بسم الله الرحمن الرحيم

Суриядаги уруш –ҳазоратлар тўқнашувидир

Хабар:

Собиқ Совет Иттифоқининг Горбачёв президентлиги даврида халқаро маслаҳатчи бўлган ёзувчи Владимир Федоровский Европа, АҚШ ва Россия ўртасидаги алоқаларнинг янги йўналишидан хурсанд эканини билдирди, унинг фикрича, улар “Исломга қарши жаҳон урушида тенги йўқ  иттифоқчилар бўлиб ҳисобланадилар”. Бу ҳақида «Le Temps» нинг 24 ноябрда чоп этилган интервьюсида айтиб ўтди.

Яна у “Учинчи жаҳон уруши остонасидан узоқлашувдаги тарихий имкониятни” ғарб давлатлари, афтидан, Дональд Трамп (АҚШнинг янги сайланган президенти) ва Франсуа Фийон  (Франциянинг кейинги президенти бўлиши эҳтимоли бор) каби Владимир Путин билан яқинлашишга чақираётган раҳбарларни танлашга тайёр эканликлари билан изоҳлади.

“Агар Россия ўтган йили катта куч билан (Сурия низосига) аралашмаганида, бугун “Жабҳат ан-Нусра” Дамашқда ҳокимият тепасига келган бўлар эди… Уруш қурбонларсиз бўлмайди. Мен Сурияда сулҳ тузилишига ишонаман ва умид қиламан, лекин у Россияга яқинлашиш билан бошланиши керак”, – дея сўзини якунлайди Федоровский.

Изоҳ: Бу баёнот – Сурия низосининг туб моҳиятини очиб бераётган биринчи баёнот эмас, унинг моҳияти эса икки ҳазорий лойиҳа: Ислом ва динни ҳаётдан ажратиш позициясида турадиган капитализм ўртасидаги тўқнашувдир.

Бу – ўз турмуш тарзини шакллантиришда халқлар ҳуқуқларини гўёки тан оладиган демократияни мақтовчиларга туширилган тарсакидир. Мана, Сурия халқи ўз ақидасига кўра ва Исломга мувофиқ яшашни истади, бунинг учун “демократик давлатлар” ҳатто ўзларининг халқаро меъёрларида ҳам тақиқланган қуролларни ишга солиб, уни ўлдиришга, қувиб солишга, очлик, совуқ ва олов билан тинкаларини қуритишга киришдилар.

Ғарб Умматдан уни куч манбаи бўлган исломий бошқаруви, армияси ва табиий бойликларини “юлиб” олди, шундан сўнг Уммат ҳимоясиз қолди, унга нисбатан хоҳлаган ишини қилаётган жиноятчи Ғарб билан бирга бир қолди.

Эй қувват эгалари, бу курашда сиз қаердасиз? Сиз –  Ғарб фалажлаб қўйган Умматнинг энг муҳим унсурисиз. Сиз – бизнинг оиламиз ва биродарларимизсиз, биз ҳам – сизнинг оилангиз ва биродарларингизмиз! Сиз Умматга қайтсангиз, кураш Ислом ва мусулмонлар фойдасига ҳал бўлади.

Ҳар куни шаҳидларнинг янги карвони олдингиларига уланмоқда. Биз ҳар куни сиз қачон Аллоҳдан қўрқиб, қачон Унинг душманларини қўрқитишингизни кутамиз! Биз ҳар куни қачон Роббингизга тавба қилиб, кенглиги еру осмонча бўлган жаннатга ошиқишингизни кутамиз! Аллоҳ сизларга раҳм қилсин!

Ҳизб ут-Таҳрирнинг Марказий ахборот офиси учун махсус

Муҳаммад Бо Азизий

1 Раббиул аввал 1438ҳ

30.11.2016й