بسم الله الرحمن الرحيم

Роя газетаси:

Челябинскда Ҳизб ут-­Таҳрир аъзоларининг навбатдаги қамоққа олиниши

2018 йил 27 февралда Россия Федерал разведка агентлари Челябинск шаҳрида тўрт нафар мусулмонни Ҳизб ут­-Таҳрир фаолиятларида қатнашиш айблови билан ҳибсга олди. Ўша куни саҳар пайтда хавфсизлик кучлари Денис Абдурахманов квартирасига бостириб киришди. Улар тўппонча билан Дениснинг бошига уриб, тиз чўктиришди ва квартирасини тинтув қила бошлашди. Дениснинг рафиқаси улардан бу хатти­ҳаракатларига изоҳ талаб қилган эди, уят гаплар билан уни ҳақорат қилишди. Тафтишдан сўнг Денисни номаълум томонга олиб кетишди. Кейинчалик улар Руслан Фаткуллин, Рафис Халиков ва Амир Каримовларни ҳам ҳибсга олишгани маълум бўлди.

Уй­жойни тинтув қилиш ордери ва бошқа ҳужжатларнинг барчаси эртасига 28 феврал куни тақдим этилди. Буни орадаги 24 соат ичида ҳибсга олинганларни сақланаётган ерини яшириб, уларга қийноқлар қўллаш билан ёлғон кўрсатмалар олиш ёки қилмаган жиноятларини тан олишга мажбурлаш мақсадида шундай қилишган. Бир неча кун ўтгач, йигитларга Россия Федерацияси жиноят кодексининг 205 модда 5 банди асосида айблов («террористик» ташкилотда фаолият қилиш айблови) қўйилгани ҳамда алоҳида камераларда сақланаётгани маълум бўлди.

Роя газетасининг 2018 йил 14 март чоршанба кунги 173-сонидан

0

0