Оқ дўппи кийма, террорист бўлиб қоласан
بِسْمِ اللهِ الرَّحْمنِ الرَّحِيمِ
Оқ дўппи кийма, террорист бўлиб қоласан
Ўзбекистон ҳукумати бошқаруви, хусусан золим Каримовнинг Исломга нисбатан ҳаддан зиёд қаттиқ нафрати йилдан йилга мусулмонлар устида жорий қилинаётган турли тақиқ ва тазйиқлар кўринишида ўз ифодасини топиб бормоқда.
Халқ тинчлиги ва террордан ҳимоя тушунчаси остида, Ўзбекистон мусулмонларининг устига татбиқ қилинаётган азобларни санаш учун бемалол китоблар ёзса бўладиган даражага етиб келди. Бундай зулмлар орасида баъзилари одамни ларзага келтириб, қалбига аламли оғриқдек санчилади. Махалла масжидида намоз ўқигани учун қамалган, кўчада рўмол ўрагани учун қамалган, қамоқда намоз ўқигани учун уриб ўлдирилган кабилар, баъзиларини эса эшитганда ё кулишни, ё йиғлашни билмай қоласиз. Ўзбекистон ҳукумати мусулмон умматига жорий қилган ажабтовур тақиқлардан бири, оқ дўппи муаммосидир. Оқ дўппи кийиш, Ўзбекистон мусулмонлари оламида секин аста катта жиноят кўринишига олиб келинди. Оддийгина оқ дўппи учун алоҳида кўрсатувлар ташкил қилиниб, қандайдир ифлос жирканч олимлар унинг зарарларини кашф қилган бўлди, уларга қўшилиб, ҳақиқатда динни ниқоб қилган хоин олимлар ҳам, шу ишга ўз ҳиссаларини қўшдилар. Бу ҳолатга нима деб муносабат билдиришга ҳам ҳайрон қолади одам.
“Озодлик” радиоси тарқатган хабарига кўра, “Озодлик муштарийларининг билдиришларича, Ўзбекистонда имомлар масжидларга Ҳайит намозини адо этгани оқ дўппи кийиб борган намозхонларга оқ дўппиларни ечишни буюрган, акс ҳолда масжиддан чиқарилиши ҳақида огоҳлантирган.
Бу ҳақда исми сир қолишини истаган ўзбекистонликлардан бири Озодликка қуйидагиларни айтди:
— Биз эрталаб саҳарда номозга бордик. 6.30да Ҳайит номози ўқилди. Номоз пайти яқинлашганида имом масжидга кирган мусулмонлар бошига қараб оқ матодан тикилган дўппиларни ечишни, акс ҳолда масжиддан чиқарилишларини эълон қилди. Наҳотки номозга кийиб борадиган бош кийимини фарқи бўлса, — дейди Ҳайит намозига борган ўзбекистонлик.
Ўзбекистонда оқ дўппиларга норасмий тақиқ борлиги ҳақида Озодлик аввал хабар берган эди.
Тошкентдаги Хожа Аламбардор жомеъ масжиди имомларидан бири оқ дўппи араб мамлакатлари учун ҳос бўлгани учун уни кийиш Ўзбекистон учун бегона эканлигини айтади:
-Оқ дўппини араблар кияди, бизни ўзимизни дўппиларимиз бор. Нимага ўзбеклар ўзиники турганда арабларни дўпписини кийиши керак, — дейди ўзбекистонлик имом.
Ёш болалар Ҳайит номозига қўйилмади
Ўзбекистондаги кўпгина масжидларга 20 ёшдан кичик бўлган ўсмирлар киритилмаган. Уларга ҳукумат қарори пеш қилиниб, ортга қайтарилган.
– Ҳукуматни қарори бор экан, "ёши 20 дан кичик бўлганлар киритилмайди", дейишди. Мелиса номозга келганларни назорат қилиб турди, — дейди 4 октябрь куни Ҳайит номозига болалари билан борган фарғоналик Иномжон ака.
Масжидларга ёш болалар қўйилмаганини бошқа ўзбекистонлик ҳам тасдиқлайди.
