Ўзбекистоннинг таълим, медиа ва бошқарувида Ғарбнинг «юмшоқ» мустамлакачилигини илдиз отиши

بِسْمِ اللهِ الرَّحْمٰنِ الرَّحِيمِ

2026 йил 24 август куни Ўзбекистон Масс-медиа фонди Европа Иттифоқи (ЕИ) делегацияси ва Президент Администрацияси ҳузуридаги Контент тайёрлаш маркази билан биргаликда «миллий медиа истеъмоли» тадқиқотини бошлаганини эълон қилди. Зоҳиран аҳолининг ахборот манбаларига ишончини ўрганишдек кўринган бу тадқиқотдан сўнг, йиғилган маълумотлар асосида журналистлар, ёшлар ва давлат матбуот хизматлари учун «семинарлар ва ахборот кампаниялари» ўтказиш режалаштирилган.

Бироқ бу шунчаки оддий «ижтимоий сўровнома» эмас! Бу аҳолининг онги ва дунёқарашини қайси йўналишда қайта ишлаш (манипуляция қилиш) мумкинлигини хариталашдир. Бу хабарнинг хавфли сиёсий башараси уни таълим ва бошқарув соҳасидаги бошқа Ғарб лойиҳалари билан ёнма-ён қўйганда яққол очилади.

Британия ўзининг халқаро таълим сиёсатидаги мустамлакачилик мақсадларини ҳеч қачон яширмаган. Ҳукуматнинг 2026 йил 20 январдаги Халқаро таълим стратегиясида таълим экспортини 2030 йилгача йилига 40 миллиард фунтга етказиш ва Марказий Осиёга мўлжалланган AEAR–CA дастури орқали минтақадаги геосиёсий рақибларига қарши таълимни инструмент сифатида ишлатиш очиқ айтилган.

Ўзбекистонда бу хавфли сиёсат миллий кадрлар тайёрлаш тизимининг энг марказига кириб бормоқда:

Кадрларни мажбурий қолиплаш: Олий таълим вазирлиги 2026 йил 24 июнда British Council томонидан ишлаб чиқилган PRESETT дастурини мамлакатдаги сийқаси чиққан педагогика олийгоҳларига жорий этиш келишувини имзолади. Британиянинг FCDO ҳисоботига кўра, Ўзбекистондаги барча фан ўқитувчилари учун «100 соатлик» касбий ривожланиш дастури татбиқ этилган.

Қадриятларни вайрон қилиш ва БУЗУҚЛИКНИ сингдириш: British Council’нинг AELLCA тавсифида очиқдан-очиқ айтилишича, бу дастурлар шунчаки «инглиз тилини ўргатиш» эмас, балки гендер тенглиги, феминизм ва Ғарбнинг либерал «қадриятлари»ни ўқув дастурлари, ўқитувчилар онги ва синфхоналарга мажбуран сингдиришни кўзда тутади! Бу — мусулмон фарзандларини ўз ахлоқи, оилавий қадриятлари ва Исломий эътиқодидан узишга қаратилган фикрий диверсиядир!

Университетларни ташқи назоратга топшириш: 2026 йил 22 июнда Британиянинг QAA агентлиги экспертлари иштирокида Ўзбекистондаги олийгоҳларни бошқариш қоидалари лойиҳаси тайёрланди. Бу дегани — эртага олий таълимнинг мазмуни ва йўналишини Тошкент эмас, Лондон белгилашини англатади!

Европа Иттифоқи ҳам «инсон ҳуқуқлари», «демократия» ва «грантлар» ниқоби остида ички бошқарув ва ахборот майдонимизни тўлиқ эгаллашга ўтмоқда.

