بِسْمِ اللهِ الرَّحْمٰنِ الرَّحِيم

Эй Уммат уламолари!

Ҳақни гапириш ажални яқинлаштирмайди ёки ризқни камайтирмайди

Абу Дардо РА Росулуллоҳ САВнинг бундай деганларини ривоят қилади:

«إِنَّ الْعُلَمَاءَ وَرَثَةُ الأَنْبِيَاءِ»

«Уламолар анбиёлар меросхўридир». (Абу Довуд ва Термизий ривояти).

Аллоҳ Субҳанаҳу ва Таоло сиз уламолар мартабасини юксак қилиб, зиммангизга улкан масъулият юклагани учун, зора, ҳақ устида турганлардан ва Аллоҳ Субҳанаҳу ва Таолодан ўзга ҳеч кимдан қўрқмайдиганлардан бўлайлик деган умидда, биз Сиз уламоларга мурожаат қилишга қарор қилдик.

Биродарлар ва фазилатли уламолар!

Уламолар имон, илм ва амалларда, ҳақ сўзни айтиш йўлида журъатли позиция эгаллашда анбиёларга ворис бўлдилар. Бироқ, айни шу даврда бундай уламолар қаерда қолди? Бугун, Анбиёлар меросхўрлари қани?

Аммо мозийимизда уламоларимиз мукаммал илмлари ва динни чуқур тушунишлари билан шуҳрат топганлар. Бу уларни ҳақиқий буюк шахсларга, ҳақни гапиришда шижоатли позицияда турадиган, ўз даврларидаги хато-камчиликларга қарши сабот билан курашадиган инсонларга айлантирди. Мисол учун:

Абдуллоҳ ибн Аббос РА хаворижларга қарши қаттиққўллик билан турди;

Саид ибн Жубайр РА Ҳажжож ибн Юсуф туғёнига шижоат билан турди;

Суфёни Саврий РА Ҳорунар Рошид мактубини рад этибгина қолмай, ҳатто уни қўлига олишни ҳам истамади. Чунки у мактубни золимдан келди, деб ҳисоблади. Ёнидаги ҳамроҳларидан биридан мактуб орқасига «амирул мўмининга», деб ёзмасдан «Ҳорунга», деб ёзишни илтимос қилди ҳамда «қисқача қилиб айтганда, сен мусулмонлар мол-мулкларини ўзинг истагандек тасарруф қилишга қарор қилибсан, шу боис золимсан, мен сенга қарши гувоҳлик бераман», деб ёздирди.

Абу Ҳанифа РА умуман олганда, Мансурнинг раҳбар бўлишига рози эмас эди. Бур куни қамоқдалик пайтида волидаси келиб, «Эй Нўмон, бу маърифат сенга ҳеч фойда бермади, фақат калтак ва қамоқ олиб келди. Бас, ундан воз кечишинг учун шунинг ўзи кифоя», дейди. Шунда Абу Ҳанифа бундай жавоб қилади: «Эй волидам, агар олимнинг ўзини истаганингизда, албатта бунга эришган бўлардингиз. Аммо мен Аллоҳ Субҳанаҳу ва Таоло томонидан менга ато этилган илмни муҳофаза қиламан ва шу маърифат билан ўзимни жаҳаннамга топширмайман».

Аҳмад ибн Ҳанбал РА қамоқда ётганда амакиси уни Мўътасим раъйига мухолиф бўлишни бас қилишга тарғиб қилади. Шунда у бундай жавоб қилади: «Агар уламолар ҳақни гапирмаса, натижада инсонлар ҳақни билмай узоқлашиб кетса, қандай қилиб ҳақ танилиши мумкин?!».

Булар бизнинг мозийдаги буюк уламоларимиз позициялари денгизидан бир томчи, холос. Хўш, бугунги буюк уламоларимиз қайдасиз? Умматнинг ҳозирги масалалари олдида қандай позиция тутасиз? Имом Ғаззолий Gнинг «Одамларнинг бузилиши ҳукмдорлар бузилишига сабаб, ҳукмдорлар бузилиши эса уламолар бузилишига сабабдир», деган гапига нисбатан қандай позиция тутасиз? Шунингдек, Аллоҳ Субҳанаҳу ва Таолонинг ушбу каломига нисбатан қандай позиция тутасиз?:

وَإِذْ أَخَذَ اللَّـهُ مِيثَاقَ الَّذِينَ أُوتُوا الْكِتَابَ لَتُبَيِّنُنَّهُ لِلنَّاسِ وَلَا تَكْتُمُونَهُ

«Эсланг, Аллоҳ аҳли китоблардан «албатта у Китобни одамларга очиқ баён қилурсизлар ва яширмайсизлар!» – деб аҳд-паймон олган эди» [Оли Имрон 187]

