بِسْمِ اللهِ الرَّ حْمَنِ الرَّ حِيمِ

Роя газетаси:

Араб давлатлари Лигаси халқаро ҳамжамиятни муборак Фаластин заминини босиб олишга чақирмоқда!

«Маан» ахборот агентлиги сайтида ҳижрий 1440 йил 7 робиул-аввал, милодий 2018 йил 15 ноябр пайшанба куни нашр қилинган хабарда бундай дейилади:

«Араб давлатлари Лигаси халқаро ҳамжамиятдан Фаластин халқига халқаро мудофаа тақдим этишни яна бир бор талаб қилди. Яҳуд вужудининг халқаро қонун ва нормаларни очиқчасига бузиб, халқаро ҳамжамият истакларини инобатга олмай, Фаластин халқига қарши ҳаддан ташқари ҳарбий кучдан фойдаланганини ва бегуноҳ инсонлар ҳаётини сариқ чақага олмаганини қоралади».

Роя газетаси шарҳи:

Араб давлатлари Лигаси анча вақт жим бўлиб кетгани сабабли одамлар бундай ташкилот борлигини деярли унутаёзганди. Чунки ушбу лига авваллари яҳуд вужудининг муборак Фаластин замини аҳлига қарши содир этаётган жиноятлари тўғрисида хижолат бўлибгина берадиган қоралов баёнотларини ҳам бермай қўйганди. Мана, яна тили чиқиб, улкан бўҳтон баёнотлар бера бошлади. Унга арабларнинг «бир аср гум бўлиб, сўнг тили куфр билан чиқди», деган мақоли мос келади!

Гап шундаки, халқаро ҳамжамиятнинг Фаластин аҳлини мудофаа қилишга чақириши яҳуд вужуди босқинчилигини янада мустаҳкамлашдан ўзга нарса эмас. Фақат илгаридан бу муборак заминга яҳудийлар босқинчилик қилиб келган бўлса, бу сафар унга давлатлараро бочқинчиликни қўшишмоқчи, холос. Бундан ташқари, халқаро қонунийликни ҳурмат қилишга чақириш муборак Фаластиндаги босқинчиликни қонунийлаштиришга ҳамда ушбу муборак замин ва унинг бойликларини босиб олган яҳуд вужудини тан олишга бўлган чақириқдир. Ушбу лиганинг вазифаси ҳеч бўлмаса, Фаластин атрофидаги давлатлар армияларини ушбу заминни озод этишга чақиришдан иборат эди. Бироқ, у тил бириктириш ва хоинлик қилишдан бошқа вазифани билмаяпти:

﴿وَقَدْ خَابَ مَنْ حَمَلَ ظُلْماً﴾

«Ким зулмни кўтариб келган бўлса, ноумид-расво бўлиши муқаррар»     [Тоҳа 111]

Роя газетасининг 2018 йил 21 ноябр чоршанба кунги 209-сонидан