بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ҳалаб, Аракан ва Фаластин учун ечим Европа Иттифоқи ҳамда Шанхай Ҳамкорлик Ташкилоти эмас

Бунинг ечими фақат рошид Халифаликдир

Президент Эрдўған Ўзбекистондан қайтаётиб, Европа Иттифоқи йўли ҳақида бундай деди: «Мисол учун, мен ўзимга – нега Туркия Шанхай Ҳамкорлик Ташкилоти (ШҲТ)нинг бир қисми бўлмайди, деган саволни бердим. Мен буни Путинга ҳам, ШҲТнинг бошқа аъзоларига ҳам айтдим. ШҲТга аъзо бўлиш айни йўналиш бўйича ҳаракатланиши учун Туркия олдида кўплаб имкониятлар очади. Европа Иттифоқи бизни аъзо қилишни 53 йилдан бери пайсалга солиб келяпти, шунга рози бўлиш мумкинми?».

Эрдўғаннинг ШҲТ тўғрисидаги баёноти янги бўлса-да, бироқ аслида, 2013 йилдаги баёнотидан фарқ қилмайди. Ҳар сафар Европа Иттифоқи билан муносабати ёмонлашганда Эрдўған ШҲТдан Европа Иттифоқини алдашда фойдаланади.

Кеча Европа Иттифоқига аъзо бўлишга йўл очган битимга имзо чекиш билан «Европа фотиҳи», дея аталган Эрдўған бугунга келиб, бундан воз кечяпти. Ушбу илмоний демократик давлат ташкил топганидан буён Европа тараққиёти, ривожланиши, қудрати ва тубан қадриятларига ҳавас билан қараб, бугунги аср маданияти даражасига етишишимизнинг ягона йўли Европа турмуш тарзини татбиқ қилишдир, деб келди. Бироқ Европа давлатлари Туркия аҳолиси мусулмон бўлгани сабабли уни Европа Иттифоқига 53 йилдан бери аъзо қилмай келишяпти. Ҳар сафар Эрдўған Европа Иттифоқига норозилик билдириш мақсадида ШҲТни дастаклайди ва шу орқали Европа Иттифоқига альтернатив борлигига ишора қилади. Лекин бу масала худди сув ичиш учун саробга чопиш билан баробар!

Шубҳасиз, Европа Иттифоқи Ислом душманидир. Бу Иттифоқ фақат мусулмонлардан фойдаланишга ҳаракат қилади, Туркияни ўзига бозор, деб ҳисоблайди. Европа давлатларининг Ўрта Шарқ ва Африкада мусулмонларга қарши қандай ифлос қилмишлар ва жиноятлар содир этаётгани ҳеч кимга сир эмас. ШҲТ давлатлари ҳам шундай аҳволда эмасми?! Қандай қилиб буни мусулмонлар учун ечим, деб ҳисоблаш мумкин?! Европа Иттифоқи ҳам, ШҲТ ҳам Ислом ва мусулмонларга ўзида қанчалик душманлик туйғусини тугиб келишини ҳамма биладику?! Бу тоғутлар сафида туриш Осиёдаги мазлум мусулмонларга нисбатан хоинлик эмасми?! Ёки сиз Эрдўған Европа Иттифоқи ўрнига қўшилмоқчи бўлаётган ўша раҳбарларнинг қилмишларини ҳақиқатдан ҳам билмайсизми?! Ҳар куни Ҳалабни бомбардимон қилаётган, Қримни босиб олган Россия эмасми?! Шарқий Туркистондаги мусулмон биродарларимизга қарши этник тозалаш амалиётлари ўтказаётган Хитой эмасми?! Эркакларни соқол қўйганлари учун жазолаётган, муслималарни шаръий либосдан ман этаётган Тожикистон эмасми?! Жамоат жойларида намоз ўқишни тақиқлаган Қозоғистон эмасми?! Мусулмонларни қамоққа тиқиб, умрбод у ердан чиқармаётган Ўзбекистон эмасми?! Ислом ва мусулмонларга душман раҳбарлар сафида мана шундай ташкилотга аъзо бўлиш ўшаларнинг шайтанатида иштирок этиш, демакдир.

Мусулмон турк халқи учун на Европа Иттифоқи ечим бўлсин, на ШҲТ. Олти йилдан бери осмонидан бомба ёғаётган Сурия учун ҳам, роҳинга мусулмонлари бутпараст жиноятчи тўдалар томонидан ҳар куни қирғин қилиниб, азоб-уқубатларга солинаётган Аракан учун ҳам, азон айттирмасликка ҳаракат қилинаётган Фаластин учун ҳам бугун фақат битта ечим бор, у ҳам бўлса, Пайғамбарлик минҳожи асосидаги рошид Халифалик давлатидир. У – байроғи аждодларимиз қўлида кўтарилган ва яқинда барча мусулмонларни битта байроқ остига бирлаштиражак Халифаликдир!

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org