بِسْمِ اللهِ الرَّحْمٰنِ الرَّحِيم

Эй Ислом уммати! Унутилган азизлигингиз, иззатингиз, шарафингизга 95 йил тўлди!

Ушбу санани эсга олинганда, қалбида озгина бўлсада иймон ҳарорати, дин ва уммат қайғуси бор ҳар бир мусулмон фарзандини қалбида бир оғриқ, бир маҳзунлик, чуқур изтироб пайдо бўлиши табиий ҳол. Сабаби, бундан тўқсон беш йил аввал бутун дунёда ўз ўрнига эга бўлган, “Усмонийлар давлати” номи билан машҳур бўлган Буюк Исломий Халифалик Давлати қулатилди. Яъни аср жиноятчиси номи билан тарихга битилган, хоин, золим, Ислом ва мусулмонлар душмани бўлган яҳудий Мустафо Камол ота Турк томонидан энг сўнгги халифа султон Абдулмажид уй қамоғига олиниб, ўша куни саҳар пайтида юртдан чиқариб юборилганини эълон қилди.

Ушбу кундан эътиборан бу умматга хотиржамлик, осойишта ҳаёт кечириш, ҳатто ўз юртида эътиқоди талаби билан кун кечириш орзуга айланди. Юртларимизга мустамлакачи кофирларнинг нуфузи билвосита ўрнатилди. Яъни Британия бошчилигидаги мустамлакачилар Ислом юртларини парчалаб, элликдан ортиқ майда давлатчаларга бўлиб ташлади. Мустамлакачи кофирлар бу давлатчаларнинг ҳар бирига ўз малайларини ҳокимликка тайин этиб, буйруқларини сўзсиз бажарадиган худбин кимсаларни елкаларимизга миндириб қўйди. Ушбу малай хоинларни асосий вазифалари, Халифаликнинг жаҳон сахнасига қайтишига йўл қўймаслик учун бутун куч ва қувватларини сарфлашдан иборат эди. Бир сўз билан айтганда, мустамлакачи кофирлар Ислом ва мусулмонларга қарши кек-адоватга тўла ифлос сиёсатини амалга ошириш учун малай ҳукмдорларни курашнинг энг олдинги чизиғига қўйишди.

Иккинчи жаҳон урушидан сўнг дунёдаги нуфузини, мавқеини мустаҳкамлаб олган мустамлакачи Америка Ислом юртларида ваҳшийликларни амалга ошира бошлади. Жумладан, Афғонистон, Ироқ, Фаластин, Сурия каби исломий юртларда инсоният олами тарихда гувоҳ бўлмаган хунрезликларни амалга оширди ва оширмоқда. Бундан ташқари, мусулмонлар сақланаётган махфий қамоқхоналарда асирларни тўплаб, уларни тўпга тутиб, танклар ғилдираклари остида мажақлаб, самолётлар билан ўққа тутган ҳам Америка ҳарбийлари эди.

Қолаверса, Ироқдаги Абу Ғурайб қамоқхонасида, Фаллужада қилган жирканч, ваҳшиёна жиноятлари, хонадонлар ҳурматларини поймол қилганлиги, покиза аёллар ор-номусига қилган тажовузи, кексалар, аёллар ва болаларни ёппасига ўлдириб, қириб ташлаши, Ислом юртларида қилаётган бошқа жиноятлари, буларнинг барчаси Американинг инсонийлик, одамийлик сифатларининг барчасини аллақачон йўқотиб, ҳайвоний ёвузликнинг энг сўнгги чегарасига етиб келганини очиқ кўрсатиб турибди.

Сизлар ўз давлатингиз, халифангизнинг роҳатбахш соясидан айрилганингиздан сўнг хорлик ва заифлик гирдобига ғарқ бўлдингиз. Мустамлакачи кофир бутун бойликларингизга, имкониятларингизга эгалик қилди, устингизга ўз малайларини шундай мустаҳкам ўрнатдики, ушбу малайлар сизларнинг эмас, ушбу кофир хожаларининг манфаатларини ҳимоя қилган ҳолда сизларга эмас, ўша ҳамтовоқларига ғамхўрлик қила бошладилар. Оқибатда сиз ҳар бир қорни оч очкўзлар ташланадиган тайёр луқмага айланиб қолдингиз, юртларингизни ҳар бири мустамлакачилар нуфуз талашадиган майдонга айланди. Улар бизга АҚШ, Россия каби мустамлакачиларни буюк сиймо, куч-қудратда тенги йўқ етакчи давлат сифатида тасвирлай бошладилар.

Аммо, ҳақиқат шуки, Америка ҳам, бошқа етакчилик даъвосидаги давлатлар ҳам, сиз ўйлаган ва тасаввур қилгандек қудратга эга эмас, балки заифдир. Агар бугунги қўрқувларингиз ўзингизга ўхшаш инсонлардан эмас, балки Аллоҳдан бўлганда эди, ушбу куфр олами сизларнинг соянгиздан ҳам қўрқиб яшаётган бўларди.

