بِسْمِ اللهِ الرَّحْمٰنِ الرَّحِيم

Роя газетаси:

Валадишайх: Келаётган кунларда Яман тақдири ҳал бўлади ва кутилмаган ишларни олиб келади

Якшанба куни Кувайтда Исмоил Валадишайх Аҳмад Яман тинчлик сўзлашувларининг эрталабки йиғилиши ортидан берган матбуот конференциясида – Кувайт мубоҳасалари бетакрор тарихий имконият эканини таъкидлади. Тинчлик мардлар танлови эканини, келаётган кунлар Яман тақдири ҳал бўладиган ва кутилмаган ишларни олиб келаётганини, айниқса, яхшилик башоратларига чорловчи ишлар ҳам, ташвишланишга чақирувчи ишлар ҳам бўлишини билдирди. У музокарачиларнинг Яманни қутқариш учун бир оз ён беришлари лозимлигини қўшимча қилди. Кейин бу каби мубоҳасалар давом этишини, томонлар ечимга нисбатан ўз қарашларини билдирганини таъкидлаб, «Вазифамиз, томонлар ўртасидаги қарашларни бир-бирига яқинлаштириш», деди ва Яман халқи Кувайт мубоҳасалари муваффақиятсизлигига тоқат қилолмаслигини билдирди.

У комиссиялар фаолияти ҳақида гапирар экан, маҳбусларнинг 50 нафари Рамазондан олдин қўйиб юборилишига келишиб олинганини билдирди. Шунингдек, ҳозирги босқич жуда нозиклигини ва мубоҳаса иштирокчилари 25 миллион яманлик талабини қондириши зарурлигини алоҳида урғулади.

Валадишайх комиссиялар фаолияти ҳақидаги сўз юритаётиб, хавфсизлик комиссияси, сиёсат комиссияси ва маҳбуслар бўйича комиссия айни муаммони ўрганишда давом этаётганини таъкидлади. Кейин бир саволга жавоб бериш асносида – Ямандаги томонлар ўртасида айрим маҳбусларни ўзаро айирбошлаш бошланди, деди.

Валадишайх Аҳмад – ҳозир копток музокарачилар ва иштирокчилар ўйингоҳида, бас, ақл ва тинчлик овозига қулоқ тутувчилар борми, деди. (Арабийя нет)

Роя газетаси шарҳи:

Ямандаги халқаро вакил Валадишайх Аҳмад айни сўзлари билан гўё ўзини Яманга, унинг аҳлига ва манфаатларига қайғураётган инсон қилиб кўрсатишга уринмоқда. Аслида эса у мустамлакачи давлатларнинг исломий юртлардаги режаларини ижро этувчи вакилидир. Бунинг устига, бу кимса йирик давлатларнинг Яман устида олиб бораётган курашларида қурол сифатида хизмат қилади ва кураш тарозисида Америка палласининг оғир келишига ҳаракат қилади. Зеро, Америка инглизлар муқобилида Ҳусийларни қўллаб-қувватлаётган бўлса, инглизлар Абдуроббиҳ Мансур Ҳодий ва унинг жамоасини қўллаб-қувватламоқда. Энди, унинг музокарачиларни ақл овозига қулоқ солишга чақирганига келсак, бундан Америка овозига қулоқ солишга ишора қиляпти. Шунинг учун Саудия ташқи ишлар вазири Ҳусийларни қўшнилар, дея сифатлади. Бундан олдин эса Саудия Ҳусийларга қарши урушда минглаб Яман аҳлини қирғин қилиб, жароҳатлаган эди. Шундай қилиб, бу малай ҳукмдорлар, ўз урушларида, музокараларида ва тинчликларида ҳам, Ислом ва мусулмонлар душманлари сиёсатларини бирдай ижро этишмоқда. Қирғин, уй-жойларнинг вайрон этилиши, қочқинга айлантириш каби мусибатлар мусулмонлар ва уларнинг юртлари бошига тушмоқда.

Роя газетасининг 2016 йил 18 май чоршанба кунги 78-сонидан