بِسْمِ اللهِ الرَّحْمنِ الرَّحِيمِ

Америка Ироқни бўлиб ташламоқда

Мустамлакачи кофирлар унинг ортидан соядек эргашмоқда

Чунки улар иш мусулмонлар юртларини парчалашга тааллуқли бўлса ўзаро низоларини унутишади

Ироқда ҳодисалар 2014 йил 10 июнда қўзғолончилар Мосулга кирганидан бошлаб ҳозиргача аниқ даҳшатли суратда тезлашиб бормоқда. Ироқ армиясининг Мосул ва Тикритда муваффақиятсизликка учраши деярли таслим бўлишга, қолаверса бу армия олий қўмондонлигидан олинган буйруқлар билан бўлганга ўхшайди. Моликийнинг армия ўрнига қуролли отрядларни йиғишга чақириши, Диялидаги, балки Бағдод яқинидаги ҳужум ва чекиниш, ҳатто Байжидаги нефтни қайта ишловчи энг катта заводнинг ракеталар, снарядлар билан бир неча бор ўққа тутилиши, самолётлар билан бомбардимон қилиниши… сўнгра аҳволнинг Талль-Афарга кўчиши ва ҳоказолар, буларнинг барчаси худди олдиндан тайёрлаб қўйилгандек рекорд даражадаги тезликда амалга ошди… Бу ҳодисалар билан бир вақтда (шиа) раҳбарлари ва етакчилари томонидан мазҳабчилик ва тоифачилик чақириқлари янгради. Оқибатда фитна авжига чиқди, бир вақтлар дунё пойтахти бўлиб, халифаси булутга нидо қилган Рофидайн (Дажла ва Фурот дарёлари) ерида қўзғатилган бу фитна дод-вой солиб ва йиғлатиб ҳукм сура бошлади!

Бу ҳодисалар кескинлашиб бораётган бўлса-да бироқ давлатларнинг бунга билдираётган муносабатлари шу ҳодисалар даражасида бўлмади. Чунки сиёсатчилар берган баёнотлар ниманидир ҳисоби билан бўлди, ҳодиса ҳажми даражасида бўлмади. Масалан баъзилари айбни Суриядаги кризисга ағдарган бўлса, бошқалари айбни Ироқда суннийлар ҳуқуқи ман қилинганига, яъни Моликийнинг зўравон диктаторлигига ағдарди… Ваҳоланки бу айбловларнинг барчаси олдин бўлиб ўтган ва бугунги янгилик эмас! Шундай қилиб демак бу ҳодисаларга давлатлар томонидан шу ҳодисалар ҳажмига муносиб келадиган тарзда тез баҳо берилмади. Бундай ҳол фақат бу ерда сиёсий майдонга таъсир ўтказувчи кучли ўйинчилар томонидан олдиндан ўзаро тил бириктириш ва олдиндан билиш бўлсагина бўлади, холос. Ана шу баёнотлардан энг кўзга кўрингани Обама берган баёнот бўлди. Чунки у 2014 йил 13 июн жума куни агар олам Ироқда нефт бўйича зарар кўрадиган бўлса унинг ўрнини Кўрфаз давлатлари заҳираларидан оқиб келадиган нефт тўлдиришини эълон қилиб оламни тинчлантирди. Бу эса Ироқдаги ҳодисалар Америка идораси учун кутилмаган ҳол бўлмаганини, аксинча Америка идораси ҳар қандай нефт кризисининг олдини олиш учун олдиндан режаларни тайёрлаб қўйганини аниқ кўрсатиб турибди. Қолаверса Обама 2014 йил 13 июнда «Вашингтон ироқликлар илгари сурадиган бирон сиёсий режа йўқлиги шароитида ҳеч бир ҳарбий амалиётда асло иштирок этмайди» деб ҳам билдирди. Ҳолбуки Америка билан Ироқ ўртасида хавфсизлик келишуви бор ва қолаверса Ироқ ташқи ишлар вазири Зиборий 2014 йил 18 июн чоршанба оқшомида Жиддада «Бағдод Вашингтондан қуролли жангариларга ҳаводан зарбалар беришни талаб қилди» деб билдирди. Шунга қарамай Обама шундай деди. Буни Америка бош штаб бошлиғи генерал Демпси ҳам конгресс йиғинида таъкидлади. Бу эса Америка аралашишга шошилмаётганини, балки уни бошқа бир режани амалга ошириш учун кечиктираётганини англатади. Британия эса унинг Ироқдаги манфаатлари Америка манфаатларидан ўзгача эканига қарамай Америка тутган йўлнинг ўзини тутди. Чунки бу иш мусулмонлар юртини парчалаб ташлашга тааллуқли-да! Шунинг учун Британия ташқи ишлар вазири Уильям Хейг 2014 йил 16 июнда Британия радио корпорациясига интервью берар экан аралашув бўлмаётгани ҳақидаги саволга бундай деб жавоб берди: «Ироққа аралашув эҳтимолига алоқадор нарсалар борасида Қўшма Штатлар қудрат ва тайёргарликларга Британиядан кўра кўпроқ эга».

