Капитализм инсон муаммосини ҳал қилмайди…!

بِسْمِ اللهِ الرَّحْمٰنِ الرَّحِيم

Бугунги кунда дунёнинг деярли барча давлатлари (аксар аҳолиси мусулмон бўлган давлатлар ҳам бундан мустасно эмас) ўз иқтисодларини капитализмнинг иқтисодий низоми асосида шакллантирган ва шу низомдан келиб чиқувчи ечимлар асосида ўз фуқароларини бошқармоқда. Бунинг оқибатида инсонлар жуда ҳам ночор ва камбағалликда ҳаёт кечирмоқдалар, чунки капитализм иқтисодий низомидан келиб чиқувчи ечимлар асосан давлатнинг бойлигини кўпайтириш ва шу йўл билан иқтисодий муаммоларни бартараф қилишга ундайди. Бу эса, давлатларни ишлаб чиқаришни тўхтовсиз ривожлантириш, миллий даромадни кўпайтириш учун бор имконини ишга солиб ҳаракат қилишга мажбур қилади.

Масалан, дунёда иқтисодий жиҳатдан ривожланган АҚШ, Хитой, Япония, Англия, Франция давлатларини кўрадиган бўлсак,  барчасида уйсизлар, ишсизлар, муҳтожлар тўлиб-тошиб ётибди. Шунингдек, қазилма бойликлари тўлиб-тошиб ётган Саудия, БАА каби юртлардаги аҳвол бундан-да баттар. Ваҳоланки, булар дунёдаги энг бой давлатлар, барча иқтисодий муаммоларини капитализмнинг иқтисодий низоми берган ечимлар асосида ҳал қиладилар.

Бундан кўринадики, маҳсулот ишлаб чиқаришни кўпайтириш, миллий даромадни ошириш юрт бойлигини кўпайтиради-ю, лекин инсонларнинг асосий эҳтиёжларини тўла қондиришга олиб келмайди, чунки капитализмнинг иқтисодий низоми инсоннинг муаммоларини ўрганмайди, шу сабабли иқтисодий муаммонинг асл сабабини тушунмайди ва ҳал қилиб беролмайди. Иқтисодий муаммо инсоннинг эҳтиёжлари, уларни қондириш воситалари ва бу воситалардан фойдаланишга тааллуқли бўлади. Муаммо шу.

Демак, муаммо давлатнинг бойлигини кўпайтиришда эмас, ана шу бойликни инсонларга етиб боришида экан. Хўш, капитализмнинг иқтисодий низоми бу муаммони ҳал қила олмас экан, у ҳолда муаммо қандай ҳал қилинади?

Бу муаммонинг ягона ва энг тўғри ечими фақатгина Исломда. Исломнинг иқтисодий низомигина инсоннинг муаммосини тўлиқ ўрганиб, унинг асосий эҳтиёжларини тўлиқ қондирилишини ва имкони борича камолий эҳтиёжларини қондиришни таъминлайди. Буни эса, мамлакат бойликларини юрт аҳолисига тўғри тақсимлаш ва барча инсонларга етиб боришини таъминлаш орқали амалга оширади. Шундагина инсонларнинг муаммоси ҳал бўлади ва ўз-ўзидан иқтисодий муаммо ҳам ҳал бўлади. Бу эса, юрт аҳолисини ўз муаммоларини адолатли ҳал қилиб бераётган низомни татбиқ этаётган бошқарувга ишончи ортишига ва натижада юрт бойликларини кўпайтириш йўлида меҳнат қилишга ундайди. Бу иш ўз фуқароларини Ислом шариати асосида бошқарадиган Халифаликсиз амалга ошмайди. Демак, инсонлар бугунги қашшоқлик ва хорликдан қутулмоқчи эканлар, аввало, уларни шу муаммолар гирдобига тушириб қўйган ботил капитализм низомларидан воз кечиб, ҳаётларига Исломни қайтармоқликлари шарт. Бундан бошқа йўл йўқ. Аллоҳ Таоло айтади:

إِنَّ الدِّينَ عِندَ اللّهِ الإِسْلاَمُ وَمَا اخْتَلَفَ الَّذِينَ أُوْتُواْ الْكِتَابَ إِلاَّ مِن بَعْدِ مَا جَاءهُمُ الْعِلْمُ بَغْياً بَيْنَهُمْ وَمَن يَكْفُرْ بِآيَاتِ اللّهِ فَإِنَّ اللّهِ سَرِيعُ الْحِسَابِ

– “Албатта, Аллоҳнинг ҳузуридаги дин Исломдир. Китоб берилганлар фақат уларга илм келгандан сўнг ўзаро ҳасад қилишибгина ихтилоф қилдилар. Ким Аллоҳнинг оятларига куфр келтирса, бас, албатта, Аллоҳ ҳисобни тезда қилувчидир”. (Оли Имрон:19) 

Ҳизб ут-Таҳрирнинг Ўзбекистондаги медиа офиси. Салоҳиддин

17.07.2019й