь, сешанба куни Судан ва Миср ўртасидаги мустамлакачилик мероси бўлган чегара ҳудудида ачинарли ҳодисалар содир бўлди. Миср ҳарбий авиацияси Қизил тоғ ва Ийқод тоғи ҳудудларида олтин қидирувчи кончиларни бомбалади. Оммавий ахборот воситалари воқеа жойида ўлганлар ва ярадорлар борлиги ҳақида хабар тарқатди. Хабарлар эса ўзаро зиддиятли эди, чунки улар расмий манбалардан келмаган эди. Икки ҳукумат — Судан ва Миср ҳукуматлари — сукут сақлашни афзал билдилар. Фақатгина Судан Суверен кенгаши раисининг сиёсий ишлар ва ташқи алоқалар бўйича маслаҳатчиси Амжад Фарид бундан мустасно бўлиб, у 2026 йил 18 июнь пайшанба куни «Х» платформасида қолдирган постида шундай деди: «Ўтган сешанба куни Миср кучлари чегара яқинида суданлик кончиларни нишонга олди ва ўлим ҳолатлари юз берди… Ушбу ҳодиса икки мамлакат ҳукуматлари ўртасида энг юқори даражада жиддий ва масъулиятли ёндашувни тақозо этади».

Ҳодисадан бир ҳафта ўтиб Миср армияси ўзининг жирканч қилмишини тан олди. Унинг матбуот котиби 2026 йил 22 июнь душанба куни чиқарган баёнотида шундай деди: «Миср армияси ва Ички ишлар вазирлиги ходимлари жанубий ҳудудда ноқонуний фаолият, жумладан гиёҳвандлик воситалари, қурол-яроғ контрабандаси, ноқонуний олтин қазиб олиш ва ноқонуний миграция билан шуғулланувчи жиноий ўчоқларга қарши кенг қамровли кампания ўтказди»! Баёнотда ўлганлар ва ярадорлар ҳақида умуман сўз очилмади! Фақатгина, ноқонуний фаолиятга алоқадор деб кўрилган кимсаларнинг ҳибсга олингани айтилди, холос.

Бу воқеадан сўнг Ҳизб ут-Таҳрирнинг Судан вилоятидаги расмий матбуот котиби устоз Иброҳим Усмон (Абу Халил) матбуот баёнотида шундай деди: «Биз Ҳизб ут-Таҳрир / Судан вилояти ўлароқ, содир бўлган ушбу иш учун  ҳар икки мамлакат ҳукуматини бирдек жавобгар деб ҳисоблаймиз, зеро ўлдирилган ва ярадор бўлган беайб инсонларнинг қони уларнинг бўйнидадир. Шу ўринда, биз қуйидагиларни қатъий таъкидлаймиз:

Биринчидан: Олтин қидирувчи беайб кончиларга нисбатан, гарчи уларнинг орасида жиноятчилар бўлган тақдирда ҳам, бундай шафқатсизлик билан муомала қилиш — Шариат асло қабул қилмайдиган бир амалдир. Агар асл ҳақиқий сабаб шу бўлганида эди, жиноятчиларни қўлга олиш учун кампания олиб бориш мумкин эди. Аммо инсонларни оммавий суратда ва самолётлар билан қатл этиш — Исломга зид бўлган ваҳшийларча бир амалдир. Азза ва жалла бўлмиш Аллоҳ айтади:

﴿وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً﴾

«Ким бир мўминни қасддан ўлдирса, унинг жазоси жаҳаннамдир, унда абадий қолур. Ва Аллоҳ унга ғазаб қилди, уни лаънатлади ва унга улкан азобни тайёрлаб қўйди» (Нисо, 93).

Иккинчидан: Ушбу малай режимларнинг кофир мустамлакачи чизган сунъий чегараларга бўлган ҳарислиги ҳамда уларни душманларнинг кўкрагига қаратиш ўрнига Уммат фарзандларининг кўкрагига қаратиладиган самолётлар ва оғир аслаҳалар билан қўриқлаши — Уммат зиммасига ушбу режимларни улоқтириб ташлашни ва ушбу чегараларни бекор қиладиган Ислом тузумини — Халифаликни барпо этишни вожиб қилади. Зеро, аслида Судан ва Миср ягона бир юртдир, уни кофир инглиз мустамлакачиси парчалади ва ушбу чегараларни қўриқлайдиган режимларни пайдо қилди.

Учинчидан: Судан ҳукумати ҳам, орадан тўлиқ бир ҳафта ўтганидан кейин, ўз фуқаролари бошига улкан бир ҳодиса тушганини эслаб қолди ва ҳодисалар юзасидан текширув ўтказишни хоҳламоқда. Биз ушбу текширувни ким билан олиб боришини асло билмаймиз; жиноятчи Миср армияси биланми?! Ёки жиноят қурбонлари бўлмиш мазлумлар биланми?!

Устоз Абу Халил ўз матбуот баёнотини ушбуни қатъий таъкидлаш билан хотималади: Уммат ушбу ва бундан бошқа фожиалардан фақатгина кофир мустамлакачи пайдо қилган ушбу воқеликни ўзгартириш учун жиддий амал қилиш ҳамда Умматнинг тарқоқлигини жамлайдиган ва Сайкс-Пико чегараларини йўқ қиладиган тузумни барпо этиш билангина чиқа олади. Бу Ислом тузуми — Пайғамбарлик минҳожи асосидаги иккинчи Рошид Халифаликдир. Биз у билан Роббимизни рози қиламиз ва унинг соясида азиз ва муаррам бўлиб яшаймиз:

﴿يَا أَيُّهَا الَّذِينَ آمَنُوا اسْتَجِيبُوا للهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾

«Эй иймон келтирганлар! Аллоҳ ва Росули сизни тирилтирадиган нарсага даъват қилганда уларга ижобат қилинг» (Анфол, 24).

Роя газетасининг 2026 йил, 8 июл, чоршанба кунги 607-сонидан