Инсонлар уламосиз қолсалар, жаҳолатда зое кетадилар ва инсу жин шайтонларнинг ўлжаларига айланадилар. Бинобарин, Уламоларнинг борлиги ер юзидаги инсонлар учун Аллоҳ Субҳанаҳу ва Таолонинг неъматидир. Улар зулматдаги чироқ, ҳидоят имомлари ҳамда Аллоҳ Субҳанаҳу ва Таолонинг борлигига бўлган ер юзидаги далилдирлар. Уламолар орқали хато фикрлар рад этилади, инсонлар қалблари ва ақлларидан шубҳа булутлари тарқалади. Дарҳақиқат, уламоларни Росулуллоҳ САВ само юлдузларига ўхшатиб бундай деганлар:

«إِنَّ مَثَلَ الْعُلَمَاءِ فِي الأَرْضِ كَمَثَلِ نُجُومِ السَّمَاءِ، يُهْتَدَى بِهَا فِي ظُلُمَاتِ الْبَرِّ وَالْبَحْرِ، فَإِذَا انْطَمَسَتِ النُّجُومُ يُوشِكُ أَنْ تَضِلَّ الْهُدَاةُ»

«Уламолар худди самодаги юлдузлар кабидир. Қуруқлигу денгиз зулматларида шу уламолар орқали йўл топилади. Агар юлдузлар сўнгудек бўлса, йўлга етакловчилар йўлдан озишлари мумкин». (Имом Аҳмад ривояти).

Аллоҳ Субҳанаҳу ва Таоло зиммангизга юклаган ушбу масъулиятдан келиб чиқиб, биз биродарларингиз буюк уламоларимиз юрган йўлга қуйидагиларга асосан эргашишингиз мумкинлигини эслатмоқчимиз:

Ислом оламидаги уламолардан ҳисоб талаб қилиш. Улар Умматга бевосита адоват қилаётган тоғут Асад ва Сисий бўладими ёки Яманда ҳаво ҳужумлари орқали ака-укаларимиз ва опа-сингилларимизни бомбардимон қилаётган Саудия ҳукмдорлари бўладими, фарқи йўқ. Сиз бу хоинларга қарши ҳақ сўзни баралла айтмоғингиз даркор.

Мустамлакачи кучларнинг Умматга ва инсониятга бўлган хавфини фош этиш. Телеюлдуз Дональд Трампнинг сайланиши орқали Аллоҳ Субҳанаҳу ва Таоло бизга либерал илмоний элитанинг коррупция ва сиёсатларини фош қилиш имконини берди. Ўз кўзларимиз билан кўриб турибмиз, бу мустамлакачи кучлар – АҚШ, Биртания ва Россия – хусусан, Ислом Умматига ва бутун инсониятга қарши яширину ошкор тил бириктиришяпти. Бу тил бириктирувлари Жанубий Дакотадаги фуқароларга ҳужум қилиш билан бўладими ёки ҳамон Ироқ ва Сурияга бурун суқишларида бўладими, фарқи йўқ. Иқтисодий, сиёсий ва ҳарбий сиёсатлари башариятни ҳам, ҳайвонотни ҳам, атроф-муҳитни ҳам кўплаб қашшоқликларга, машаққатларга гирифтор қилди. Агар сиз уламолар айни сиёсатни инкор қилмасангиз, Уммат ва инсониятни ҳаққа ким етаклаши мумкин?!

Ушбу насиҳатимизни ҳабибимиз Муҳаммад Мустафо САВнинг ҳадислари билан тугатмоқчимиз:

«أَلَا لَا يَمْنَعَنَّ أَحَدَكُمْ رَهْبَةُ النَّاسِ، أَنْ يَقُولَ بِحَقٍّ إِذَا رَآهُ أَوْ شَهِدَهُ، فَإِنَّهُ لَا يُقَرِّبُ مِنْ أَجَلٍ، وَلَا يُبَاعِدُ مِنْ رِزْقٍ، أَنْ يَقُولَ بِحَقٍّ أَوْ يُذَكِّرَ بِعَظِيمٍ»

«Огоҳ бўлингки, бирортангиз ҳақни кўрса ёки гувоҳи бўлса, одамлардан қўрқиб, уни айтишдан воз кечмасин. Чунки ҳақни гапириш ёки гуноҳи азимни эслатиш ажални ҳам яқинлаштирмайди, ризқни ҳам узоқлаштирмайди». (Имом Аҳмад, Ибн Ҳиббон, Ибн Можа ривояти).

Буюк Аллоҳдан қадамларимизни собит қилишини ва қиёмат куни барчамизни ака-ука ва опа-сингиллар сифатида тирилтиришини сўраб қоламиз.

Ҳизб ут-Таҳрир                                                            25 робиул-аввал 1438ҳ

Канада                                                                                   24 декабр 2016м