Референдум деб аталмиш спектакль!
“Инсоннинг ноқис конституциясига – ЙЎҚ! Қуръон ва Суннат асосидаги дастурга – ҲА!” номли кампания доирасида
Референдум деб аталмиш спектакль!
بسم الله الرحمن الرحيم
Ўзбекистон Олий Мажлиси сенати конституциянинг янги таҳрири тўғрисидаги қонун лойиҳасини қабул қилди, бу лойиҳа президент Мирзиёевнинг ваколат муддатларини “ноллаштиради”. Сенат бу лойиҳа бўйича референдум ўтказишни 2023 йил 30 апрелга белгилади. Аввалроқ бу лойиҳа парламентнинг қуйи палатаси томонидан ҳам маъқулланган эди.
Агар референдумда халқ бу қонун лойиҳасини “маъқулласа” ҳозирда 65 ёшга кирган Мирзиёев ҳокимиятда 2040 йилгача қолиши мумкин! Ҳолбуки, халқ “маъқуллади” деб эълон қилишлари аниқ. Чунки Ўзбекистондаги режим каби авторитар режимларда халқнинг бундай қонун лойиҳаларини маъқулламаслиги имконияти нольга тенг. Референдум арафасида Ўзбекистоннинг бутун регионларида “Конституция меники, сеники, бизники! Конституция ўзимизники” деган шиор остида ташвиқот тадбирлари олиб бориляпти, йиғинлар ўтказиляпти. Уларда эстрада юлдузлари, спортчилар, давлат идоралари вакиллари, жамоат арбоблари, тадбиркорлар чиқиш қилмоқда. Фуқаролар бир хилда “меники”, “сизники”, “бизники”, “ўзимизники” деб ёзилган плакатларни кўтариб туришибди. Бундай йиғинларнинг кўпчилигида олий ўқув юртлари талабалари ва мактаб ёшидаги болалар ҳам иштирок этмоқда. Бу тадбирларнинг “юқоридан” берилган буйруқ асосида ўтказилаётганини кўрсатиб турибди. Масалан, Фарғона давлат университетида ўтказилган, кино ва телевидение юлдузлари иштирокидаги онлайн концерт сифатида эълон қилинган тадбирдан олдин инстаграмда бир видео пайдо бўлди. Унда бу тадбирни уюштирганлар ана шу шиорларни бақириб-чақириб турадиган “бақироқлар”ни қандай репетициядан ўтказишаётганини кўриш мумкин.
Шубҳасиз, референдум деб аталган бу спектаклдан мақсад Мирзиёевнинг ҳокимиятда қолишига йўл очишдир. Буни ўтган йили ёзда Олий Мажлис қонунчилик палатаси вице-спикери Содиқ Сафоев: “келинг, буни очиқ айтайлик, агар янги Конституция қабул қилинса, бу албатта барча фуқароларга, жумладан амалдаги президентга ҳам янги конституция бўйича сайловларда иштирок этиш имкониятини яратади” деб очиқ айтган эди. Central Asia Due Diligence директори Алишер Илҳомовнинг ҳам фикрича, конституциядаги ўзгаришлар Мирзиёев учун қилиняпти, унга – худди Путин Россияда қилганидек – “ҳозирги муддатларини ноль қилиб, янги муддатга ўтиш” имконини бериш учун қилинмоқда. “Ушбу ўзгаришлардан мақсад унга сохта асосни беришдир…” деб таъкидлайди эксперт.
Қисқа қилиб айтганда, Мирзиёев режими шу орқали бу янги конституцияни ва референдумни гўё халқнинг ирода-хоҳиши қилиб кўрсатмоқчи. Конституцияга гўё халқ манфаатлари ҳақида “қайғуриб” киритилган бошқа моддалар ва ўзгартиришлар эса, аввало халқ эътиборини бу янги конституциядан кўзланган асл мақсаддан чалғитиш учун киритилган бўлса, иккинчидан мустамлакачи кофир Ғарб ва куфрбоши Американи рози қилиш учун киритилди. Масалан, Мирзиёев 11 апрель куни “хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш” ҳақидаги янги қонунга имзо чекди. Аслида бу қонун билан оила ҳақидаги Ислом Шариати ҳукми нишонга олинганини тушуниб олиш қийин эмас. Исломда аёл қўриқланадиган номусдир. Аллоҳ Субҳанаҳу эркакларни аёллар устидан раҳбар қилиб қўйди. Бу раҳбарлик зўравонлик эмас, аксинча эр ва хотин оила ишларини биргаликда, Шариат ҳукмлари асосида тартибга солишидир, фарзандларга Исломий тарбия беришидир. Лекин агар хотин эрга шаръий ишларда итоат этмаса, Шариат унга нисбатан эр томонидан қўлланадиган жазо чораларини белгилаб қўйган.