Бўлаётган ҳодисаларни синчиклаб кузатган киши бу ҳодисалар қатор ҳалқалар ичидаги бир ҳалқа эканини кўради, уни Америка Ироқни босиб олган пайтдагина бошлаб қолмай балки босиб олишдан олдин, Америка 1991 йилда Ироқ шимоли ҳаво ҳудудида учиш тақиқланган зоналарни жорий қилган пайтдаёқ бошлаган. Чунки ўша пайтдаёқ Курдистон минтақаси деярли бир давлатга ўхшаб қолган! Америка 2003 йилда Ироқни босиб олган пайтда эса Ироқнинг америкалик ҳокими Бреммер Ироқни бўлиб ташлаш уруғи экилган конституцияни ишлаб чиқиб уни мазҳабчилик ва тоифачилик асосида бўлиниш ҳақида сўзлайдиган қилди. Бу уруғ ўсиб, унишда давом этди. 2011 йил декабр ойига келиб Америка ўзининг ҳарбий ташқи кўриниши билан чиқиб кетиб, ўзининг сиёсий ва хавфсизликка оид асл башараси билан қолган пайтда эса фитна дарахтининг меваси пишай деб қолди. Америка Ироқдаги ҳокимият тепасида мазҳабчиликни қўзғайдиган тоғутни қолдириш билан бу дарахтни озуқлантириб парвариш қилди. Шундан кейин Моликий қасддан, мисли кўрилмаган гердайиш билан Ироқ шимоли ва ғарбидаги минтақаларга зўравонлик ва зулм қилгани турди. Фитна олови ўчса уни ғаламисона ишлар ва сўзлар билан яна аланга олдирди, ана шу минтақалар ғазабини қўзғаш учун атайлаб шундай йўл тутди… Мазҳабчилик адовати шиаларнинг қуролли тўдаларини тузишда янада авж олди ва бунинг акси ўлароқ Давлат ташкилотига (Ироқ ва Шом Ислом Давлати ташкилотига) зўр бериб «суннийлик терроризми» деб урғу берилди. Ҳолбуки Мосул, Тикрит ва бошқа шаҳарларга кирган ташкилотлар бир неча ҳаракатлардан бўлиб, Давлат ташкилоти улардан биттасидир, холос… Иш шундагина тўхтаб қолмади, аксинча давлатлар мазҳабчилик жиҳатини бўрттириб кўрсатишда бир-бири билан ким ўзарга мусобақалашгани турди… Буларнинг барчаси Америка сиёсатини амалга ошириш учун эди. Америка ортидан Британия, сўнгра малайлар ва тобелар кетмоқда. Улар Ироқнинг бир бутун бўлишини исташмайди, аксинча парчаланиб, бир-бири билан ёқа бўғишадиган, бир-бирини ўлдирадиган бўлишини исташади! Ҳар бир тараф ўзи учун бир алоҳида иқлим (регион) бўлишини сабрсизлик билан кутмоқда. Шунинг учун регионга эга бўлишга ва бўлинишга очиқ чақирадиган бўлиб қолди… Ишлар яширин бўлмай очиқ кетаётгани учун Курдистон региони ҳолат воқесини тушуниб қолди. Шунинг учун қўзғолончилар Мосулни эгаллаган пайтда Курдистон регионига тобе Пешмерга кучлари Киркукни ва унинг атрофидаги минтақаларни тўлиқ эгаллаб олди. Рейтер 2014 йил 15 июнда Барзоний девони (аппарати) бошлиғи Фуод Ҳусайннинг қуйидаги сўзларини келтирди: «Ироқ бир янги босқичга кирди, бу босқич Мосул эгалланишидан олдинги босқичдан тамоман фарқ қилади, шунинг учун курдлар бу янги Ироқ билан муомалада бўлиш йўлларини қидиради».

