بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ислом номи билан йигирма етти йил адаштирганидан кейин энди режим ўзининг илмоний башарасини очиқ кўрсатмоқда

Судандаги ҳоким режим 1989 йил июндаги тўнтаришдан буён бу мамлакатдаги мусулмонлар туйғуларини Ислом номи билан қитиқлаб келмоқда. Ислом ҳукмларини эса татбиқ қилмади. Аксинча сиёсат, бошқарув, иқтисод ва бошқа соҳаларда Исломга зид ҳукмларни татбиқ қилди. Лекин бу режим Судан аҳлини Ислом шиорлари билан алдаб келаётган эди. Улар фақат ўзларини ўзлари алдашади, холос. Йигирма етти йил алдаб адаштирганидан кейин мана энди режим ўзининг ҳақиқий башарасини, Исломдан, ҳатто унинг шиорларидан асар ҳам бўлмаган илмоний башарасини очиқ кўрсатмоқда. Чунки режим Исломни бошқарувдан йироқлатишни ва Суданнинг қолган-қутган қисмини ҳам парчалаб ташлашни мақсад қилган Америка лойиҳасини қабул қилди. Буни миллий диалог конференциясининг миллий ҳужжати орқали амалга оширди. Режим ва унинг тарафдорлари Умматни янада адаштириш учун бу ҳужжатни бошқача тусда кўрсатишга ва ҳақиқий сифатидан бошқача сифат билан аташга уринишди.

Биз Ҳизб ут-Таҳрир-Судан вилояти аъзолари Умматимиз кўзини очишдаги масъулиятимиздан келиб чиқиб ва уни яна бир адаштириш тузоғига тушиб ўлжага айланиш оқибатидан огоҳлантириш учун қуйидаги ҳақиқатларни баён қиламиз:

Биринчидан: ана шу ҳужжатда Исломнинг қуруқ номи бўлса ҳам зикр қилинмаган. Ваҳоланки Судан аҳли мусулмондир ва уларнинг ақидаси исломий ақидадир. Шунинг учун улар бошқа нарса билан эмас, Ислом билан бошқарувга интилмоқдалар.

Иккинчидан: бу ҳужжатда Судан аҳлининг ўзлиги Исломдан бошқа нарса билан белгиланган. Чунки унда қуйидагилар келган: «Биз бир алоҳида ўзлиги бўлган суданликлармиз, бизнинг ўзлигимиз ўз кўлам-ҳажмини шаклланиши муштарак бўлган сақофатлар ва ирқлардан олган…». Бундан мақсад мустамлакачи кофирни ва унинг мамлакат ичкарисидаги малайларини рози қилишдир. Аслида эса Судан аҳлининг энг кўп қисми мусулмонлардир ва уларнинг ўзлиги Исломдир.

هُوَ سَمَّاكُمُ الْمُسْلِمِينَ مِن قَبْلُ وَفِي هَـٰذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ

«Токи (қиёмат кунида) пайғамбар сизларнинг устингизда гувоҳ бўлиши учун, сизлар эса (барча динлардаги) одамлар устида гувоҳ бўлишингиз учун (Аллоҳнинг) Ўзи сизларни илгари(ги муқаддас китобларида) ҳам мана шу (Қуръонда) ҳам мусулмонлар (яъни Ўзининг динига бўйсунувчилар) деб атади»    [Ҳаж 78]

Учинчидан: ҳужжатда қуйидагилар ҳам келган: «… Конституцияни тасдиқлаш халқ хоҳиш-иродасидан келиб чиқмоқда ва халқ иродасини ифодаламоқда, фуқаролик барча ҳуқуқ ва вазифалар учун асос ва ўлчов бўлади…». Конституция қандай қилиб халқ хоҳиш-иродасидан келиб чиқиши ва уни ифода қилиши мумкин ахир?! Қандай қилиб фуқаролик ҳуқуқ ва вазифалар учун асос бўлиши мумкин?! Зеро бу юртдаги халқнинг Аллоҳ ва Росули САВ ирода қиладиган нарсадан бошқа иродаси йўқ. Демак ҳуқуқ ва вазифалар одамларнинг ҳавойи хоҳишлари ва мустамлакачининг истаклари асосида эмас, Латиф, Хабир Робббул оламин аҳкомлари асосида бўлиши табиийдир. Аллоҳ Азза ва Жалла дейди:

وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّـهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّـهَ وَرَسُولَهُ فَقَدْ ضَلَّ ضَلَالًا مُّبِينًا

«Аллоҳ ва Унинг пайғамбари бир ишни ҳукм қилган-буюрган вақтида бирон мўмин ва мўмина учун (Аллоҳни ҳукмини қўйиб) ўз ишларидан ихтиёр қилиш жоиз эмасдир. Ким Аллоҳ ва Унинг пайғамбарига осий бўлса, бас у очиқ йўлдан озиш билан йўлдан озибди»    [Аҳзоб 36]

Тўртинчидан: бу ҳужжат Суданнинг қолган-қутганини ҳам парчалаб ташлашни мақсад қилган Америка режасини амалга ошириш учун ишлаб чиқилганини ҳужжатнинг бошқарув масалалари ва диалог натижалари бандида келган қуйидаги нарсалар тасдиқлаб турибди: «Федерал бошқарувни уч даражадаги: федерал, вилоят ва маҳаллий даражаларда бошқарув низоми қилиб танлаш… президентлик низомига бошқарув низоми сифатида таяниш». Ҳолбуки аниқ маълумки, федерал низом аслида давлатчалар мажмуаси бўлиб, бу давлатчалар келгусида бирликни пайдо қилиб бирлашади ёки ҳар бир давлатча ўз низомини сақлаб қолади ҳамда ташқи ва хавфсизлик масалаларида ўзаро бирлашади. Аммо агар федераллик бугунги Судан каби бир бутун асосдаги давлатга киритиладиган бўлса ундан мақсад уни келажакда майда давлатчаларга бўлиб ташлашдир. Бу эса шаръан жоиз бўлмайди. Чунки Исломдаги бошқарув низоми федерал низом эмас, бирлик низомидир. Лекин ундаги идора марказий эмас. Шунинг учун бирлик низоми билан федерал низом ўртасида осмон билан ерча фарқ бор. Росул САВ дейдилар:

«مَنْ أَتَاكُمْ وَأَمْرُكُمْ جَمِيعٌ عَلَى رَجُلٍ وَاحِدٍ يُرِيدُ أَنْ يَشُقَّ عَصَاكُمْ أَوْ يُفَرِّقَ جَمَاعَتَكُمْ فَاقْتُلُوهُ»

«Кимки ишингиз битта кишида жамланиб турган пайтда келиб бирлигингизни бузмоқчи ёки жамоатингизни бўлмоқчи бўлса уни ўлдиринглар».

Қолаверса президентлик низоми башар ишлаб чиққан тубан низом бўлиб у Исломга зиддир. Чунки Исломдаги бошқарув низоми жумҳурият ёки подшоҳлик ёки бошқа тубан низомлар эмас, Халифаликдир. Росул САВ дейдилар:

«كَانَتْ بَنُو إِسْرَائِيلَ تَسُوسُهُمُ الأَنْبِيَاءُ، كُلَّمَا هَلَكَ نَبِيٌّ خَلَفَهُ نَبِيٌّ، وَإِنَّهُ لاَ نَبِيَّ بَعْدِي، وَسَتَكُونُ خُلَفَاءُ فَتَكْثُرُ، قَالُوا: فَمَا تَأْمُرُنَا؟ قَالَ: فُوا بِبَيْعَةِ الأَوَّلِ فَالأَوَّلِ، وَأَعْطُوهُمْ حَقَّهُمْ فَإِنَّ اللَّهَ سَائِلُهُمْ عَمَّا اسْتَرْعَاهُمْ»

«Бану Исроилга пайғамбарлар сиёсат юргизарди. Қачон бир пайғамбар ҳалок бўлса, ортидан бошқа бир пайғамбар келарди. Мендан кейин эса пайғамбар йўқ. Халифалар бўлади ва улар кўпайиб кетади. Шунда: бизга нимани буюрасиз? – дейишган эди, айтдиларки: биринчисининг, фақатгина биринчисининг байъатига вафо қилинглар ва уларнинг ҳақларини беринглар, зеро Аллоҳ улардан фуқарони қандай бошқарганлари ҳақида сўрайди».

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">spokman_sd@dbzmail.com