Маълумки, Ғарб, хусусан Америка жамиятларни, хусусан мусулмон жамиятларни парчалаб ташлаш сиёсатини юргизади. Американинг собиқ президенти Ричард Никсон ўз мемуарларида бундай деб ёзади: “Мусулмонларга нисбатан олдимизда фақат икки ечимдан бирини танлаш бор, холос. Биринчиси: уларни қириб ташлаб, йўқ қилиш. Иккинчиси: уларни “эритиб” бошқа секуляр фуқаролик жамиятларига қўшиб юбориш”. Демак, Америка ва Ғарбнинг мақсади биз мусулмонларни “суюқ”, тутуруқсиз ҳолга келтириб, куфр жамиятларига аралаштириб ташлаш, оилаларни бузиб, парчалаб ташлашдир. Оила, аёл ва уларга оид масалалар Америка ва Ғарбнинг ҳазорий, фикрий, сақофий ҳужумида энг бирламчи ўринда туради. Шу мақсадда Америка ва Ғарб мусулмонлар онгини “демократия”, “инсон ҳуқуқлари”, “эркинликлар” каби куфр тушунчалари билан заҳарлашга уринмоқда. Президент Мирзиёев “Янги Ўзбекистон” газетаси бош муҳаррири Салим Дониёровнинг саволларига жавоб берар экан: “Айниқса, “инсон ҳуқуқ ва эркинликлари”, “қонун устуворлиги”, “очиқлик ва ошкоралик”, “сўз эркинлиги”, “дин ва эътиқод эркинлиги”, “жамоатчилик назорати”, “гендер тенглик”, “хусусий мулк дахлсизлиги”, “иқтисодий фаолият эркинлиги” сингари фундаментал демократик тушунчалар ва ҳаётий кўникмалар ҳозирги вақтда реал воқеликка айланиб бораётгани эътиборлидир” деган эди. Унинг қизи Саида Мирзиёева эса, 2023 йил 25 мартда Оқ уйда Жо Байденнинг ёрдамчиси, АҚШ президенти администрациясининг гендер сиёсати бўйича кенгаши директори Женнифер Кляйн билан учрашди. Суҳбатнинг асосий мавзуларидан бири хотин-қизларни гендер зўравонликдан ҳимоя қилиш ва Ўзбекистонда унга йўл қўймаслик учун амалга оширилаётган ишлар бўлди. “Маъмурий жавобгарлик тўғрисидаги кодексларига аёллар ва вояга етмаганларга нисбатан зўравонлик жиноятини назарда тутувчи ўзгартиришлар фақат қоғозда қолмаслиги учун зарур чора-тадбирларни атрофлича муҳокама қилдик” дейди Саида Мирзиёева.
Демак, кўп векторли сиёсат юритаётган Мирзиёев режими янгиланаётган конституцияга киритилаётган ўзгартиришлар билан мустамлакачи кофирларни рози қилишга ҳаракат қиляпти. Бу сиёсат мустамлакачи кофирларнинг референдум деб аталмиш спектаклга “яшил чироқ” ёқиб беришгани сабабини изоҳлаб турибди.
Ўзбекистонда 30 йил ичида 15 марта ўзгарган куфр конституцияси халқимиз бошига хору зорлик, қашшоқликдан бошқа нарсани келтирмади. Янгиланаётган конституция ҳам ҳеч бир яхшилик келтирмайди. Аксинча, демократиянинг бадбўй ботқоғига ботириб, ҳайвонликнинг энг тубан даражасига туширади. Шунинг учун Ўзбекистон мусулмонлари ҳалолни ҳаром, ҳаромни ҳалол қиладиган бу конституцияга “ЙЎҚ” деб рад жавоби беришлари лозим. Зеро, илмонийлик (секуляризм) зулматларидан қутулиб, нажот топишнинг фақат битта йўли бор, у ҳам бўлса Ислом Нурига чиқишдир. Бу эса, фақат Пайғамбарлик минҳожи асосидаги Рошид Халифалик Давлатини тиклаш билан амалга ошади. Халифалик Давлати тикланса бутун инсоният Ғарб капиталистик ҳазоратининг, секуляризм ва демократиянинг натижаси бўлмиш бу зулматлардан, ахлоқий бузилишдан, оилалар парчаланишидан, хору зорликдан чиқиб, ҳақ ва адолат кафолати бўлган Ислом соясида инсондек ҳаёт кечирадиган бўлади.
وَيَوْمَئِذٍ يَفْرَحُ الْمُؤْمِنُونَ بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ
– “Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат эгасидир”. (Рум:4-5)
#Инсоннинг_ноқис_дастурига_ЙЎҚ_Қуръон_ва_Суннат_асосидаги_дастурга_ҲА
Ҳизб ут-Таҳрирнинг Ўзбекистондаги матбуот бўлими раиси Ислом абу Халил
24.04.2023й
