Фаластин маъмуриятининг Миҳрон Хузайротни қамоққа олиши жиноятдир Унинг бу иши Фаластин аҳлига нисбатан нафратининг белгисидир
Матбуот баёноти
Фаластин маъмуриятининг Миҳрон Хузайротни қамоққа олиши жиноятдир Унинг бу иши Фаластин аҳлига нисбатан нафратининг белгисидир
2024 йил 19 декабр пайшанба куни Фаластин маъмурияти хавфсизлик хизмати Миҳрон Хузайрот хонадонига бостириб кириб, уни қамоққа олди. Қамоққа олишни унинг оиласини қўрқитиш, газ ва овозли бомбалардан фойдаланиш ва унинг ака-укаларига ҳужум қилиб, калтаклаш билан даҳшатли бир манзарада амалга оширишди.
Миҳрон Хузайрот жиноятчиларни фош этувчи кучли видеолари орқали ҳақиқатни очиқ айтиш билан танилган. Унинг қамоққа олинишига сабаб бўлган «жиноят»и ҳам мана шу. Наҳотки, маъмурият ундан ўч олган бўлса?! Ёки режимнинг Миҳронга бунчалик қаттиқ ғазабланганлигининг сабаби Жаниндаги режим жиноятлари ҳақида гапирганлиги бўлдими?! Ёхуд Зоҳир Байбарис хотираси учун Зоҳирия деб аталган шаҳарда яҳудийлар томонидан уйларнинг бузилаётганини гапиргани маъмурият ғазабини қўзғадими?! Зотан, маъмурият яҳудийларнинг айни жиноятларига миқ этмай, бошини қумга тиқиб оляпти, яҳудийлар билан ҳамкорликда Жанин аҳли, болалари ва мужоҳидларига қарши куч ишлатмоқда!
Бу маъмурият америкаликлар ва яҳудийлар қарори билан Жаниндаги биродарларимиз қонини ўзига ҳалол қилиб олди. Мақсади, Фаластин аҳлига қарши курашишга ва қонларини оқизишга ўзининг қодир эканини хўжайинларига кўрсатиб қўйишдир. У, шунингдек, яҳудийлар билан хавфсизлик бўйича ҳамкорлик битимини имзолаб, мужоҳидларга қарши уруш очди, юртни иллат ва коррупцияга ботирди. Зотан, илк ташкил топган куниёқ Аллоҳ ва Унинг Росулига хиёнатга асосланган эди. Мана шундай сифатларга эга бир маъмурият албатта Миҳрон каби инсонларни қамоққа олишдан тап тортмайди. Маъмуриятнинг Миҳронни ҳибсга олиши муборак заминга қилган буюк хиёнатларидан кейин Фаластин халқига қарши қилган сон-саноқсиз жиноятларининг навбатдагисидир.
Бугунги кунда бу маъмурият ўзининг Асад ва Ибн Салмон каби золим, зўравон, жиноятчи ва қароқчи режимлар турига мансуб эканини исботлади. Ислом ва мусулмонларга нисбатан нафрат ва адоват билан Ислом оламидаги золим ҳукмдорлар томонидан жой олган бу маъмурият мусулмонларнинг қонлари, моллари ва номусларини менсимаяпти. Бу билан Аллоҳнинг изни ила яқинда ўзидан олдинги золимлар билан худди шундай тақдирни баҳам кўришини билдиряпти. Зарра қадар иймони бор инсонлар бу маъмурият таркибида бўлишга асло рози бўлмайди. Шу сабабли бундай киши Уммат анави режимдагиларни гирибонидан олиб, оёқлари билан эзиб кетмасидан олдин, шунингдек, Умматга зулм қилиш ва қонини тўкиш гуноҳини елкасида кўтарган ҳолда Роббиларига йўлиқмасидан туриб, эс-ҳушини йиғиб олиши лозим.
﴿وَلَوۡ أَنَّ لِلَّذِينَ ظَلَمُواْ مَا فِي ٱلۡأَرۡضِ جَمِيعٗا وَمِثۡلَهُۥ مَعَهُۥ لَٱفۡتَدَوۡاْ بِهِۦ مِن سُوٓءِ ٱلۡعَذَابِ يَوۡمَ ٱلۡقِيَٰمَةِۚ وَبَدَا لَهُم مِّنَ ٱللَّهِ مَا لَمۡ يَكُونُواْ يَحۡتَسِبُونَ﴾
«Агар золим-кофир кимсалар учун ердаги бор нарса ва у билан бирга яна ўшанинг мислича нарса бўлса, албатта улар қиёмат Кунидаги азобнинг ёмонлигидан, ўша (қўлларидаги бор нарсаларини) тўлов қилиб бериб юборган бўлур эдилар. (Чунки у Кунда) уларга Аллоҳ томонидан улар ўйлаб ҳам кўрмаган нарсалар — азоблар кўринди» [Зумар 47]
Ҳизб ут-Таҳрирнинг муборак
Фаластин заминидаги матбуот бўлими
