“Инсоннинг ноқис конституциясига – ЙЎҚ! Қуръон ва Суннат асосидаги дастурга – ҲА!” номли кампания доирасида

Аллоҳни қўйиб демократияни илоҳ қилиб олманг!

بسم الله الرحمن الرحىم

Адий ибн Ҳотим ривоят қилади: мен Росулуллоҳ ﷺнинг Бароат сурасини ўқиётганларини эшитдим. Суранинг

اتَّخَذُواْ أَحْبَارَهُمْ وَرُهْبَانَهُمْ أَرْبَابًا مِّن دُونِ اللّهِ

“Улар Аллоҳни қўйиб ўзларининг донишмандларини ва роҳибларини Парвардигор деб билдилар”, деган оятини ўқигач, мен «ё Росулуллоҳ, улар донишманд ва роҳибларига сиғинмаганлар-ку! дедим. Шунда ул зот марҳамат қилдилар:

» صَدَقْتَ، وَلَكِنْ كَانُوا يُحِلُّونَ لَهُمْ مَا حَرَّمَ اللهُ فَيَسْتَحِلُّونَهُ، وَيُحَرِّمُونَ مَا أَحَلَّ اللهُ لَهُمْ فَيُحَرِّمُونَهُ«

«Ҳа, тўғри. Лекин роҳиблар Аллоҳ ҳаром қилган нарсани ҳалол қилиб берганда, уни ҳалол деб билишар, Аллоҳ ҳалол қилган нарсани ҳаром қилиб берганда, уни ҳаром деб билишар эди (мана шу донишманд ва роҳибларини илоҳ қилиб олганликларидир)» дедилар.

Олимлар юқоридаги оят ва ҳадисни қуйидагича шарҳлаб, ҳар қандай халқ муайян ишларни яхши ёки ёмон, чиройли ёки ҳунук, деб белгилаган низомни қабул қилиши, ўша тузумнинг ижодкорини Илоҳ деб билиш ҳисобланади, дейишган.

Шунга кўра, ҳаётдаги барча ишларни ўзининг асосидан келиб чиқиб баҳолайдиган демократик тузумни адолатли деб билиш ва унга эргашиш бу тузумнинг ижодкори бўлган “донишмандларни” ва уни татбиқ қилаётган кишиларни Илоҳ деб билиш ҳисобланади. Масалан, демократия ҳокимият Аллоҳники, деб қабул қилишни ёмон, мол-мулкка эришишда Исломнинг ҳалол-ҳаром ўлчовини асос қилмасликни яхши, инсонларнинг ахлоқий меъёрларини диний ўлчовлар асосида белгиланишини ёмон, шахсий эркидан келиб чиқиб эътиқодлар ва қадриятларни таҳқирлашни яхши, деб белгилаган. Бунга кўра муртадлик, зинокорлик, судхўрлик ва бошқа қилмишлар жоиз иш, деб қабул қилишни тақозо этади. Демократияга алданган кишиларга сиз Аллоҳни қўйиб демократияни Илоҳ деб биляпсиз дейилса, улар биз демократияга эътиқод қилмаймиз дейишади. Ваҳоланки, айни масала хусусида Аллоҳ оятдан нимани қасд қилганини Пайғамбаримиз Муҳаммад алайҳиссалом очиқ баён қилиб, Аллоҳ ҳаром қилган нарсани ҳалол қилиб берганда, уни ҳалол деб билиш, Аллоҳ ҳалол қилган нарсани ҳаром қилиб берганда, уни ҳаром деб билиш ўша ҳукмни чиқарганга ибодат қилиш ҳисобланади, деганлар.

Улар бутун борлиқни Аллоҳ яратганини ва ибодатга фақат Угина лойиқ эканлигини тасдиқлашади. Бироқ улар Аллоҳнинг инсон, жамият ва давлатга тааллуқли ишларга ҳукм туширувчи эканлигини қабул қилишмайди. Бу билан улар Аллоҳнинг ҳукм қилувчи сифатини инкор қилишиб, бу ҳаётда қандай яшашни ўзимиз ҳал қиламиз, дейишади. Улар дунё халқлари ва миллатларининг бойликларини ҳийла-найранг ва тажовуз йўли билан ўзлаштириб, исрофгарчилик билан ҳаёт кечираётган Ғарб жамиятларини демократияга намуна сифатида кўрсатишади. Ақлий қобилиятини йўқотмаган ҳар қандай инсон Ғарб жамиятлари моддий жиҳатдан ўсган бўлса-да, ахлоқий, инсоний ва руҳий жиҳатдан инқирозга юз тутганини англайди.

