Ор-номуслар топталишининг асл негизи қаерда?

بِسْمِ اللهِ الرَّحْمٰنِ الرَّحِيم

Бугун Умматнинг шарафи, ор-номуси, қадр-қиммати, юртлари мустамлакачилар томонидан топталмоқда, оёқ ости қилинмоқда. Ёш гўдаклари, аёллари омма олдида отилмоқда, шафқатсизларча номусларига тажовуз қилинмоқда, муслима оналар фарёди оламни ларзага солмоқда. Уларни қутқармоқчи бўлган мард эркаклари эса, ўққа тутилиб ўлдирилмоқда, ҳибс этилмоқда. Худди тарихда бўлиб ўтгани каби чох қазиб тиригича  кўмилмоқда. Бир сўз билан айтганда, уммати Муҳаммад ёрдам истамоқда. Биздан ёрдам кутмоқда. Бизчи? Биз умматнинг кулфатини аритиш учун ёрдам қўлини чўздикми? Муаммо шунда.

Бугун аксариятимиз умматнинг шундай оғир дамларида арзимас ихтилофлар устида бир-биримиз билан тортишиб, бир-биримизга ғазабимизни сочмоқдамиз, олдимиздаги очиқ душманни кўра олмай, уни ўз орамиздан қидирмоқдамиз. Бунинг натижасида душманларимизга ем бўлмоқдамиз. Ваҳоланки, душман кўз олдимизда ўзини очиқ намоён қилиб, умматни очиқдан-очиқ қирғин қилмоқда, биз эса, унга қаршилик қилиш ўрнига, ижтиҳодий масалаларда бир-биримиз билан ихтилофлар устида бош қотирмоқдамиз. Шу иллат туфайли ўтган аср бошларида мустамлакачилар томонидан бутун уммат учун таянч бўлган буюк Исломий Халифалик давлатининг ағдарилишига қаршилик қила олмадик. Бу бизнинг фикрий қолоқлигимиздандир.

Ушбу ҳолатларга янада кенгроқ, ёрқинроқ ёндошилса, бунинг асл негизи мусулмонлар ўз динларини тўлиқ тушунмаслиги бўлса, иккинчи жиҳати ушбу ажнабий босқинчи кучларга қарши турадиган ягона давлатимизнинг йўқлигидир. Ушбу давлат вужудга келса, бу умматнинг ҳолидан хабар олади, хавфсизлигини кафолатлайди, оч қолса тўйдиради. Бир сўз билан айтилса, умматнинг ҳақиқий қалқонига айланади. Абу Ҳурайрадан ривоят қилинган ҳадисда Пайғамбар с.а.в. шундай дейдилар: «Имом (бошлиқ) бир қалқондир, унинг ортида жанг қилинади ва у билан сақланилади».

Биз мусулмонлар ушбу ҳайрли ишга қўл урмас эканмиз, дунёдаги адолатсизликларни охири кўринмайди. Ушбу адолатсизликларга жим туриб кузатишимиз, бўйин эгишимиз давом этар экан, келажак авлодларимиз олдида ҳам, буюк ҳисоб майдонида ҳам бўйин эгиб, юзларимиз қаро бўлишга лойиқ бўлган умматга айланамиз. Ўтаётган кунимизга рози бўлиб, жим туришимиз Аллоҳ тарафидан умматларнинг энг яхшиси, деб эътироф этилган умматнинг Қиёмат тонггидаги узри қабул қилинмаслигини асло ёдингиздан чиқарманг. 

Пайғамбар с.а.в. шундай марҳамат қилдилар:

مَنِ الْتَمَسَ رِضَا اللهِ بِسَخَطِ النَّاسِ رَضِيَ اللهُ عَنْهُ، وَأَرْضَى النَّاسَ عَنْهُ، وَمَنِ الْتَمَسَ رِضَا النَّاسِ بِسَخَطِ اللهِ سَخَطَ اللهُ عَلَيْهِ، وَأَسْخَطَ عَلَيْهِ النَّاسَ

«Ким инсонларни ғазаблантириш билан Аллоҳнинг розилигини қидирса, Аллоҳ ундан рози бўлади, инсонларни ҳам ундан рози қилиб қўяди. Ким Аллоҳни ғазаблантириб, инсонлар розилигини қидирса, Аллоҳ ундан ғазабланади, инсонларни ҳам ундан ғазаблантириб қўяди».

Хулоса ўрнида айтамизки, фарзандларингизни қулаётган томлар орасидан тортиб олаётганингиз, сингилларингизни кўлмаклар ичида номуслари топталаётган ҳолда,  оналарингизни золимлар зулмидан ўзга юртларга қочаётган ҳолда кўришингиз сизни ғазаблантирмаётган бўлса, иймонингизни, ғурурингизни қайта ҳисоб-китоб қилиб олинг, яна қайта тирилиш кунида пушаймон бўлиб қолманг.

Аллоҳ Таоло айтади:

وَلا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُمْ مِنْ دُونِ اللَّهِ مِنْ أَوْلِيَاءَ ثـُمَّ لا تُنصَرُونَ

– “Зулм йўлини тутган кимсаларга берилиб кетманглар (эргашманглар). Акс ҳолда сизларга дўзах ўти етар. Сизлар учун Аллоҳдан ўзга бирон дўст йўқдир. Кейин (яъни золимларга эргашсангиз) сизларга ёрдам берилмас”. (Худ:113)

Ҳизб ут-Таҳрирнинг Ўзбекистондаги медиа офиси. Зайниддин

07.04.2020й