Эй мусулмонлар… эй араблар… эй курдлар… эй суннийлар… эй шиалар… эй Рофидайн аҳли…

Сизларнинг қонларингиз тўкилди, бойликларингиз таланди, уйларингиз, қолаверса масжидларингиз вайрон қилинди. Ироқ чанг солган бирон чангални қайтаролмайдиган бир мўрт, барбод бўлган давлатга айланиб қолди… Орангизда ҳодисаларни тадаббур қила оладиган бир рашид киши наҳотки бўлмаса? Америка, унинг иттифоқчилари, малайлар ва тобелар… барчаси фитна оловини пуфлаётганини, сўнгра бу разиллар бир-бири билан ким ўзарга рақобатлашиб соч толасидек ёки ундан ҳам ингичкароқ нарса зўрға бирлаштириб турган уч халққа, уч парчага, уч иқлимга: курдлар, суннийлар ва шиаларга ташланишганини наҳотки кўрмаётган бўлсангиз! Иш шундай эмасми ахир? Америка Курдистон регионини қандай ҳимоя қилгани ҳақида сўрамайсизларми, ахир? Бреммер ўзининг конституциясида тоифачилик ва мазҳабчилик асосида бўлиниш уруғларини қандай эккани ҳақида сўрамайсизларми ахир?! Америка ҳозирги ҳукуматда мазҳабчилик фитнаси оловини ҳеч уялмай ва хижолат бўлмай пуфлайдиган бир тоғутни қандай пайдо қилгани ҳақида сўрамайсизларми ахир?! Америка курдларни араблардан, суннийларни шиалардан йироқлатиб, уларни бир-бирига душман қилиш учун вазиятни қандай кузатиб фитна оловига ёғ қуяётгани ҳақида сўрамайсизларми ахир? Американинг Британия, малайлар ва тобелар билан қандай бирлашгани, ҳаммаси мана шу фитна оловини пуфлаб авж олдириш йўлини тутаётгани ҳақида сўрамайсизларми ахир?! Ваҳоланки Америка ва Британия манфаатлари бир-биридан фарқ қилади, лекин бу мустамлакачилар мусулмонлар юртларини парчалаб ташлашда бирлашишади!! Наҳотки шуларни кўрмаётган бўлсангиз?!

Ислом сизларни узоқ асрлар давомида бирлаштириб келди, унинг рояси соясида узоқ замонлар яхши ҳаётдан баҳраманд бўлдингиз. Натижада кучли, азиз бўлдингиз, яхшиликни бирга баҳам кўрадиган бўлдингиз, ёвузликка қарши биргаликда курашадиган бўлдингиз… Юртингиз қаҳрамонликлар еридир, Қодисия ери, Бувайб, Форс Ярмуки ери, Ҳорунар Рошид ва Мўътасим юрти, Салоҳиддин юрти, собиқ фотиҳлар ва инша Аллоҳ энди келадиган фотиҳлар юртидир. Бир бутун Ироқ ўз аҳли билан кучлидир, парчалаб ташланган Ироқ эса парчаланиб кетиши сабабли заифдир… Шунинг учун агар курдлар Курдистон иқлимининг ёки Курдистон давлатининг пайдо бўлиши уларга азизлик келтиради деб ўйлашаётган бўлса у узоққа бормайди, аксинча ҳеч қанча вақт ўтмасдан уларга қирғинларни келтиради… Агар суннийлар ўзлари учун Ироқ шимоли ва ғарбида бир иқлим вужудга келиши ўзларига фаровон ҳаётни олиб келади деб ўйлашаётган бўлса янглишадилар. Чунки у ҳам арзимас даврдан нарига ўтмайди. Ана шундан кейин уларнинг бошига бахтсизлик ва танглик тушади… Агар шиалар ўзлари учун жанубда бир иқлим пайдо бўлса у уларга бир зўр қувватни пайдо қилади деб ўйлашаётган бўлса улар ҳам янглишадилар. Чунки у ҳам бир оз вақт давом этади, холос. Ана шундан кейин ишлар яна заифлик ва хорликка айланади.

