بسم الله الرحمن الرحيم

Роя газетаси:

«Исроил» элчиси: Бизни исломчиларга қарши кураш бирлаштириб туради

«Исроил»нинг Мисрдаги янги элчиси Давид Говрин Қоҳира билан Тель-Авив ўртасидаги муносабатлар илиқлашганини юксак баҳолаб, исломий жамоалар икки давлат учун ҳам баробар таҳдид ҳисобланишини таъкидлади.

«NRG» сайтининг «исроиллик» мухбири Ософ Гибурга берган интервьюсида «исломий жамоалар барқарорликни сақлаш ва терроризмга қарши ҳамкорликда курашишга ҳаракат қилаётган икки давлат учун ҳам баробар таҳдид ҳисобланади, мен ушбу ҳамкорлик саъй-ҳаракати билан айни икки томонлама ҳамдўстликни кучайтирувчи муносабатлар тизимининг бир қисми бўлганимдан беҳад бахтиёрман», деди.

Сайт мухбирининг айтишича, «Исроил» элчиси «Исроил» билан Миср ўртасидаги хавфсизлик ҳамкорлиги даражаси ҳануз сирли эканини, бу ҳақда диалогда айтилмаганини таъкидлади. Мухбирга кўра, янги элчи сўнгги ўн йил мобайнида икки давлат ўртасида бир нечта муштарак тадбирлар ўтказилганини, шу жумладан, икки томон вазирлари ва иқтисодий ширкат бошлиқларининг, бошқа доираларнинг ўзаро зиёратлашишганига гувоҳ бўлганини айтди.

Расмий Қоҳиранинг «Исроил» билан муносабатларни мустаҳкамлашга ғоят ҳарис бўлаётганига қарамай, «Исроил» элчиси икки жамият ўртасида ҳамон дарз кетишлар мавжудлигини, яъни Миср жамияти қалбида «Исроил»га қарши ҳамон адоват ва нафрат яширинганини таъкидлади.

«Исроил» элчиси «икки давлат муносабатларини нормаллаштиришга ва Миср билан «Исроил» жамиятлари ўртасида иқтисодий, тижорий, қишлоқ хўжалик соҳаларида ўзаро яқинлик кўпригини қуришга ҳаракат қилажаги»ни қўшимча қилди.

У мисрлик халқнинг «Исроил» билан муносабатларни нормаллаштиришдан бош тортиши унга зимдан таъсир қилишини билдирар экан, берган интервьюсида – агар мен хавфсизлик жиҳатидан мустаҳкам қўриқланувчи ўз уйимдан чиқа олганимда эди, мен қаттиқ севадиган Қоҳира кўчаларини айланиб юрган бўлардим, деди.

Говрин ўтган чоршанба ўзининг Миср томонидан Иттифоқ қасрида расмий шодиёна билан қарши олганини таъкидлаб, президент Абдулфаттоҳ Сисийга аккредитив тақдим этганини, қасрда «Исроил» миллий гимни янграб турганини айтди. (Ал-Жазира нет).

Роя газетасининг 2016 йил 7 сентябр чоршанба кунги 94-сонидан