Фараз қилинг, бугунги кунда мусулмонларнинг оммавий сафарбар қиладиган ва уларни душманларига қарши Аллоҳ йўлидаги жангга етаклайдиган халифаси, давлати йўқ бўла туриб, бир неча мужоҳидлар жамоаси кофирларга шундай зарбалар бермоқдаки, АҚШ ҳарбийлари мусулмон аскарларига рўбарў келишдан чўчиб, доимий қўрқувда юрадиган, ҳатто ўз жонларига қасд қилишгача бормоқда. Шунингдек, АҚШ бошчилигидаги ўттиздан ортиқ давлатларнинг ҳарбий иттифоқи мусулмонлар юртларида мағлуб ҳолатга келиш арафасида турибди. Агар халифа мусулмонларнинг ишини тартибга солиб, сафларини бирлаштириб, уларга қўмондонлик қилса, иш қандай тус олишини ўзингиз мулоҳаза қилиб кўринг.

Бугунги кунда Ислом уммати узоқ йиллик мудроқдан сўнг ўзлари йўқотган рошид Халифаликни барпо қилиш йўлида қайта қўзғалдилар. Умматнинг ушбу қўзғалишига сабаб бўлган нарса шу бўлдики, бугунги хорликлар, тахқирлашларнинг асл негизи мусулмонларнинг ўз давлатлари, ўз халифалари йўқлиги эканлигини онгли суратда англаб етдилар. Бунинг натижаси ўлароқ, мустамлакачи кофирларни ва яҳуд вужудини мағлуб қилишга қодир бўлган буюк давлатимиз эшик қоқмоқда. Шуни ҳам унутмангки, сизлар одамлар учун чиқарилган энг яхши Умматсиз. Абу Бакр, Умар, Усмон, Али, Умар ибн Абдулазиз каби Хулафои Рошидинлар ва Холид ибн Валид, Салоҳиддин Айюбий, Муҳаммад Фотиҳ каби мужоҳид саркардалар сизларнинг аждодларингиздир.

Шундай экан, улар эргашган ҳаққа эргашишга, улар эришган азизликка эришишга шошилинг.  Улар ҳаракат қилган ва Аллоҳ Субҳонаҳунинг нусрат-ёрдамига эришишларига сабаб бўлган муқаддас Ислом дини Аллоҳнинг ҳифзу ҳимояти ва инояти ила ҳамон орангизда сақланиб келмоқда. Зеро, Аллоҳ Ўзига ёрдам берган кишиларга ёрдам беришни ваъда қилди. Унинг ваъдаси эса ҳақ ваъдадир. Аллоҳ Таоло ўз каломида шундай дейди:

إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

– „Албатта, Биз пайғамбарларимизга ва иймон келтирган зотларга ҳаёти дунёда ҳам, гувоҳлар (ҳозир бўлиб) турадиган Кунда (қиёматда) ҳам ёрдам берурмиз“.                                                                                                                          (40:51)

Биз шуни алоҳида таъкид билан айтамизки, сизлар ўз давлатингизга эга бўлган кундан бошлаб  дунё ҳаётида қудрат ва азизликнинг энг юқори чўққиларига кўтариласизлар. Ўз тарихингизга қаранг, Халифалик соясида яшаган кунларингиздаги азизу мукаррам, куч-қудратга эга Уммат бўлганингизни эсланг. Ўша даврларда сизлар адолат мезони бўлган Ислом шариатига мос ҳаётда эдингиз. Шунинг учун мазлумлар, фақат оддий одамларгина эмас, хос кишилар ва подшоҳлар ҳам сизларга ёрдам сўраб мурожаат қилишар эди. Душманлар сиздан қўрқар, дўстлар эса сизларни ҳурмат қилар эди. Улкан фатҳ-ғалабаларга эришиб, бутун олам бўйлаб адолатни ёйган эдингиз.  Бундай қувватга эга бўлишнинг ягона йўли Пайғамбар (с.а.в.) тариқати бўйича ҳаракат қилиб, Иккинчи Рошид Халифаликни барпо қилишингиздир. Шундагина Раббингизни рози қиласизлар ва унутилган шон-шуҳратингизни қайта тиклайсизлар, ин ша Аллоҳ!

Шундай экан, яқин кунларда эълон қилинажак Буюк Исломий Халифалик давлатини барпо қилишга ҳисса қўшиб қолинг, шунда яхшилик ва ажрга эга бўласиз. Халифаликни тиклашда иштирок этиб, ҳисса қўшиш билан тиклангандан кейин қарсак чалиб олқишлаш тенг бўлолмайди. Зеро, қийинчилик вақтида қилинган амаллар даражаси енгиллик вақтида қилинган амаллардан кўра бир неча баробар юксакроқдир. Бу ҳақда Аллоҳ Таоло ўз каломида шундай дейди:

لاَ يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ أُوْلَئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا وَكُلاًّ وَعَدَ اللَّهُ الْحُسْنَى وَاللَّهُ بِمَا تَعْمَلُونَ خَبِيرٌ

– „Сизлардан (Макка) фатҳ бўлишидан илгари инфоқ-эҳсон қилган ва (Расулуллоҳ билан бирга кофирларга қарши) урушган кишилар (Макка фатҳидан кейин инфоқ-эҳсон қилган ва урушган кишилар билан) баробар бўлмас. Улар кейин инфоқ-эҳсон қилган ва урушган кишилардан улуғроқ мартабададирлар. Барчаларига Аллоҳ гўзал (оқибат — жаннат) ваъда қилгандир. Аллоҳ қилаётган амалларингиздан хабардордир“. (57:10)

Ислом Умматининг бир бўлаги бўлган Ўзбекистондаги  мусулмон ака-укалар!