Эй мусулмонлар… эй араблар… эй курдлар… эй суннийлар… эй шиалар… эй Рофидайн аҳли…

Етакчи ўз аҳлини алдамайди. Ҳизб ут-Таҳрир сизларга шундай деб насиҳат қилади: Америка ва Европага ишонманг. Чунки улар сизларни заррача ҳам назар-писанд қилмайди. Аксинча улар сизларнинг жон жойингизга ҳалокатли зарба беришга жон жаҳдлари билан уринади… Шу мақсадда улар Ироқда номигина давлат бўлган нарсада бир жулдур, титилиб кетган «ип» бир-бири билан боғлаб турадиган учта вужудчани пайдо қилади, мақсад кейинги босқичларда бу «ип»ни узиб ташлашга замин ҳозирлашдир… Биз албатта Америка ва Ғарб заҳарли найзаларини биз томонга нега қаратаётганини тушуна оламиз… Аммо Ироқ аҳлининг буни қабул қилиши, қабул қилибгина қолмай балки уни амалга ошириш учун бир-бирлари билан курашаётгани, улардан ҳар бири бунда Америкадан ёрдам сўраши, бу ҳеч шубҳасиз муқаррар ёмонликдир.

وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا لَكُم مِّن دُونِ اللّهِ مِنْ أَوْلِيَاء ثُمَّ لاَ تُنصَرُونَ

«Зулм йўлини тутган кимсаларга берилиб кетманглар (эргашманглар). Акс ҳолда сизларга дўзах ўти етар. Сизлар учун Аллоҳдан ўзга бирон дўст йўқдир. Кейин (яъни золимларга эргашсангиз) сизларга ёрдам берилмас»  [Ҳуд 113]

Ҳолбуки сизлар бўлиниб кетиши ҳаром бўлган бир бутун умматсиз

وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ

«Ва барчангиз Аллоҳнинг арқонига (Қуръонга) боғланингиз ва бўлинмангиз!» [Оли Имрон 103]

Шунинг учун ўзаро низолашишингиз сизларга ҳаромдир. Низолашишни бас қилинг. Акс ҳолда қувватингиз кетиб, душманларингиз сизларни ўлжа қилиш пайига тушади.

وَلاَ تَنَازَعُواْ فَتَفْشَلُواْ وَتَذْهَبَ  رِيحُكُمْ

«(Ўзаро) талашиб-тортишмангизки, у ҳолда сустлашиб, куч-қувватингиз кетур»   [Анфол 46]

Эй Рофидайн аҳли, бу иш албатта фақат унинг аввали нима билан ўнгланган бўлса ўша билангина ўнгланади: Аллоҳ нозил қилган нарса билан ҳукм юритиш ва Аллоҳ йўлида жиҳод қилиш… Аллоҳ арқонига маҳкам ёпишиш ва Аллоҳ душманлари билан алоқани узиш… тоифачилик ва мутаассибликни улоқтириб ташлаш билангина ўнгланади.

«دَعُوهَا فَإِنَّهَا مُنْتِنَةٌ»

«Уни (тоифачилик, ирқчилик)ни ташланглар, чунки у бадбўй нарсадир». Бу ҳадисни Бухорий Жобирдан чиқарди… Тоифачилик ва мазҳабчилик атамаларини тарк этинг ва Аллоҳ сизларни исмлаган исмга маҳкам ёпишинг

هُوَ سَمَّاكُمُ  الْمُسْلِمينَ

«Унинг Ўзи сизларни мусулмонлар деб атади» [Ҳаж 78]

Аллоҳга қайтинг, унинг давлатини, рошид Халифаликни тикланг. Чунки фақат шу давлат билангина азиз бўласиз, фақат шу давлат соясидагина яна булутларга хитоб қиласиз, фақат шу давлат соясидагина яна Аллоҳнинг биродар бандаларига айланасиз

إِنَّ فِي ذَلِكَ لَذِكْرَى لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ

«Албатта бунда (огоҳ) қалб эгаси бўлган ёки ўзи ҳозир бўлган ҳолда (яъни сидқидилдан) қулоқ тутган киши учун эслатма-ибратлар бордир» [Қоф 37]

Ҳизб ут-Таҳрир                                                                         21 шаъбон 1435ҳ

                                                                                                      19 июн 2014м

0

0

Related posts:

Мосулни қайтариб олиш жанги ортида нима турибди?! Ҳукумат юрт бойликларига лоқайдлик қилганидан кейин энди Америка ва НАТО қўли билан хароб қилишга асос солмоқда Ливан халқаро сиёсатчилар болғаси билан регионал ва маҳаллий малайлар сандони ўртасида Америка билан иттифоқчи бўлиш бизни ҳиндуслар давлати олдида хор қилди