Муборак Фаластин: Ҳизб ут-Таҳрирнинг Халилдаги юриши
بسم الله الرحمن الرحيم
Роя газетаси:
Муборак Фаластин: Ҳизб ут-Таҳрирнинг Халилдаги юриши
2018 йил 14 апрел шанба куни Ҳизб ут-Таҳрир Халил шаҳрида юриш ўтказди. Халифалик ағдарилиши хотиралари муносабати билан ўтказилган юришда Халил шаҳрининг нуфузли намояндалари, Ҳизб ансорлари ва шаҳар аҳолиси иштирок этди. Юриш иштирокчилари Халифаликни қайта тиклаш чақириғи ҳамда Ислом Уммати орасидаги қудрат аҳлидан ушбу муборак заминни, Росулуллоҳ CABнинг Исро масканларини озод этиш талаби битилган плакатларни кўтариб чиқдилар.
Юриш ниҳоясида доктор Мусъаб Абу Арқуб нутқ сўзлаб, Қуддус бутун мусулмонлар қалблари тўридан жой олганини, у Ислом диёрининг маркази эканини, демак, унинг ушбу мақомига рошид Халифалик давлатидан ўзга давлат ҳаргиз қайтармаслигини таъкидлади. Докторнинг изоҳлашича, айни юришда шаҳарнинг жуда кўп аҳолиси қатнашганининг ўзи, Аллоҳнинг Китоби ва Росулининг суннати билан ҳукм юритилишига Фаластин аҳли ҳам, барча мусулмонлар ҳам ошуфта эканини, қалблари битта Уммат қалби бўлиб, кўзлари Қуддус ва унинг чор атрофи озод этилишини кўришга муштоқ эканини тасдиқлаб турибди.
Юриш иштирокчилари ушбу маъруза орқали бутун Исломий Умматга бир мужда йўлладилар. Унда Халифалик Уммат куч-қудратини ва Қуддус буюклигини қайтариши, Фаластин аҳли озодликка чиқиш учун Уммат армиясига интизор бўлиб тургани таъкидланди.
Абу Ақрубнинг таъкидлашича, хавфсизлик хизмати намойишнинг Ибн Рушд посёлкасига етиб боришдан тўсишга уринган… Юриш тугаб, маъруза тамом бўлгандан сўнг йиғилганларни тарқатиш мақсадида уларга қарата кўздан ёш оқизувчи газ қўллаган… Бу эса Халилнинг нуфузли намояндаларидан бир нечтасини ва оқсоқолларни ҳушдан кетишига олиб келган…
Доктор Мусъаб Абу Ақруб юриш қатнашчиларига қарата қилинган бундай адоватни қаттиқ қоралади, чунки полиция ҳам, Халил шаҳри ҳокимияти ҳам айни тадбирга қаршилик қилинмаслигини, аксинча, юриш жойида ҳаракатни тартибга солиб, қулайлик билан таъминлашини ваъда қилган эди. Докторга кўра, Фаластин режимининг бундай хатти-ҳаракати шу нарсани кўрсатиб турибдики, улар бу даражадаги катта намойишни кўриб, қалбларидаги адоватларини яшира олишмади. Зотан, халқ сўнгги кунларда – мана бугун ҳам – режим томонидан юзага келтирилган танглик, тартибсизлик ва таҳдидларга қарамай, Исломий Халифаликни талаб қилиб чиқди.
Роя газетасининг 2018 йил 18 апрел чоршанба кунги 178-сонидан