«DW Akademie» ва «EU Tabassum» лойиҳаси: Бу лойиҳа доирасида грант олган маҳаллий OAV ва журналистлар, гарчи ўзбек тилида материал тайёрлашса-да, тайёрланган ҳар бир мақола ва кўрсатув ЕИнинг сиёсий кўрсатмаларига ва грант мақсадларига зид келмаслиги менторлар (бу Ғарб грантини олган маҳаллий журналистлар мустақил фикрлаб кетмаслиги ва айнан «буюртмачи» талаб қилган ғояларни (либерал қадриятларни) тарғиб қилишини таъминлаб турувчи Ғарбнинг фикрий ва мафкуравий назоратчиларидир) томонидан қаттиқ назорат қилинади. Бу — мустақил медиа эмас, балки Ғарб пулига сотиб олинган ва уларнинг пропагандасини ўзбек тилида халқнинг миясига қуядиган малай медиа тармоғини яратишдир!

Давлат бошқарувини топшириб қўйиш: ЕИнинг 2024-2029 йилларга мўлжалланган Давлат хизматлари ва маҳаллий бошқарувни «такомиллаштириш» дастурининг лойиҳа ҳужжатига (27-28-бетлар) кўра, Кенгашга Адлия вазирлиги ҳамраис бўлса-да, агар келишмовчилик чиқса, якуний қарор ваколати БМТ Тараққиёт дастурининг вакили ва ЕИ делегациясига берилган! Ўз адлия вазирлигини халқаро ташкилот вакилига бўйсундириб қўйиш —суверенитетдан очиқчасига воз кечишдир!

Бу далиллар шуни кўрсатадики, Ғарб давлатлари (Британия ва ЕИ) ўз сиёсий, маданий ва иқтисодий манфаатларини юртимизда ошкора юритмоқда.

Бу жараёнда ўзбек режими бевосита шерик ва айбдордир! Хориждан кириб келаётган қайтарилмайдиган миллионлаб долларлик грант ва кредитлар эвазига режим мамлакатнинг таълим тизими, ахборот майдони ва давлат бошқаруви ваколатларини Ғарб институти ва агентликларига сотмоқда!

Бунинг оқибатида:

• Халқ ва келажак авлод Исломий ахлоқ ва ўзлигидан маҳрум бўлиб, Ғарбнинг либерал ботқоғига батамом ботади;
• Журналистлар ва зиёлилар Ғарб грантларига қарам «фикр юритувчи қулларга» айланади;
• Давлатнинг стратегик қарорлари юрт ичида эмас, Брюссел ва Лондонда қабул қилинадиган бўлиб қолади.

Исломда таълим, ахборот ва бошқарув — Умматнинг келажагини белгилайдиган ва Аллоҳ олдида ҳисоб бериладиган омонатдир. Мусулмонларнинг фарзандлари, ўқитувчилари ва жамиятини кофир Ғарбнинг маданий тажовузи ва сиёсий назоратига топшириб қўйиш — Шариат бўйича катта жиноят ва мустамлакачиликка йўл очишдир!

Аллоҳ таоло айтади:

وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ

– “Яҳудий ва насронийлар уларнинг динига (йўлига) эргашмагунингизча, сиздан ҳеч қачон рози бўлмайдилар”. (Бақара:120)

Ягона оқилона ва шаръий ечим — таълим, медиа ва бошқарув сиёсатини Ғарбнинг грантлари ва диктатидан тўлиқ халос этиш ҳамда уларни Ислом ақидаси ва Уммат манфаатига бўйсундиришдир!

Бизга Ғарбнинг сунъий «стандартлари» ёки либерал «қадриятлари» эмас, балки мустақил саноат, холис исломий таълим ва кучли давлат бошқаруви керак. Бу мақсадга эса фақат ва фақат мусулмонларнинг маблағи, илми ва сиёсий иродасини бирлаштирувчи, Умматни фикрий ва сиёсий мустамлакачилик занжирларидан озод қилувчи одил исломий бошқарув — Халифалик давлатини барпо этиш орқали эришилади!

Салоҳиддин

08.10.2026й