Адолатсизлик ва унга қарши кураш

بِسْمِ اللهِ الرَّحْمٰنِ الرَّحِيم

Бу гап ҳар бир мусулмоннинг қалбида мужассам бўлмоғи ҳамда қасд ва шаҳд билан отилиб чиқмоғи лозим. Лекин аслидачи, бугун мусулмонларнинг барчасида шундай қасд ва шаҳдни кўряпсизми?! Адолатсизликларга қарши курашаман, десангиз, биринчи бўлиб сизни қайсидир мусулмон тўхтатишга ҳаракат қилади. Тўғри, баъзи инсонлар сиз танлаган усулга қарши бўлиб, бошқа усул орқали курашиш таклифини киритар, лекин аксари айнан шу курашингизга қарши эканлигини айтади. Мисол учун: бошқалар жим туриб, рози бўлишяптику, сен ҳам оғзингни юмиб юравер. Курашганинг билан бефойда, ҳаммаёқ адолатсизликларга тўла ва адолатсизлар жуда кучли, сени янчиб ташлашади… Бу каби гаплар адолатсизлик билан курашишингизга тўсиқ қўйиш мақсадида янграмоқда. Афсуски, сизнинг таклифингизга “лаббай” деб жавоб бериб, мардларча ҳаракатни бошла биродарим, мен сени ёнингдаман, дейдигани кам топилади.

Аслида, сизда адолатсизликларга қарши курашиш иштиёқи ва ҳаракат қасди пайдо бўлганми?! Сиз учун адолатсизлик ўзи нима? Бу саволни берилишидан мақсад бор. Яъни сиз адолатсизлик, дея адолатга қарши бўлиб, адолат дея адолатсизлик томонида турган бўлишингиз мумкин. Буни аниқлаш учун сизда ўлчов борми? Агар сиз ҳар қандай қонун-қоидаларга риоя қилиш адолат, уларга риоя қилмаслик адолатсизлик, деб ўйлаётган бўлсангиз, унда бу фикрингиз устида янада теранроқ ўйлаб кўришингизни таклиф қиламиз. Сабаби шундай қонун-қоидалар борки, улар асос жиҳатидан ҳам ва уларнинг муаммоли вазиятлар учун берган ҳукмлари ҳам бир-биридан фарқ қилади ва ҳатто зид келади. Бундан кўринадики, улардан қайсидир бири хато. Демак, биз қонун-қоидаларнинг қайси бири тўғри-ю, қайсиниси нотўғри эканлигини билиб олишимиз керак.

Қонун-қоидаларнинг тўғри ва нотўғрисини ажратиб олсаккина адолат ва адолатсизликни ажрата оламиз. Шундагина биз ҳаётдаги воқеликларни қайси бири адолатли ва қайси бири зулм эканлигини биламиз. Шундагина биз ҳақиқий маънода адолатсизлик, яъни зулмга қарши курашиш учун бел боғласак бўлади.

Ислом Яаратувчи томонидан бандаларига берилган диндир. Демак, Ислом шариати ҳар доим шубҳасиз тўғридир. Агар бу дин Шариатига қайсики нарса зид келса, демак, ўша зид келган нарсанинг ўзи нотўғридир. Демак, Ислом адолат мезони. Ислом айнан адолатнинг ўзи. Ислом томон бўлиш адолат томон бўлишдир, Исломга қарши бўлиш зулм томон бўлишдир, бундай инсон икки дунё хорлигига гирифтор бўладиган инсондир!

Ҳизб ут-Таҳрирнинг Ўзбекистондаги медиа офиси. Абдуллоҳ

19.01.2020й