Ўзбекистонда Умматнинг дарди…

 بِسْمِ اللهِ الرَّحْمٰنِ الرَّحِيمِ

Капиталистик тузумнинг таназзулга юз тутгани бугун ҳаётнинг деярли барча жабҳаларида намоён бўлмоқда. Бу жараён, айниқса, мазкур тузумнинг етакчиси бўлган Американинг ўз ҳукмронлигини сақлаб қолиш учун охирги чора – куч ишлатиш ва ошкоро зўровонликка ўтганида очиқ кўринмоқда. Вашингтоннинг Лотин Америкаси ва Яқин Шарқдаги қилмишлари бунинг далилидир. Шу ўринда, капиталистик тузумнинг ўрнини эгаллашга ва инсоният дуч келаётган муаммоларга энг тўғри ечимларни тақдим этишга қодир ягона мабда – Ислом экани кундай равшан бўлиб қолди. Бу эса, ягона ҳукмронлик даъвосидаги Американинг Ислом ва мусулмонларга адовати кучайишига ва бутун дунё давлатларини бу курашга фаол тортишига сабаб бўлди.

Трамп ҳатто Франциядаги ўқувчи ва талабалар намойишини Ислом масаласига боғлаб: “Назоратдан чиқиб кетган муҳожирлар оқими” ва Исломнинг “бир вақтлар буюк бўлган мамлакатни эгаллашга интилиши”, деб атади. Ҳолбуки, намойишчиларнинг эътирозлари эскириб кетган мактаб бинолари, ўқитувчиларнинг кескин етишмаслиги ва синфхоналарда ўқувчилар сонининг ҳаддан зиёд кўплиги каби таълим тизимига оид муаммолар билан боғлиқ эди.

Шу билан бирга, Вашингтон ўз мавқеини мустаҳкамлашда исломий юртлардаги малай режимлардан ошкора, сурбетларча ва шошилинч фойдаланмоқда. Бу малай ҳукмдорлар эса, ўзларининг қалқиб қолган тахтларини сақлаб қолиш учун унинг талабларини бажаришга, ҳатто бу талаблар ўз халқи манфаатларига очиқ-ойдин зид келган тақдирда ҳам, тайёр эканини намоён этмоқда.

Бу ҳолатни Ўзбекистон мисолида ҳам кўриш мумкин. Трампнинг Исломга ошкора адовати ва қарши кураши янада кучайган бир пайтда, ўзбек режими ҳам ўзининг мусулмон аҳолисига босимни янада кучайтирмоқда. У “норасмий” деган ном остида диний таълимни бутунлай таъқиқлаб, ҳатто Қуръон ўрганиш ва ўргатишни оғир жиноят, Қуръонни эса, “жиноят қуроли ва воситаси” дейишгача бормоқда, тинимсиз рейдлар ўтказиб, исломий таълим билан шуғулланувчи мусулмонларни жавобгарликка тортишга зўр бермоқда. Тошкент, Сурхондарё ва Фарғона водийсида ўтказилган рейдларни ОАВ орқали ваҳимали суратда намойиш этилиши иймон-эътиқодли юртдошларимизнинг ҳақли эътирозига сабаб бўлмоқда. Бундан ташқари, сўнгги вақтларда қамоқхоналарда маҳкумларга Қуръонни ўқиш учун бериш тўхтатиб қўйилган. Баъзи жазони ижро этиш муассасаларида эса, Ғарбдаги Аллоҳнинг жирканч душманларига тақлид қилиб, Қуръонни таҳқирлаш, ҳатто йиғиб олиб хожатхона қоғози цехига топшириш ва Қоровулбозор туманидаги 17-сонли муассасасида содир бўлгани каби хожатхонага ташлашгача бораётгани маълум. Бу эса, ўзбек режимининг мустамлакачи хўжайинларига ўз садоқатини билдириш учун нақадар тубанликларга қўл ураётганининг намойишидир.

Сўнгги вақтларда, бу садоқатнинг исботи сифатида, Умматнинг ўз Исломига қайтишга бўлаётган интилишларини тўсиш ва қўрқувда ушлаб туриш мақсадида мухлис мусулмонларни кетма-кет куч идораларига суҳбатга чақиришни кўпайтирди. Бундан ҳам ўтиб, Исломга бўлган адоватини яширмайдиган, мутакаббир хожасининг буйруғига итоат қилиб, Умматнинг ихлосли, сара фарзандларини қамашга киришди. Яқин кунларда Фарғона водийсида ўнлаб мухлис йигитларни қамоққа олиб, туҳматли айбловлар билан жиноий иш очгани бунга мисол бўлади. Медиада таъқиқланган контентларга қарасангиз, фақат Исломга алоқадор контентлар эканига гувоҳ бўласиз.

