بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Германия Британиясиз Европа мудофааси иттифоқига чақирмоқда

Немис мудофаа вазираси Урсула фон Ляйен сўзларига кўра, Британиянинг Европа Иттифоқи таркибидан чиқиши ортидан Германия билан Франция ўзларининг Евроиттифоқидаги мудофаа муносабатларини мустаҳкамлашга чақирмоқда. Британиянинг Иттифоқ таркибидан чиқиши бунга ўхшаш ташаббусларни «фалаж» аҳволга олиб келганди. Ляйеннинг немис хавфсизлик сиёсати ҳақида тақдим этган ҳисоботида айтилишича, Германия билан Франция бошқа давлатлар билан музокара олиб бормоқчи бўляпти. Шу орқали икки давлат узоқ муддатли хавфсизлик иттифоқи ва муштарак мудофаани мақсад қилган ҳолда, айни давлатларнинг муштарак лойиҳалар тузишга нисбатан рағбатларини текшириб кўрмоқчи.

Ляйен матбуот конференциясида бундай деди: «Мен сизга ўз тажрибамдан келиб чиққан ҳолда айтишим мумкинки, Британия илгари бундай ишни ҳаргиз қилмаслигини айтганди». Кейин қўшимча қилди: «Бу ҳолат Евроиттифоқни ташқи ва хавфсизлик сиёсатлари масалалари олдида фалаж бўлишига олиб келди, аммо бу деганимиз Иттифоқнинг қолган аъзолари фаолиятсиз қолишди, деганни англатмайди, балки биз бунга ўхшаш масалалар олдида фаол қадам ташлаймиз».

Вазира Евроиттифоқ миссияси бошланадиган «ҳарбий-фуқаровий қароргоҳ» қуриш, шунингдек, Европа тиббий қудрати таъсис этиш каби таклифларни ўртага ташлади.

У ўзининг хавфсизлик сиёсати ҳақидаги ҳисоботида «Германия учун хавфсизлик муҳити янада чигал, беқарор ва динамик ҳолга келди, бу билан ишончсизлик ҳолати янада кучаяди», деди. (Рейтер).

Роя газетаси шарҳи:

Немис мудофаа вазирасининг гапларидан Германиянинг ўз имконият ва истакларига муносиб рол бошлашга ҳаракат қилаётгани кўриниб турибди.

У Британиянинг Евроиттифоқдан чиқиши ушбу ролни адо этиш учун қулай эканини таъкидламоқда. Зеро, Британиянинг Иттифоқ таркибида туриши, Иттифоқнинг заифлашишига сабаб бўлган. Чунки Британия Иттифоқ ишларига кўп аралашган, ичига ҳам, ташқарисига ҳам ўзининг одамини қўйиб, Европа ва унинг ташқарисидаги ўзининг сиёсатларини рўёбга чиқаришда Иттифоқдан фойдаланган. Шу сабабдан ҳам 1961 йилда Британия Европа Иттифоқига қўшилишни икки марта талаб қилган пайтда Франция президенти Шарль де Голль унинг талабларини рад этган.

Хотирамиздан кўтарилгани йўқ, Германия катта давлат бўлиб, бир вақтлар ўтган асрда дунёда биринчи давлатга айланмоқчи бўлган эди. Ундаги мавжуд иқтисодий имкониятлар, ишлаб чиқариш ва ҳарбий потенцияллар, аҳоли сони, ўзига ишонувчи халқ, ҳукмронлик истаклари, буларнинг ҳаммаси уни халқаро сиёсатга таъсир кўрсата олиш даражасига етишига муваффақ қилади. Қачон унинг раҳбарларида ихтиёр бўлса, албатта буни рўёбга чиқара олади. Бу давлат канцлери Ангела Меркелнинг ўтган йилнинг сентябр ойида қилган мана бу баёноти ҳам шу маънони касб этади: «Дунё кучларини тақсимланишида ҳаққоний ифода бўлиши учун Қўшма Штатларга тобе Хавфсизлик Кенгашини ислоҳ қилиш вақти келди».

Роя газетасининг 2016 йил 20 июл чоршанба кунги 87-сонидан