بسم الله الرحمن الرحيم

Хомиладор аёлнинг қорнига милиция ходими тепганлиги тўғрисида

Сир эмаски бугунги кунда Ўзбекистон ОАВ ларида ҳақиқат ёритилмаслиги, барча мақолалар, кўрсатувлар ҳукумат белгилаб берган чегарада ёритилиб, кўплаб ёлғону қуруқ мақтовлардан иборат бўлиб қолгани сабаб ижтимои тармоқларга бўлган қизиқиш тобора ортиб бормоқда. Халқимиз имкон қадар воқеалардан,  Ўзбекистон ва дунё сахнидаги янгиликлардан хабардор бўлиш учун интернет сайтларига мурожаат қилмоқдалар. Шу яқин кунда Озодлик сайти бир воқеа тафсилоти хақида хабар берди. Бир аёл билан рўй берган ушбу нохуш ҳолат, аввало муслима сифатида ҳамда оддий аёл сифатида ва шу юртнинг бир фуқароси сифатида эътиборимни тортди.

Озодлик сайтининг хабар беришича Тошкент шахрининг Шайхонтохур туманида яшовчи 35 яшар Севара Султонова хомиладор ҳолида ИИБ ходимлари томонидан калтакланган. Аёлнинг Озодликка хабар беришича бу воқеа 2015 йилнинг 12 сентябр куни Тошкентдаги Чорсу бозорида рўй берган. Бу можарога бозорда савдо қилаётган укасининг милиция ходимлари томонидан турткиланиши сабаб бўлган. Севара укасини милиция мулозими тортқилаб, судрашаётганини кўргач можарога аралашган ва шу пайт милиционер бир тахлам шим билан аёлни бошига урган ва қорнига тепкан. 6 ойлик ҳомиласи бўлган Севара қорнига тепки егач хушидан кетган. Бунга сотувчию харидорлар гувоҳ бўлишган ва милиционерни тўхтатиб қолишган.

Аёлнинг ўзини айтишича, у бехуш ҳолатда касалхонага етказилган, унинг ҳомиласига қаттиқ зарб ҳамда мияси чайқалганлиги шифокорлар томонидан аниқланган. У хомиласининг тушиш хавфи билан 1 хафта касалхонада даволанган. Аммо касалхонадан чиққач милиционерлар ундан шикоят аризасини  ёзмаслигини айтиб тахдид қилишган. Аёл тахдидлардан қўрқиб даъво очмаган.

Орадан 2 хафта утиб 26 сентябр куни Севарани Чорсу бозоридаги участка бўлимига чақиришган ва аёлга унинг устидан шикоят хати тушгани маълум қилинган. Милиционер томонидан калтакланган, касалхонада даволаниб, бунинг устига хеч кимга арз қилолмай дарди ичида юрган хомиладор аёл энди милиция ходимини “тишлаб олишда”, “ унга тош отишда” ва “ИИБ ходимини 2 оёқ орасига тепишликда” айбланди.

Хозирда Севарага шу иш бўйича терговлар тугаб унга 219- 139- ва 140- моддалар буйича айб қўйилиб, суд килинадиган кунни кутиб турибди.  Аёлнинг милиция мулозими тепкиси остида нобуд бўлишига бир бахя қолган 3- фарзанди 14 декабрда туғилган.

Биз яшаётган жамиятда ҳукумат одамлардан қонунларга амал килишни талаб қилади, аммо одамларни ҳар хил жиноятчилардан химоя қилиши керак бўлган, ҳамда инсонлар жабрланганларида мурожаат қилиши керак бўлган ички ишлар бўлими ходимлари хатто ўзларининг қонунларинини ҳам менсимасдан товламачилик, порахўрлик, зўравонлик каби қабих ишларга кўл уриб келмоқда. Халқимиз ўз ҳаққини талаб қилиши, ҳукумат вакилларига, қонун посбонларига қарши гапириши гўёки уларнинг назарида ноқонуний иш бўлиб, халққа хоинлик ёки террорчилик хисобланади. Жамиятдаги инсонлар ҳам аслида мана шу ҳукуматдан, милиционерлардан, МХХ ходимларидан ва уларнинг югурдак малай (қулоқ)ларидан қўрқиб вахима ичида яшаяптилар.

Чунки хукумат 25 йилдан бери ўзининг МХХ, прокуратура ва суд органлари билан одамларни доимий қўрқувда ушлаб турибти. Ва шу сабабли ҳам юқоридагидай ҳомиладор аёл ўзи калтакланиб оқибатда милиция ходимини калтаклашда айбланиб судланиши каби ноҳакликлар одатий ҳолга айланиб қолди. Халқимизнинг бошига тушган бундай зулму зўравонлик, хорлик, адолатсизликларнинг ягона сабаби яшаш учун яроқсиз инсоният томонидан ишлаб чиқилган қонунлар билан бошқарилаётганлигимиздир. Нафақат Ўзбекистон, балки барча мусулмон уммати фақат Ислом дини билангина, Ислом аҳкомлари остида яшаш билангина яна ўз азизликларига кайтажаклар.  Чунки биз Ислом шариатини тарк қилиб ўрнига инсон ақлига таянадиган қонунларни қабул қилиб хорликка тушдик ва динимиздан узоқлашишлик бизларни шундай тубан ночор аҳволга келтирди.  Энди бундан қутулишнинг ягона йўли ҳам бугунги конунлардан воз кечиб Ислом дини аҳкомларини махкам тутишимиз билан бўлади. Зеро бу дин бизга ҳотиржамликни, фаровонликни, адолатни, азизликни қайтаради.

                                                                                           Мухлисангиз Фотима.

                                                                                                              22.01.2016й.