Кўп давлатлар қатори Ўзбекистон ҳам ишсизлик, қашшоқлик, ижтимоий муаммолар ва бошқа ҳал қилиниши зарур бўлган инқирозлар гирдобида қолган. Бу муаммолар динни ҳаётдан ажратишга асосланган тузум, шунингдек ёмон бошқарув натижасида келиб чиқяпти. Ҳар қандай муаммо инсондан ва унинг бошқалар билан бўладиган алоқаларидан келиб чиқади. Бу муаммоларга адолатли ечим бериш учун инсонлар масалаларини ва унга алоқадор барча масалаларни тўлиқ билиш талаб этилади. Муаммоларни олдини олиш ва юзага келган инқирозларни йўқотиш учун тузиладиган қонунларни инсон ақли ижод қилиши имконсиз нарса. Чунки инсонлар ақли чекланган бўлиб, барча масалаларнинг моҳиятини тўлиқ англашга қодир эмас. Шунинг учун ҳам инсонлар тарафидан ўйлаб топилган қонунлар ҳар қанча узоқ вақт ва кенг муҳокама қилинмасин, бу қонунларни бошқа инсонлар албатта ўзгартиради ёки ўзгартирилиши асосий баҳс мавзуси бўлиб қолаверади. Чунки бу қонунлар муаммоларни буткул ечмайди ҳамда инсонларни фаровон ва хотиржам ҳаёт билан таъминлай олмайди. Муаммоларни тўла-тўкис ечиб, уларни қайта юзага келмаслигини кафолатловчи ягона тузум – бутун борлиқни йўқдан бор қилган ва Ўзи яратган нарсаларини яхши билувчи – Аллоҳга тегишлидир. Давлат ҳокимияти Аллоҳники эканлиги динимиздан маълум. Бу тушунча мусулмонлар зеҳнига кириб бормаслиги учун ҳукумат муаллим сонини ўқишни ҳам таъқиқлаб келмоқда. Россия, Америка ва Европа тасдиғидан ўтиб халқимиз номидан ҳокимиятга ўрнашиб олган ҳукумат ҳокимият Шариатники бўлмаслиги учун Исломга қарши ваҳшийларча курашмоқда. Мусулмонларнинг тўғри йўл билан Исломни ҳокимиятга олиб келиши нафақат бу ҳукуматнинг зулм-зўравон сиёсатига ва мустамлакачилар ҳукмронлигига чек қўяди, балки ҳаётимизни фаровон ва саодатли бўлишини таъминлайди. Асосийси, бундай иш Аллоҳни рози қиладиган ишдир. Бунинг учун мусулмонлар устимизда татбиқ этилаётган демократик конституциялар мустамлакачилар ҳукмронлигини таъминловчи низомлар эканлигини, Ислом эса, мукаммал тузум эканлигини тушуниб етишлари зарур. Бу хусусдаги мақолалар, сиёсий таҳлиллар ва Исломий конституцияни батафсил баён қилган китоб ва бошқа материаллар расмий веб-сайтимизда http://hizb-uzbekiston.info/ нашр қилиб келинмоқда. Биз демократиядан юз ўгириб, Аллоҳгагина ибодат этишга даъват этиб, бу маълумотларни ўқиб ўрганишингиз ва бошқаларга ҳам етказишингиз зарурлигини таъкидлаймиз. Токи бу билан инсонлар тоғутларга қулликдан Аллоҳга қуллик сари йўналсин.

#Инсоннинг_ноқис_дастурига_ЙЎҚ_Қуръон_ва_Суннат_асосидаги_дастурга_ҲА

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

27.04.2023й

+2

0

Related posts:

Конституцияни амалдагисининг ҳам, янгисининг ҳам Ислом ва мусулмонларга ҳеч қандай алоқаси йўқ Конституцияни амалдагисининг ҳам, янгисининг ҳам Ислом ва мусулмонларга ҳеч қандай алоқаси йўқ Конституцияни амалдагисининг ҳам, янгисининг ҳам Ислом ва мусулмонларга ҳеч қандай алоқаси йўқ Референдумни қўллаш Исломга қарши курашни қўллашдир