Ўзбек режими ШХТнинг 25 йиллик юбилейига “совға” тайёрламоқдами?

بِسْمِ اللهِ الرَّحْمٰنِ الرَّحِيمِ

Бизга ишончли манбалардан етиб келган хабарларга кўра, Андижон вилоятида хавфсизлик кучлари тарафидан аёлларнинг юзни тўсувчи ниқоб тақишига қарши рейд ўтказилган. Тахминан икки ҳафта олдин ўтказилган ушбу тадбир натижасида 8 нафар муслима аёллар жамоат тартибини бузишда айбланиб қўлга олинган ва улар суд маҳкамасига тортилган. Андижон шаҳар суди уларнинг ҳар бирига жазо сифатида 2 млн. сўмдан жарима тўлаш ҳукмини чиқарган.

Шунингдек, «Радио Озоди»нинг хабар беришича, Тожикистоннинг Панжикент шаҳрида маҳаллий ҳокимият ва милиция ходимлари улар «ёт либос» деб атайдиган кийим-бошга қарши навбатдаги тушунтириш тадбирларини ўтказишган. Ҳукмрон Халқ демократик партиясининг Панжикент бўлими томонидан 4 август куни эълон қилинган фотосуратларга кўра, учрашувлар асосан ҳижобдаги аёллар ва қизлар иштирокида бўлиб ўтган. Мутасаддиларнинг баёнотига кўра, тадбирдан мақсад «ёт маданиятнинг кириб келишининг олдини олиш», миллий ўзликни мустаҳкамлаш ва миллий қадриятларни асраб-авайлашдан иборат бўлган. Бироқ тадбирда қанча одам иштирок этгани ҳамда аёлларга қандай тавсия ёки талаблар қўйилгани ҳақида маълумот берилмаган. «Радио Озоди» манбасига кўра, ҳокимият вакиллари билан суҳбатлашган ҳижобли аёлларнинг баъзилари содир бўлган воқеа тафсилотларини очиқлашни хоҳламаган. Улар бу ҳолат ишда ёки шахсий ҳаётда муаммоларни келтириб чиқаришидан хавотир билдиришган.

Марказий Осиёдаги режимлар, хусусан, ўзбек ҳукуматининг Россия, Хитой каби ашаддий душманларимиз талабларига кўра “терроризм” ва “экстремизм”га қарши кураш ниқоби остида минтақадаги мусулмон халқларга қарши иккиюзламачи ва душманона сиёсат юргизаётгани бугун кўпчиликка сир бўлмай қолди. Шунингдек, бу режимлар ўз сиёсатларини хавфсизликни таъминлаш, миллий қадриятларни асраш каби куракда турмайдиган баҳоналар билан оқлашга уринишмоқда. Ваҳоланки, миллийлик ҳақида бонг ураётганларнинг ўзлари Ғарбнинг бузуқ дунёқараши ва турмуш тарзини ўз халқига тиқиштиришда жонбозлик кўрсатишяпти. Жамиятимизни булғайдиган, уни ақлан ва жисмонан абгор аҳволга соладиган турли бузуқ концертлар, фестиваллар, маст-аластликни тарғиб қиладиган тадбирлар, қимор ўйинлари каби гуноҳ-маъсият ишларга рухсат беришмоқда ва ҳатто ўзлари бош бўлишмоқда.

