بسم الله الرحمن الرحيم

Ислом ақидаси ҳаётимизнинг асосига айланиши шарт

Ўзини мусулмон деб билувчи ҳар бир инсон борки яшаш тарзини Ислом ақидаси бўйича қуришга мажбурдир. Бу мажбуриятни онгли равишда англаш ҳар бир мусулмоннинг вазифаси ҳисобланиб, англаб етганлар учун эса, буни бошқаларга ҳам англатиш бурчдир. Исломнинг талаби ҳамда пайғамбарлардан меърос бўлиб қолган йўл ҳам аслида шу. Аллоҳнинг розилигини истаган ҳар бир мўмин шу йўлда юрмоғи, яъни аввало ўз ҳаётини исломий ақида асосига қурмоғи ҳамда бошқаларни ҳам шундай қилишга чақирмоғи лозимдир. Бу иш мусулмонлар иймон келтирган Ислом динининг талабидир.
Мусулмон инсон Исломий ҳаёт қандай шаклда бўлади ва у қандай қурилади, буларни билиши керак. Чунки бу нарсалар Исломда муҳим бўлган кўп жиҳатларни ўз ичига олади. Яъни Исломий ҳаётнинг ўзи ҳам, уни қуриш тариқати ҳам Ислом ақидаси асосига қурилган бўлиб, мусулмоннинг ҳар бир амали шариатга мувофиқ бўлиши жиҳатидан жуда зарур ишлардир. Мусулмон инсон ўз ҳаётини эътиқод қилаётган ақидаси устига қуриши зарурлигидан келиб чиқсак, бунинг учун шу ақидани тўлиқ ва тиниқ тушуниши зарур эканлиги ҳам тушунилади. Ўз-ўзидан маълумки, ҳаётнинг исломий бўлишидаги йўл-йўриқлар, кўрсатмалар ҳамда умумий қилиб айтганда, ҳаракатлар кетма-кетлигини тартиблаштириб берувчи дастур ҳам албатта Исломдан бўлиши керак. Бу санаб ўтилганлар тариқатни англатишини тушунсак тариқат ҳам Исломдан бўлиши шартлигини билиб оламиз.
Шундай қилиб, ҳар бир ишда мусулмоннинг ўлчови Ислом талаб қилганидек ҳалол ва ҳаром бўлиши зарур. Бугунги кунда эса мусулмонларнинг аксари ўз амалларига фойда-зарарни ўлчов қилиб олдилар. Бу эса уларнинг амаллари Исломдан ташқарига чиқиб кетишига олиб келди. Чунки уларнинг онглари Исломдан йироқ фикрлар билан чалғитиб ташланган эди. Бундай фикрларнинг мусулмонлар ҳаётига осонлик билиб киргизилишида уларнинг онгларида Исломнинг хиралашгани катта ўрин тутди. Чунки Ислом ақидаси ва бу ақидадан келиб чиқадиган фикрларни тушуниб эътиқод қиладиган мусулмон ўзининг бузуқ фикрлар билан алданишига йўл қўймайди. Афсуски, бугунги кунда мусулмонларнинг аксарини ҳаётига эътибор берадиган бўлсак, ботил, бузуқ фикрлар бўйича ҳаракат қилаётганини кўрамиз. Бундай мусулмонларни ўрганадиган бўлсак, биламизки, улар ўз ақидалари ва шариатни унутишган, тушунишмайди, ҳатто тушунишни исташмайди. Уларнинг ҳаёти кофирнинг ҳаётидан фарқ қилмайдиган бўлиб қолган. 
Бунга сабаб ақидани тушунмаслик, амаллардаги ўлчовни Исломий эмаслиги, умумий қилиб айтганда, асл Исломдан узоқлашишдир. Шундай экан, мусулмонларнинг ҳаётлари умумий равишда Исломий бўлиши учун, юқорида айтиб ўтилганидек, инсонларга аввало Ислом ақидаси пухта тушунтирилиши керак. Шундагина бугунги бузуқ ҳаёт тузатилади.

Ҳизб ут-Таҳрирнинг Ўзбекистондаги медиа офиси. Абдуллоҳ

10.12.2018