Матбуот баёноти

Ўзбек режими “экстремизм” ниқоби остида Ислом ва мусулмонларга қарши курашнинг янги босқичини бошламоқда

بِسْمِ اللهِ الرَّحْمٰنِ الرَّحِيمِ

Ўзбекистоннинг қонун чиқарувчи органи – Олий Мажлис Қонунчилик палатаси яна бир бор юртимиз мусулмон халқига ва унинг исломий қадриятларига қарши қаратилган мустабид қадамни ташлади. 7 апрел куни депутатлар “экстремизмга қарши курашиш” ниқоби остида жазо чораларини кенгайтиришни назарда тутувчи қонун лойиҳасини биринчи ўқишда маъқуллади. Бу галги ўзгаришлар нафақат жисмоний шахслар, балки давлат назоратида бўлмаган “норасмий ташкилотлар” ва ҳукумат учун “номақбул” фикрловчи ҳар қандай жамоаларни нишонга олмоқда.

“Экстремизм” – мустамлакачиларнинг универсал қуроли. Бош прокурор ўринбосари Б. Валиев ўз маърузасида “экстремизм тушунчаси БМТ ва ЕХҲТ тавсиялари асосида қайта кўриб чиқилаётганини” таъкидлади. Бу шуни англатадики, ўзбек режими кофир мустамлакачи Ғарб белгилаб берган қоидалар асосида ўз халқини жиловлашда давом этмоқда. “Экстремизм” атамаси аввалдан Исломий сиёсий фикр ва Умматнинг уйғонишига тўсиқ бўлиш учун ишлатиб келинаётган қўрқитиш воситасидир.

Янги қонунда “норасмий ташкилотлар”нинг нишонга олиниши, давлат назоратида бўлмаган, масжиддан ташқарида Исломни ўрганмоқчи бўлган ёки жамият муаммоларини муҳокама қиладиган ҳар қандай ихтиёрий жамоа “экстремист” деб эълон қилинишини билдиради. Режим шу йўл билан жамиятнинг ҳар бир бўғинини қўрқув ва тўлиқ назорат остида ушлаб турмоқчи.

Режим жавобгарликни “қисман либераллаштириш” ҳақида гапириб, гўёки биринчи марта хато қилганларга енгиллик беришни ваъда қилмоқда. Бироқ бу шунчаки “сиртмоқни бўшатиб, қайта тортиш” ўйинидир. “Ижтимоий реабилитация” ва “радикал қарашларни тузатиш” деган иборалар ортида мусулмонларнинг эътиқодини синдириш ва уларни режимга содиқ “қўғирчоқ”ларга айлантириш мақсади ётибди.

Диний экстремизмдан “сиёсий экстремизм”га ўтиш, Валиевнинг таъкидлашича, эндиликда нафақат диний, балки “сиёсий экстремизм” учун ҳам жазо муқаррар бўлади. Бу эса режимнинг сиёсий рақибларига ва унинг нотўғри бошқарувини танқид қилувчиларга қарши очилган янги фронтдир. Бу билан ҳар қандай сиёсий талаб ёки ислоҳот истаги “конституциявий тузумга тажовуз” деб баҳоланиши мумкин.

Ўзбек режими Ғарб давлатлари (АҚШ) ва шарқдаги мустабидлар (Хитой), шунингдек, Россия тажрибасига таянган ҳолда, ўз тахтини сақлаб қолиш учун қонунчиликни қаттиқлаштирмоқда. Бу қонунлар Исломнинг асл моҳиятини англаган ва уни ҳаётга қайтаришни истаган мусулмонларга қарши қаратилгандир.

Бироқ тарих шуни кўрсатадики, ҳеч қандай қатағон ва “экстремизм” тамғаси ҳақиқатни ўчира олмайди. Мусулмонлар ўз Исломини ва зиммасидаги вазифаларини англаган сари, бу каби золимона қонунлар ўз кучини йўқотишга маҳкумдир.

Эй, Ўзбекистон мусулмонлари! Бу қонун – режимнинг ўзининг қўрқувидан далолат. Улар билишадики, Ислом фикрлари тобора кенг тарқалмоқда, Ислом асосида яшаш чақириғи ёшлар орасида ўз ўрнини топмоқда. Шунинг учун улар “экстремизм” деган атама билан ҳар қандай исломий фаолликни тақиқлашга уринмоқда. Лекин тарих шуни кўрсатдики, ҳар қандай тоғут тузуми Исломга қарши курашганда ўзининг ҳалокатини тезлаштиради. Бугунги кунда унинг ҳалокати яқинда Аллоҳнинг изни билан тикланажак Пайғамбарлик минҳожидаги Рошид Халифалик Давлатини барпо этилиши билан бўлади.

Бу қонун лойиҳаси – мустамлакачи Ғарбнинг чизиғидан чиқа олмайдиган, ўзининг мусулмон халқи эътиқодидан чўчийдиган қўрқоқ режимнинг ўз ожизлигини тан олишидир. Улар мусулмонларнинг фикрий ва мафкуравий қаддини синдирмоқчи, уларни ўз динлари талабларидан воз кечишга мажбурламоқчи бўлмоқдалар. Бироқ улар бир ҳақиқатни унутишди:

Ҳақиқатни қамоқ панжаралари билан тўсиб бўлмайди ва уйғонган фикрни қонун моддалари билан занжирлаб бўлмайди. Бу каби золимона чоралар Умматнинг ўзлигига қайтмаслиги учун қилинган беҳуда уринишлардир. Золимлар ўзларининг маккор режалари билан мусулмонларни қўрқитмоқчи бўлсалар-да, аслида бу қадамлари билан ўз заволларини яқинлаштирмоқдалар. Зотан, зулм кучайган жойда адолатга бўлган ташналик ҳам ортади. Мусулмонлар бу каби маккор тузоқлардан огоҳ бўлишлари, ўз динларини ҳимоя қилишда собит туришлари ва фақат Аллоҳнинг арқони(дини)ни маҳкам тутишлари лозим. Зеро, ботил қанчалик забардаст кўринмасин, Ҳақ келганида, албатта, у мағлуб бўлгувчидир! Аллоҳ таоло айтади:

﴿وَقُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا﴾

– “Ва айтинг, Ҳақ келди, ботил йўқ бўлди. Зотан, ботил доимо йўқ бўлгувчидир”.  (Исро:81)

Яна айтади:

﴿يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ﴾

– “Аллоҳнинг нурини оғизлари (ботил-беҳуда гаплари) билан ўчирмоқчи бўладилар. Ҳолбуки, Аллоҳ кофирлар ёқтирмаса ҳам, ўз нурини тугал этгувчидир”. (Соф:8)

Ҳизб ут-Таҳрир Матбуот бўлими – Ўзбекистон