Энди шунча расвогарчиликлар ичида ўз иффатини сақлаётган, Аллоҳнинг буйруқларини бажаришга интилаётган муслима аёлларнинг рўмоли ва ҳижобига осилаётган мана бу шарманда режимлар ҳақида яна нима дейиш мумкин?! Ваҳоланки, аёлларнинг ниқоби ва жилбобига осилишдек ўта пасткаш ва шармандали ишдан қайтариш учун бу режимларга айтилмаган гап қолмади! Йўқ, бу иккиюзламачи ва фақат ожиза муслима аёлларгагина кучини кўрсатадиган ушбу режимлар, қанчалик паст кетиб бўлса-да, ҳамон ўз ҳожаларига хизмат қилишдан бир қадам ҳам ортга чекинмаяптилар. Бу сафар эса, ўзбек ва тожик режимлари яқинлашиб қолган ШҲТ саммитига ўзига хос “совға” тайёрлашаётган кўринади. Чунки жорий йил Шанхай ҳамкорлик ташкилоти таъсис этилганига 25 йил тўлиши муносабати билан 1 сентябр куни Бишкек шаҳрида давлат раҳбарларининг юбилей саммити ўтказилади. Маълумки, асосан Хитой манфаатларини ҳимоя қилувчи мазкур ташкилотнинг энг муҳим йўналишларидан бири “терроризм”га қарши кураш бўлиб, унга аъзо бўлган мусулмон юртлардан исломий уйғонишга қарши аёвсиз курашиш талаб қилинади. Жумладан, юртларимиздаги “исломий манзара” кучайишига йўл қўймаслик, ҳатто ҳижоб, рўмол, соқол каби Исломнинг энг кичик белгиларини ҳам камайтириш каби тутуруқсиз талаблар ҳам бор. Бундан кўзланган мақсад – жамиятимиздан Ислом ва унинг аҳкомларини қувиб чиқариб, юртларимизни худди Ғарб ва бошқа кофир жамиятлар каби яланғоч, бузуқ дунёвий жамият сифатида кўрсатишдир.

Аммо бу кофир мустамлакачи давлатлар ва уларга малайлик қилаётган режимлар бир ҳақиқатни эсдан чиқармоқдалар. Аллоҳ ўз динини ҳимоя қилиб, уни бутун дунёга ёйишни ирода қилган экан, уларнинг уринишлари ва миллиардлаб маблағ сарфлашлари бекорга кетади. Аллоҳ таоло айтади:

يُرِيدُونَ أَنْ يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَنْ يُتِمَّ نُورَهُ وَلَوْ كَرِهَ الْكَافِرُونَ

– “Аллоҳнинг нурини оғизлари билан ўчиришни хоҳлайдилар. Аллоҳ эса ўз нурини, гарчи кофирлар ёқтирмасалар-да, бутун оламга тарашини хоҳлайди”.     (Соф:8)

Бироқ бу дегани минтақамиз мусулмонларининг фақат Аллоҳга дуо қилишлари кифоя эканини англатмайди. Балки дуо билан бирга амалий ҳаракат қилишлари ҳам зарурдир. Яъни муслима аёлларни худди ўз онаси, опаси ёки синглиси каби жидду жаҳд билан ҳимоя қилишлари вожибдир! Зеро, ҳар бир муслима аёлнинг рўмоли ва ҳижобига тажовуз қилинишига йўл қўйиш – биз эркак мусулмонларнинг номусимиз, обрўйимиз, шаънимиз топталиши билан баробардир! Шундай экан, бугун минтақамизда ўзини мусулмон санайдиган ҳар бир эр йигит анави режимларнинг муслима аёлларга чўзилган қўлларини қайириб, ожизаларга қоядек қалқон бўлишлари вожибдир!

Энди анави режимларга айтамизки, аёлларни ниқоби, рўмоли ва ҳижобига осилишдек тубан аҳволга тушган экансиз, ўзингизга Аллоҳнинг ғазаби ва аламли азоб-уқубати тўнини кийиб олмоқдасиз! Ҳали бу қилмишларингиз учун амаллар ҳисоб-китоб қилинадиган Кунда сизлар зулм қилган ҳар бир муслима ёқангиздан олиб, Аллоҳдан ҳаққини талаб қилади! Ўшанда Аллоҳ таолонинг адолатли ва шиддатли ҳукмидан ҳеч қаёққа қочиб қутула олмайсиз! Биз етказдик, Эй, Аллоҳ, Ўзинг гувоҳ бўл!

Форуқ    

12.08.2026й