Раҳил-Навоз режими доктор Ифтихорни жарроҳлик амалиётидан сўнг муолажа олишдан маҳрум қилгани сабабли унинг ҳаёти хавф остида қолмоқда
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Доктор Ифтихорни дарҳол озод этинг!
Раҳил-Навоз режими доктор Ифтихорни жарроҳлик амалиётидан сўнг муолажа олишдан маҳрум қилгани сабабли унинг ҳаёти хавф остида қолмоқда
Бу режим илгарги разилликларидан ҳам тубанроқ разилликка қўл уриб, Покистонда Халифалик учун холис фаолият қилган инсонлардан бири доктор Ифтихорга зулм қилмоқда. Устоз Ифтихорни йўғон ичаги билан боғлиқ жарроҳлик амалиётидан ўтказиш зарурлигига режимни кўндириш учун бир неча ой уринилди. Чунки унинг ҳибсдалиги чоғида саломатлиги ёмонлашган эди. Ва ниҳоят, 2016 йил 6 август шанба куни жарроҳлик амалиёти қилиниб, йўғон ичаги олиб ташланди. Устоз Ифтихор амалиётдан чиққач, ҳали ҳушига келмасидан туриб, Раҳил-Навоз режими югурдаклари унинг оёқларига кишан солишдан тап тортишмади… Ички қон қуйилиш ва амалиёт ўрнининг яллиғланиши унинг ҳаётига хавф сола бошлади… Устоз жарроҳлик амалиётидан сўнг уч ҳафта албатта жарроҳлик бўлимида тиббий муолажа олиш шартлигини қатъий уқтиришига қарамай, қамоқхона маъмурияти уни касалхонадан қамоққа кўчиришни қаттиқ талаб қилаверди. 11 август куни полиция устоз Ифтихор ётган хонага уни муолажа қилиш учун келган шифокорга ҳам душманлик қилиб, ҳужум қилди. Бош терговчи лавозимидаги режим югурдакларидан бири устознинг аҳволи қалтис эканига қарамай, уни тиббий санитария бўлимига кўчиртирди. Ҳозир режим қароқчилари устознинг ҳаётини сақлаб қолиш учун зарур тиббий текширувлардан маҳрум қилишган. Шунинг учун доктор Ифтихорга етиши мумкин бўлган ҳар қандай зарар учун, жумладан, хавф остида қолган ҳаёти учун жавобгарлик Раҳил-Навоз режими зиммасига тушади.
Биз Ҳизб ут-Таҳрир-Покистон вилояти аъзолари журналистлар, судьялар, адвокатлар ва инсон ҳуқуқлари фаоллари дохил ҳар бир ақли расо инсонларга мурожаат қилиб, улардан режимнинг рошид Халифаликка даъват қилувчи инсонларга нисбатан қилаётган бундай муносабатига сукут қилмасликни сўраймиз. Наҳотки, Ислом билан ҳукм чиқариш ҳамда Аллоҳ Субҳанаҳунинг динига даъват қилгани учун тоғут зиндонида ётган бир инсонни озод этиш ва ёмон муносабатга қарши чиқиш судьяларнинг вазифаси бўлмаса?! Наҳотки, даъват қилаётган мусулмонларга қарши бундай зулмларни қоралаш оммавий ахборот воситаларининг вазифаси бўлмаса, ахир, бу мусулмонлар Ислом номи билан таъсис этилган ушбу юртда Пайғамбарлик минҳожи асосидаги рошид Халифаликка даъват қилмоқдаларку?! Ҳар бир эс-ҳуши бор, онгли киши ҳақиқат тарафида туриши, бундай тоғутларни очиқ рад этиши, мўминларга бўлган ҳар қандай адоватни қоралаши лозим. Аллоҳ Субҳанаҳу ва Таоло бундай деди:
وَمَا نَقَمُوا مِنْهُمْ إِلَّا أَن يُؤْمِنُوا بِاللَّـهِ الْعَزِيزِ الْحَمِيدِ
«Улар (мўминлардан) фақат у (мўмин)лар қудрат ва мақтов эгаси бўлган Аллоҳга имон келтирганлари учунгина ўч олишди!» [Буруж 8]
Сўзимиз ниҳоясида золим режимдаги ҳукмдорлар ва уларнинг югурдак каллакесарларига, ўзларини хавфсизлик ходимлари деб ҳисоблайдиган кимсаларга, Ислом ва холис мусулмонларга душманлик қилаётганларга, шунингдек, шу кимсалар билан тил бириктириб, Аллоҳнинг ҳалол бандаларига золимона ҳукм чиқараётган судьяларга, ҳамма-ҳаммасига бундай деймиз: устоз Ифтихор ҳам, Ҳизб ут-Таҳрирдаги унинг биродарлари ҳам, барчамиз Аллоҳ Субҳанаҳу ва Таоло номига қасам ичганмиз: Аллоҳ Субҳанаҳу то ушбу динни ғолиб қилмагунча ёки шу йўлда ҳалок бўлмагунимизга қадар, бор кучимиз билан ҳаракат қиламиз, Росулуллоҳ САВ башорат берган ва унинг минҳожига асосланган рошид Халифалик давлатини барпо этиш орқали Умматни уйғотиш йўлида фаолиятимизни ҳаргиз тўхтатмаймиз.
Биз бундай золимларга айтамизки, сизларнинг бундай позициянгиз ҳаргиз устоз Ифтихорнинг қаддини буколмайди, азм-қароридан қайтаролмайди. Бундан ташқари, бундай тубан қилмишларингиз ҳам рошид Халифалик барпо бўлишини асло кечиктиролмайди, секинлаштиролмайди. Чунки разилларча муносабатга дуч келаётган эр кишилар ё нусрат, ё шаҳидлик ва жаннат, дея икки гўзал оқибатдан бирини истамоқдалар. Аллоҳнинг изни ила, яқинда мусулмонлар халифаси барпо бўлиб, золимлардан албатта ҳисоб талаб қилади ва Уммат фарзандларига зарар етказган ҳар бирингиздан интиқом олади. Ҳеч шубҳа йўқки, у пайтда сизлар қочгани, яширингани жой тополмайсизлар, ҳатто «Оқ уй» ҳам паноҳ бўлолмайди. Ҳозир бор-йўқ имкониятингиздаги иш, яқинда бошингизга келадиган офатнинг енгил бўлишидан умид қилиб, устоз Ифтихорни озод этишдир. Биз Роббимизнинг
وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
«Золим кимсалар яқинда қандай оқибатга қараб кетаётганларини билиб олурлар» [Шуаро 227]
дея, сенларга ўхшаганлар ҳақида айтган каломини эслатиб қоламиз.
Ҳизб ут-Таҳрирнинг Покистондаги матбуот бўлими
Twitter: http://twitter.com/htmediapak
Facebook: http://www.facebook.com/pages/Naveed-
Butt-Media-Office-HT/116266191744214
e-mail: Этот адрес электронной почты защищен от спам-ботов. У вас должен быть включен JavaScript для просмотра.">htmediapak@gmail.com
Webpage: www.hizb-pakistan.com