Ўзбек режими сиёсий Исломга қарши курашиш билан бирга хожалари мамлакат бойлигини талон-тарож қилишига қонуний йўлларни кенг очиб бермоқда. Америка билан тузилган 105 миллиард долларлик шартнома каби. Бу шартномада саккизта Boing самолёти сотиб олишдек, Умматнинг бойлигини Америкадаги завод ишчиларини 2030 йилгача иш билан таъминлашга сарфлаш, Уммат мулки бўлган ноёб минераллар конларини ўзлаштириш ва олиб чиқиб кетишдек келишувлар бор. Яшил энергияни ривожлантириш лойиҳаси доирасида Европа давлатларини электр энергия билан таъминлаш, уран етказиб бериш, логистик йўналишларни ривожлантириб, бойликларни эмин-эркин ва тез олиб чиқиб кетишга шароит яратиш кабиларни ўз ичига олади.

Янги Тошкентда халқаро молия маркази ташкил этиб, халқаро компаниялар бемалол иш юритишига шароит қилиб берилди. Бунинг устига улар билан юз берадиган молиявий низоларни ҳал қилишда Ўзбекистон қонунларини четлаб ўтиш учун халқаро қонунлар билан иш юритувчи арбитраж суди ташкил этилди.

Ўзбек режими, шунингдек, ўз халқини иқтисодий босимлар билан қийнашда давом этмоқда. Турли солиқ ва жарималар ўйлаб топиб, иқтисодий аҳволини танг қилаётгани етмагандай, кундалик зарурий эҳтиёж бўлган газ, электр тўлови каби коммунал тўловларни изчил ошириб бориш билан ҳолатни янада оғирлаштирмоқда. Натижада, оддий аҳоли қатлами бор диққат-эътиборини кундалик турмушига қаратиб, шу билан овора бўлишга мажбур бўлмоқда.

Булар ҳам етмагандек, мазкур режим қарз устига қарз олиб, Уммат елкасига авлодлар давомида тўлашга мажбур бўладиган қарз юкини юкламоқда. Ўзбекистоннинг ҳозирги мавжуд қарзи марказий банкнинг ҳисоботига кўра, 2026 йил 1 июл ҳолати бўйича 84,1 миллиард долларга етди. Марказий банк раҳбари чиқиб: “Биз йилига 5 миллиарддан 8 миллиардгача қарз олишимиз керак”, деди. Бу қарз қўшимча шартлар билан берилаётгани эса, дард устига чипқондир.

Ўзбек режими давлат бюджети халқ мулки бўлишига қарамай, беҳуда совуришда давом этмоқда. Манбаларнинг хабар беришича, давлат бюджетидан молиялаштириладиган кўплаб кераксиз штатлар (лавозимлар) ташкил этилган. Биргина президент администрацияси раҳбари Саида Мирзиёевага йиллик 360 миллион харажатлар белгиланган бўлиб, унинг кунлик харажати 8 миллиард сўмга етмоқда. Бу асли халқ мулки бўлган бюджетдан сарфланмоқда. Агар етмай қолса, яна қарз олинади. Бу мулкнинг асл эгаси бўлган оддий халқ эса, биргина бола пулини олиш учун кўплаб талабларга жавоб бериши керак.

Хулоса ўрнида айтиш мумкинки, капитализм ўз ўлими олдидан малай режимлар орқали умрини узайтириш учун бор чораларини ишга солмоқда. Малай режимлар эса, ўз тахтларини сақлаб қолиш учун сиёсий Исломга қарши бор имкони билан курашиб, Уммат бойликларини хожалари оёғи остига ташламоқда. Умматни эса қўрқув ва босим остида ушлаб, кундалик тирикчилик ғами билан овора қилиб ушлашда давом этмоқда.

Эй, мусулмонлар, бу малай ҳукмдорларда заррача яхшилик йўқ! Ягона нажотимиз Исломдир. Исломга қайтайлик! Азизлигимизга қайтайлик! Росулуллоҳ ﷺ: “Халифа қалқондир. У билан ҳимояланилади ва унинг ортида туриб жанг қилинади”, деганлар. Исломни мукаммал татбиқ этиб, Умматни азизликка қайтарадиган ҳамда молини ва жонини ҳимоя қиладиган Рошид Халифаликни тиклашга шошилайлик!

Муслиҳиддин

19.10.2026й