–Эрта тонгда масжидга яқинлашар эканман, масжидни қуролланган аскарлар ўраб олгани ва ҳали 20 ёшга тўлмаган фуқароларни қайтараётгани ва ҳар бир инсонни чегарадан ўтгани каби текшириб масжидга киритаётганига ҳайрон қолдим, — дейди исми сир қолишини истаган ўзбекистонлик.
Ўзбекистонлик имомлар ҳам мусулмонларга болаларини олиб келмасликни тавсия этишмоқда.
— Ёш болаларни намози барибир ибодат эмас. Ёш болалар масжидда намозхонларга халақит қилишлари мумкин. Шунинг учун болаларни масжидга олиб келмаслик айтиляпти, — деди ўзбекистонлик имом.
Ўзбекистонда болалар ва ўсмирлар жума намозларига қўйилмаётгани, жомеъ масжидлари олдида болаларни милиция ортга қайтараётгани ҳақда Озодлик аввал хабар берган эди. Бу Ўзбекистонда болаларни масжиддан айри тутиш йўлидаги ҳаракат сифатида кўрилади.
Ҳуқуқ фаоллари фикрича, масжидларда мусулмонлар оқ дўппиларни ечишга мажбурланиши ва болаларнинг Ҳайит ибодатларини адо этишлари учун масжидларга киритилмагани эътиқод эркинлиги чекловининг бир кўринишидир.
Шунингдек, бу йил ҳам Тошкент ва Тошкент вилоятларида урф бўлган янги тушган келинларга Ҳайит саломи тақиқлаб қўйилган.
Озодликнинг Тошкентдаги манбаларига кўра, пойтахтнинг Эски шаҳар қисмидаги айрим маҳаллаларда янги келин туширган оилалардан ҳайитни ўтказмаслик борасида тилхат ҳам олинган”.
Ёшларни намозга келишига қаршилик қилиш, уларнинг ёшига қараб белгиланиши ва бу жирканчликка диний идора вакиллари, имомлар катта хизмат қилаётгани, уммат устидаги энг оғриқли ва ачинарли хиёнатлардандир. Ҳақиқий маънода динни ниқоб қилиб олиб, умматга катта хиёнат қилишдир. Чунки, балоғатга етган ҳар қандай мусулмонни бирон кимса масжиддан қайтаришга, намоздан қайтаришга ҳаққи йўқ, ва балоғат ёши ушбу золим ҳукумат айтаётганидек, 18 ёки 20 ёшдан эмас, балки ўзига хос шаръий белгилар билан собит бўлади ва ушбу белгилар билан балоғатга етган инсонни масжиддан қайтарган инсон, ким бўлишидан қатъий назар, имом бўладими ёки бошқами, нима сабаб билан бўлишидан қатъий назар, нимани узр қилиб баҳона қилишидан қатъий назар, бундай инсон очиқчасига Аллоҳ Таъолога қарши чиққан бўлади. Бу тўғрида Аллоҳ Таъоло алоҳида таъкидлаб, бундай хоинларга Аллоҳ Таъоло Ўзининг аламли азоби борлиги ваъдасини бериб шундай деган:
وَمَنْ أَظْلَمُ مِمَّن مَّنَعَ مَسَاجِدَ اللّهِ أَن يُذْكَرَ فِيهَا اسْمُهُ وَسَعَى فِي خَرَابِهَا أُوْلَـئِكَ مَا كَانَ لَهُمْ أَن يَدْخُلُوهَا إِلاَّ خَآئِفِينَ لهُمْ فِي الدُّنْيَا خِزْيٌ وَلَهُمْ فِي الآخِرَةِ عَذَابٌ عَظِيمٌ
“Аллоҳнинг масжидларида Унинг исми зикр қилинишини ман этган ва уларни бузишга ҳаракат қилгандан ҳам золимроқ одам борми? Ана ўшалар у жойларга фақат қўрққан ҳолларидагина киришлари керак эди-ку! Уларга бу дунёда хорлик бордир ва уларга охиратда улуғ азоб бордир”. (Бақара. 114)
Исломга нисбатан кучли адоватда, мусулмонларга эса қаттиқ нафратда бўлган ҳукумат устидаги бошқарувчилар, хусусан золим Каримовнинг мусулмонларга нафрати шу даражага етмоқдаки, хатто ташқи кўриниши Исломни эслатувчи ҳолатларни, аёллар рўмоли, эркаклар оқ дўпписи, соқол кабиларни ҳам уммат онгида жиноят қилиб кўрсатиб бормоқда.
