Исломий юртларнинг бойликлари ва иқтисодий потенциаллари
بسم الله الرحمن الرحيم
Исломий юртларнинг бойликлари ва иқтисодий потенциаллари
Кириш
Бугун бутун дунё халқаро майдонга янги давлатнинг, яъни Халифалик давлатининг кириб келиши остонасида турибди. Бироқ баъзи мусулмонларда Халифалик давлатининг иқтисодий имкониятлари қандай бўлади, ўз фуқароларини боқа оладими, соҳаларни молиявий жиҳатдан қўллаб-қувватлай оладими, ғарб давлатларининг иқтисодий санкцияларига бардош бера оладими каби саволлар ўйлантираётган бўлиши мумкин. Албатта ҳозирги шароитда бундай саволларнинг пайдо бўлиши табиий холдир. Чунки бугунги воқеликда исломий юртлардаги мусулмонларни аксарининг турмуш даражаси абгор аҳволга тушиб қолган, ишсизлик даражаси йилдан-йилга кучайиб бормоқда, бор иш ўринларига ҳам жуда кичик маош тўланади, оғир ва енгил саноатнинг ишлаб чиқаришдаги улуши ҳам жуда паст, солиқлар, коммунал ва бошқа тўловларнинг ортиб бориши ҳам дард устига чипқон бўлмоқда, миллий валюталар қадрининг тушиб бориши натижасида товарлар ва хизматлар нархи ҳам кўтарилиб кетмоқда. Бундай муаммоларнинг чек-чегараси йўқ. Буларнинг бош сабабчиси эса исломий юртлар бойликларини талон-тарож қилаётган ғарб давлатларидир, шунингдек уларга буни амалга оширишга ёрдам бераётган хоин ҳокимларнинг ёмон бошқарувидир.
Ғарб давлатлари исломий юртлар бойликларини ташиб кетиш баробарида, уларни иқтисодий жиҳатдан ўзига қарам қилиш йўлларини ҳам ўйлаб топишди. Бу ишни амалга ошириш учун улар мусулмонлар тепасига зўрлаб ўрнатиб қўйган хоин ҳокимлардан фойдаланди албатта. Турли хил инвестициялар, ХВЖ (Халқаро Валюта Жамғармаси), Жаҳон банки, Бутунжаҳон Савдо ташкилоти, БМТ кабилардан исломий юртларни ўзига қарам қилиш воситаси сифатида фойдаланди. Масалан, ХВЖ, Жаҳон банки орқали исломий юртларга фоиз эвазига катта қарзлар бериб, уларни қулоғигача қарзга ботириб юборди. Шу ва бошқа воситалар орқали юртларимиз ғарб давлатларига ипсиз боғланиб, уларнинг таъсир доираларини хоҳлаганча кенгайтиришларига замин яратилди. Кўп мусулмонларнинг онгида ғарб ёрдамисиз мусулмонлар ўзларини ўзлари бошқара олмайди, боқа олмайди, муаммоларини мустақил ҳал қила олмайди, деган тушунча пайдо бўлди.
Лекин бундай тушунча нотўғри тушунчадир, бу бор-йўғи бугунги воқеликдан таъсирланиш натижаси холос. Халифалик давлати тикланиши билан бу воқелик тубдан ўзгаради, ин ша Аллоҳ. Чунки Ислом давлати тикланганидан сўнг мустамлакачи кофир давлатларнинг исломий юртлардаги таъсирлари йўққа чиқади, нафақат исломий юртлардаги, балки халқаро майдондаги таъсир кучи ҳам сезиларли даражада пасаяди. Бунинг ортидан эса исломий юртларнинг табиий бойликларини ташиб кетишлари ҳам имконсиз бўлиб қолади. Ваҳоланки, бу бойликлар эвазига ғарб оламидаги инсонларнинг турмуш даражаси анча юқори даражага чиқиб олган бўлса, исломий юртларда яшаётган аксар мусулмонларнинг турмуш даражаси анча паст даражага тушиб қолди. Агар бу бойликлар ўз ўрнига ишлатилса ва бошқа иқтисодий потенциаллар тўғри йўналишга солинса, исломий юртлардаги аҳвол бу даражада ёмонлашиб кетмаган бўларди. Шуларни эътиборга олган ҳолда, биз янги рукн ташкил қилдик. Бу рукн орқали эълон қилинадиган мақолаларда дунёдаги исломий юртларнинг бойликлари ва бошқа иқтисодий потенциаллари ҳақида маълумот бериб борамиз ҳамда бу мақолалар юқорида айтиб ўтилган саволларга жавоб бўлади, деган умиддамиз.
Аллоҳ бу ишимизни ҳайрли ва таъсирли қилсин.
Ҳизб ут-Таҳрирнинг Ўзбекистондаги медиа офиси. Фаррух
31.08.2017й.
