Аббос Фаластин аҳлига душман, АҚШга ва яҳудийлар давлатига эса тобе эканини яна бир бор исботлади
بِسْمِ اللهِ الرَّحْمنِ الرَّحِيمِ
Роя газетаси:
Аббос Фаластин аҳлига душман, АҚШга ва яҳудийлар давлатига эса тобе эканини яна бир бор исботлади
Ҳижрий 1438 йил 18 Рамазон, милодий 2017 йил 13 июн сешанба куни «Дуня Ватан» сайти қуйидаги хабарни чоп этди:
«АҚШ ташқи ишлар вазири Рекс Тиллерсон конгресс йиғилишида, Фаластин режими шаҳид ва асирлар оилаларини нафақа билан таъминлашга оид сиёсатини ўзгартирганини таъкидлаб, жумладан, бундай деди: «Фаластин режими раҳбари турли амалиётлар содир этишда айбланганлар оилаларига нафақа бериш масаласини ўзгартирди ҳамда қотиллик амалиёти содир этганлар оиласига нафақа беришни тўхтатиш ниятида эканини билдирди».
Сўнг «шуни таъкидлашим мумкинки, бу мавзу Фаластин режими раҳбари Маҳмуд Аббоснинг Америка сафари чоғида президент Дональд Трамп томонидан ўртага ташланди», дея сўзини давом эттирди.
Тиллерсон Аббоснинг май ойи бошларида Оқ уйда Трамп билан учрашганини таъкидлади. Ўшанда Оқ уй маъмурияти матбуот воизи Шон Спайсер Аббос сафари охирида Трампнинг у билан шаҳидлар ва асирлар оилаларига тўланаётган нафақа пуллари ҳақида суҳбатлашганини айтганди.
Тиллерсоннинг қўшимча қилишича, унинг ўзи ҳам Аббос билан учрашган ва унга қотиллик амалиётлари содир этганлар оилаларига нафақа тўлашни тўхтатиш лозимлини айтган, Фаластин режими ўз сиёсатини ўзгартириб, шундай қилиш ниятини билдирган».
Роя газетаси шарҳи:
Бошқа томондан, буни «Явмул ихбория» ахборот агентлиги сайтида ҳижрий 1438 йил 11 Рамазон, милодий 2017 йил 6 июн сешанба куни нашр қилинган мана бу хабар ҳам тасдиқлаб турибди: «Асирлар ва озод этилганлар ишлари бўйича комиссиянинг таъкидлашича, Рамаллоҳ молия вазирлиги яҳудийлар давлати қамоқхоналаридан озод этилган ўнлаб муҳбуслар оилалари маошларини тўхтатишга қарор қилди».
Комиссия матбуот вакили Ҳасан Абдуроббиҳ «Қудс Пресс»га берган интервьюсида, 270 нафар озод этилган фаластинликлар маошининг тўхтатилиши, молия вазирлиги билан ҳукумат қарори асосида бўлганини, бунга «комиссиянинг алоқаси йўқ» эканини таъкидлади.
Ғазо секторида бир гуруҳ озод этилганлар, сешанба куни қонунчилик палатаси қароргоҳида матбуот конференцияси ўтказиб, уларнинг маошлари «дахл қилиб бўлмас ҳақлари» эканини таъкидладилар ҳамда ҳукуматдан айни қарорни қайта кўриб чиқишни талаб қилдилар.
Озод этилганлар номидан Абдураҳмон Шадид бундай деди: «Озод этилганларга «аҳрорларга вафо қилиш» битими асосида тўланаётган маошларни Фаластин режими томонидан узиб қўйилиши адолатсиз қарордир ҳамда озод этилганлар ва оилалирининг яхши яшаш ҳуқуқларини очиқдан-очиқ бузишдир, бундай қарор сионистлар билан америкаликлар талабларини қабул қилиш ҳисобланади».
Сўнг Шадид бу қарорнинг барча гуруҳлардаги барча асир ва озод этилганларни ҳам ўз ичига олувчи катта қарорнинг муқаддимаси бўлишидан огоҳлантирди, барча инсонлар ягона миллий сафга тизилмоқлари ва «бундай ахлоқсиз зўравон қарорга қарши курашмоқ»лари лозим, деди.
Режимнинг асирликдан озод этилган талай миқдордаги кишиларни нафақадан маҳрум этиши бу кимсанинг ҳатто шаҳидлар ва асирлар ҳисобига бўлса ҳам, Трамп ва яҳудийларни рози қилиш билан бўлса ҳам, АҚШнинг ҳар бир режасини оқизмай-томизмай адо этаётганини тасдиқлади! Аббос режими бу ишни яширинча қилишга уринаётган бир вақтда, Аббоснинг ўзи зимдан асир ва шаҳидларни «террористлар», дея сифатлаш билан ўзини Америка ва унинг раҳбари Трампнинг содиқ қули эканини исботлаб қўйди… Кошки Америка ва Трамп ундан рози бўлса!
Роя газетасининг 2017 йил 21 июн чоршанба кунги 135-сонидан