Бундай ҳолатлар йилдан йилга кўпайса кўпайяптики, асло камайгани йўқ. Ва бу ишлар соддадил, аниқроғи сунъий йўллар билан фикрлаш даражаси пасайтириб юборилган, ақлий савияси пасайтирилган умматга эса, юртнинг тинчлиги, террорчилардан ҳимоя қилишга ҳаракат, диний экстремистларни йўқ қилиш каби тушунчалар орқали, бир томондан ҳукуматнинг қилаётган золимона сиёсати оқланаётган бўлса, иккинчи томондан, уммат онгида Исломни жиноятчи террорист қилиб кўрсатиш, диний экстремизм тушунчасини сингдириш ишлари моҳирлик билан амалга оширилмоқда. Булардан келиб чиқиб айтиш мумкинки, Ўзбекистон ҳукумати бошқарувидаги золим мансабдорларнинг Исломга нисбатан қалбидаги нафрати борган сари алангаланиб бормоқда.
Ўзбекистон мусулонлари бундай тахқирларни қачон тушуниб етадилар? Наҳотки, ушбу жиноятлар, умматни йўқ қилишга қаратилган салбчилик ҳаракатининг бир қисми эканини тушуниб етмасалар? Кўзингизни очинг мусулмонлар, куфр сизнинг устингизга оч қолган бўридек ташланмоқда, сиз нима деб жавоб қайтаряпсиз?
Савбон розияллоҳу анҳудан, Росулуллоҳ соллаллоҳу алайҳи васаллам дедилар:
عن ثوبان رضي الله عنه قال: قال رسول الله – صلَّى الله عليه وسلَّم -: "يُوشِكُ الأُمَمُ أَنْ تَدَاعَى عَلَيكُمْ كَمَا تَدَاعَى الأَكَلَةُ إِلَى قَصْعَتِهَا". فقال قائل: ومِن قلَّةٍ نحن يومئذٍ؟! قال: "بَلْ أَنتُمْ يَومَئِذٍ كَثِيرٌ، وَلَكِنَّكُمْ غُثَاءٌ كَغُثَاءِ السَّيْلِ، وَلَيَنْزِعَنَّ اللهُ مِنْ صُدُورِ عَدُوِّكُمْ المَهَابَةَ مِنكُمْ، وَلَيَقذِفَنَّ اللهُ فِي قُلُوبِكُمُ الوَهَنَ". فقال قائل: يا رسول الله! وما الوَهَن؟ قال: "حُبُّ الدُّنيَا وَكَرَاهِيَةُ المَوتِ"
“Яқин кунларда бошқа умматлар сизларнинг устингизга, худди еб тўймас, оч кўз кимса ўз таомига ташлангандек ташланадилар. Шунда сўрадилар “Биз у кунда озчилик бўлганимиз учун шундай бўладими?”. Росулуллоҳ соллаллоҳу алайҳи ва саллам дедилар: “Йўқ, у кунда сизлар кўпчилик бўласизлар, бироқ денгиз устидаги кўпик сингари бўласизлар ва Аллоҳ душманларингиз қалбидан қўрқувни олиб қўяди, сизларнинг қалбингизга эса ваҳн солиб қўяди”. Саҳобалар яна сўрадилар: “Ваҳн нима ё Росулуллоҳ?” Росулуллоҳ соллаллоҳу алайҳи васаллам шундай деб жавоб бердилар: “Бу дунёга муҳаббат қўйиш ва ўлимдан қўрқишликдир””. Имом Аҳмад ва Абу Довуд ривоят қилган.
Ҳизб ут-Таҳрирнинг Ўзбекистондаги медиа офиси Муслим
07.10.2014й.
