بِسْمِ اللهِ الرَّحْمٰنِ الرَّحِيمِ

Ҳизб ут-Таҳрир – Туркия вилояти «Рамазон уйғониш вақтидир» номи остида ҳар йилги ифторлигини берди

Бу йилги муборак рамазон ойининг саккизинчи куни Ҳизб ут-Таҳрир – Туркия вилояти Тўпқапи ижтимоий комплексида ифторлик дастурхонини ёзди. Унга Туркия оммавий ахборот воситалари ва ноҳукумат ташкилотлар вакиллари таклиф қилинди.

Туркиянинг бир неча шаҳарларида Улуғ Рамазон муносабати билан уюштирилган бу йилги ифторлик тадбири «Рамазон уйғониш вақтидир» шиори остида ўтказилди.

Тўпқапидаги ифторликка «Ени Акит» ва «Милод», газеталаридан ҳамда «Илке» ахборот агентлиги ва «TRT Уорлд»дан вакиллар ташриф буюрди. Шунингдек, «Мазлум», «Ўзгур» ва «Қалам» жамиятлари ҳамда «Маъруф масжиди», «Илкав», «Имом Бухорий», «Акдаф», «Қуръонга Хизмат» ва «Сийер» вақфлари, «Мустазъафинлар», «Қуддус Таълим ва Баҳс номли халқаро жамият», «Сурия Илим жамияти», «Тоқат жамияти», «Ўқиш жамияти», «Мум жамияти» ва «Ҳиро жамияти», «Уммат овози жамияти», «Тавҳид журнали», «Эдирна Мусулмон Ёшлари», «Ислоҳ ва Даъват жамияти», «Танбеҳ мадрасалари» жамияти каби ноҳукумат ташкилот ва жамиятлардан вакиллар ҳозир бўлди. Ифторликка яна тадбиркорлар, адвокатлар, академиклар, шифокорлар, сиёсий партиялар вакиллари ва ёзувчилар ҳам ташриф буюрди. Тадбир Фаластин, Сурия, Шарқий Туркистон, Ўзбекисистон ва Ўрта Осиёдан ҳам меҳмонларни ўз ичига олди.

Фотиҳ мавзеси Тўпқапи комплексидаги ифторлик ҳофизи Қуръон Муҳаммад Окифнинг Қуръони Карим оятларидан тиловати ва ифторлик пайтидаги дуоси билан бошланди. Кейин Рамазон Кумуш қисқа очилиш нутқини қилгач, Ҳизб ут-Таҳрир – Туркия вилояти матбуот раиси, «Тағйирул Жузрий» журналининг Истанбулдаги вакили ва координатори Маҳмуд Кор қутлов нутқини сўзлади.

Маҳмуд Кор меҳмонларга ифторлик тадбирига ташриф буюрганлари учун ташаккур билдириб, уларни ушбу «Рамазон уйғониш вақти» кампанияси билан таништирди. Мусулмонларнинг бу йилги Рамазонни яна ғам-аламлар билан қаршилаганликларини ҳамда мусулмон юртларига бўлган босқинчиликлар ушбу муборак ойда яна-да авж олганини маълум қилди.

Маҳмуд Корнинг билдиришича, Мусулмонларнинг ҳолати уйқудаги кишининг ҳолатига ўхшайди. Ғарбнинг шиорлари, демократияси, илмоний ва миллий фикрлари ҳамда у уюштирган турли мусобақалар мусулмонларнинг уйқудаги ҳолатини ўзгартирмайди. Билъакс, уларнинг ҳолатини Ислом низоми ва барча ҳаётий соҳада унинг татбиқ этилиши ўзгартиради. У яна бундай деди: «Ғарбликларда давлат ва ҳокимият бор. Биз мусулмонларнинг эса, на давлатимиз ва на ҳокимиятимиз бор. Шундай экан, Аллоҳ Таолога дуо қилиб сўрайликки, ушбу рамазон рошид халифасиз ва тарқоқлик ҳолатимизда кутиб олган рамазоннинг охиргиси бўлсин!».

Кейин Ҳизб ут-Таҳрир – Туркия вилояти марказий алоқалар қўмитаси раиси олим ва ёзувчи Абдуллоҳ Имомўғли қисқа нутқ сўзлади. Имомўғли ўз нутқида солиҳ амаллар ҳақида сўз юритар экан, ушбу Рамазон ойида рўза ва тоат ибодатлар билан бирга, энг муҳим солиҳ амаллардан бири, исломий ҳаётни қайта бошлашга ҳаракат қилиш эканини, бу эса фақат Пайғамбарлик минҳожи асосидаги рошид Халифаликни барпо этиш орқали амалга ошишини таъкидлади.

Роя газетасининг 2019 йил 29 май чоршанба кунги 236-сонидан