بِسْمِ اللَّـهِ الرَّحْمَـٰنِ الرَّحِيمِ

Қозондан тортиб Ҳалабгача мусулмонлар Халифаликка муҳтождирлар!

Хабар:

18 октябрда INTERFAX АА хабар қилди: ""Бугун эрталабки соат 10 дан бошлаб Ҳалаб бўйлаб Россия ҲКК ва Сурия ҲҲК авиациясининг зарбалари тўхтатилади. Авиазарбаларнинг муддатидан олдин тўхтатилиши 20 октябрда киритиладиган гуманитар пауза учун зарур", – деди Шойгу селектор йиғилишида. Вазирнинг сўзларига кўра, авиазарбаларнинг муддатидан олдин тўхтатилиши "Ҳалабнинг шарқий қисмидаги тинч аҳолининг олтита коридордан чиқишида хавфсизликни кафолатлашга ҳамда беморлар ва яраланганларни эвакуацияга тайёрлашга имконият беради"".

Изоҳ: Шомдаги, хусусан Ҳалабдаги сўнгги воқеалар беш аср олдин Қозон хонлигида содир бўлган қайғули ҳодисаларни эслатмоқда. Ўшанда Ислом уммати стратегик муҳим бўлган шаҳарлардан бирини – Қозонни бой берган эди. 1552 йилнинг октябрида Иван Грознийнинг 150 минглик қўшини 41 кун ҳимояланган шаҳарни қаттиқ ҳужум билан босиб олган. Шаҳарнинг мустаҳкамловчи девор ва миноралари сўнгги ҳарбий технологиялар ёрдамида портлатиб юборилган. Шаҳар шу жанг учун махсус ишлаб чиқилган катта тўплардан шиддатли равишда ўққа тутилган.

Қозонни турли манбаларга кўра 20 мингдан 30 минггача жангчилар ҳимоя қилганлар. Ҳимояга раҳбарлик қилганлардан бири ўша даврнинг энг машҳур имомларидан бири имом Қул Шариф эди, у махсус ҳарбий бўлим «полк» ка бирлашган ўзининг издошлари – унга ёш дарвешлар ва сўфийлар кирган – билан биргаликда мадрасага чекинган ҳолда ҳимояланган. Кофирлар уни томга қисишган, у ўша ерда бўғизланиб, пастга улоқтирилган. Шундай қилиб, Қозон хонлиги давридаги атоқли шахслардан бирининг ҳаёти фожиали равишда якун топди.

Қозон батамом талон-тарож ва вайрон қилинди. Марказий масжиддан бирор тош ҳам қолмади. Тенг бўлмаган жангда барча ҳимоячилар ҳалок бўлдилар. Шоҳ Иван Грозний қолган барча эркакларни қириб ташлашни, аёллар ва болаларни қулликка олишни буюрди. Шаҳар ўша вақтдаги одатга кўра уч кунга жангчиларга талон-тарож учун берилди. Кофир босқинчилар ҳомиладор аёллар қорниларини ёрдилар, қарилар ва болаларни бошларини кесдилар, эркакларни Волгада чўктирдилар. Улар буни бутун дунё билиши ва Россиядан қўрқиши учун қилдилар.

Биз тарих такрорланаётганини кўрмоқдамиз, лекин энди бу Шомда бўлмоқда. Россиянинг яна бир подшоҳи Путин мусулмонлар шаҳри Ҳалабни қамал қилмоқда. Ўшанда Қозон мусулмонларини кофир босқинчилар билан яккама якка қолдирган мусулмон хонларининг тарқоқлиги кофирларнинг ғалабага эришишларига ёрдам берди. Бугун мусулмон гуруҳлар ва хоин ҳукмдорларнинг бу тарқоқлиги кофирларнинг Сурия шаҳарлари, хусусан Ҳалабни бомбалашига имконият бермоқда.

Ўз қўшинини сўнгги русумдаги ҳарбий технологиялар билан қуроллантирган Путин, Ғарблик дўстларининг розилиги билан Ҳалаб шаҳри аҳлини, аёллар, қариялар ва болаларни шафқатсизларча бомбардимон қилмоқда. Борбардировкалар, ўлдирилганлар ва яраланганлар ҳақидаги хабарлар ҳар куни бутун дунё бўйлаб ёйилмоқда. Охир-оқибат шаҳарни кофир босқинчилар босиб оладиган бўлса, тарих яна такрорланади, худди Ироқ, Афғонистон ва бошқа исломий юртларда бўлганидек. Ҳеч кимга сир эмаски, Сурия мусулмонларини жисмонан йўқ қилишдан мақсад уларни Рошид Халифалик давлатини қайта тиклаш лойиҳасидан воз кечишга мажбур қилишдир.

Ҳалабдан тортиб Қозонгача бўлган Уммат Сурия ҳудудида ҳам, бутун дунё бўйича ҳам тарқоқ гуруҳларнинг бирлашишига муҳтождир. Тарих кўрсатмоқдаки, мусулмонларга монголлар ҳужум қилганда, мусулмонлар фақат бирлашиш билангина қутурган душманга қарши тура олдилар. Ва яна мусулмонлар салибчиларга қарши Салоҳиддин бошчилигида бирлашганларида ғалаба қозондилар ва мусулмонлар ерларини босқинчилардан озод қилдилар. Биз Ислом Уммати бир танага ўхшаймиз, худди севимли Пайғамбаримиз Муҳаммад с.а.в. айтганларидек: Мўъмин мўъмин учун ҳудди бир бино кабидир, бири иккинчисини ушлаб туради. Бухорий ривояти.

Ва Қудратли Аллоҳ Ўз китобида айтади:

“Барчангиз Аллоҳнинг арқонини маҳкам тутинг ва бўлиниб кетманг”.

                                                                                                     (Оли Имрон. 103)

Эй Ислом Умматининг мард ўғлонлари! Эй муборак қўзғолоннинг жасур мужоҳидлари! Ораларингиздаги келишмовчиликларни бас қилишга шошилинг ҳамда Шомни мустамлакачилар ва уларнинг хизматкорлари бўлмиш хоин ҳукмдорлардан озод қилиш учун бирлашинг. Ҳизб ут-Таҳрирнинг исломий ҳаётни қайта бошлаш лойиҳаси атрофида бирлашишга шошилинг. Аллоҳнинг Ўзи ёрдамчимиз бўлсин!

Ҳизб ут-Таҳрирнинг Марказий офиси радиоси учун махсус

Ҳизб ут-Таҳрирнинг Марказий Матбуот Бўлими ходими Элдор Хамзин

25.10.2016