Сизларга айтадиган сўзимиз шуки, сизлар икки йўлнинг бошида турибсизлар. Бирини танлаб дунё ва охират саодатига эга бўлиб, буюк Парвардигорингизнинг розилигига эришиб, жаннат неъматига муяссар бўласизлар ёки иккинчи йўлни танлаб ҳаёти дунёда ҳам хорликда ҳаёт кечириб, охират диёрида осийлар, бебахтлар макони бўлган жаҳаннамга улоқтириласизлар.

Ёки мусулмон биродарларингиз билан бирга бўласиз ёки Аллоҳ ва Росулининг душманлари билан бирга бўласиз;

Ёки келажак авлодларингиз учун иззату шарафга бурканган ҳаётни қолдирасиз ёки хорлигу ҳақирлик, ўзга юртларда сарсон бўладиган ҳаётни қолдириб кетасиз;

Яна айтамизки, мустамлакачиларнинг устингизга миниб олишига, золим ҳукмдорларингизнинг бор имкониятларини ишга солиб сизларни эзишга, сизларга кофир низомларини татбиқ этишига жим қараб турманг! Ислом Умматига қарши олиб бораётган зулмию ваҳшийликларига шерик бўлманг! Аксинча, дунёни титратган аждодларингиз каби рушду ҳидоятига қайтиб, қайтадан Ислом Умматига етакчилик қилиб, зулмга барҳам бериб, бутун оламнинг бахт-саодати, тинчлик-хотиржамлигини таъминловчи улуғ Ислом байроғини юқори кўтариш шарафига муяссар бўлинг! Мана шу сиз учун ҳақиқий бахтдир!

Шак-шубҳа йўқки, Ислом Уммати яқин кунларда мусулмонларни битта байроқ остида бирлаштирадиган, Ислом билан ҳукм юритадиган, Ислом рисолатини жаҳонга олиб чиқадиган буюк давлатга эришур. Бутун дунё мусулмонлари ушбу кунга интиқлик ва умид билан кўз тикмоқдалар. Чунки охирзамон пайғамбари Муҳаммад (с.а.в.) рошид  Халифаликни қайтиши ҳақида башорат бериб айтадиларки:

«تَكُونُ النُّبُوَّةُ فِيكُمْ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلاَفَةٌ عَلَى مِنْهَاجِ النُّبُوَّةِ فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ اللَّهُ أَنْ يَرْفَعَهَا ثُمَّ تَكُونُ مُلْكًا عَاضًّا فَيَكُونُ مَا شَاءَ اللَّهُ أَنْ يَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ مُلْكًا جَبْرِيَّةً فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلاَفَةً عَلَى مِنْهَاجِ النُّبُوَّةِ»

“Сизларнинг орангизда Аллоҳ хоҳлаганича пайғамбарлик давом этади. Сўнг Аллоҳ хоҳлаган пайтда уни кўтаради. Сўнг пайғамбарлик минҳожи асосида Халифалик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг раийятига зулм ва адолатсизликлар етадиган подшолик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг золим ва зўравон подшолик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосида Халифалик бўлади”.

Зеро, Аллоҳ Ўзига ёрдам берган кишиларга ёрдам беришни ваъда қилди. Унинг ваъдаси эса ҳақ ваъдадир. Бу ваъда фақат пайғамбарларгагина эмас, мўминларга ҳам берилган ваъдадир. Бу ваъда фақат шаҳид бўлиш, Аллоҳ ризолиги ва жаннатга эришиш каби охиратдаги гўзал оқибат ҳақидаги ваъдагина эмас, шу дунёда ҳам душманингиз устидан ғалабага эришиб, зафар қозонишингиз, нусрат, аниқ фатҳга эришишингиз тўғрисида берилган ваъда ҳамдир. Бу ҳақда Аллоҳ Субҳонаҳу ва Таъоло ўз каломида шундай марҳамат қилади;

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِيـنَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لا يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُون

– „Аллоҳ сизлардан иймон келтирган ва яхши амаллар қилган зотларга худди илгари ўтган (иймон-эътиқодли) зотларни (ер юзига) халифа-ҳукмрон қилганидек, уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларни(нг аҳволини) хавфу хатарлардан сўнг тинчлик-хотиржамликка айлантиришни ваъда қилди. Улар Менга ибодат қилурлар ва Менга бирор нарсани шерик қилмаслар. Ким мана шу (ваъда)дан кейин куфрони (неъмат) қилса, бас, улар итоатсиз кимсалардир“.     (24:55)

Ҳизб ут-Таҳрирнинг Ўзбекистондаги медиа офиси Зайниддин

18.05.2016й

0

0